2 REYES 5:14 - Biblia Guarani Tumpa Iñee

¹⁴ Jayave jae ogüeyɨ ɨ̈aka Jordán kotɨ, jare osakambɨ chiu ye ɨ̈aka Jordán pe, Tumpa iñeemombeúa jei chupe rami etei; jare isoo opɨta michia raɨ isoo rami, okuera opɨta.

2 REYES 5:14 ပူးပေါင်းရင်းမြစ်များ

1 REYES 17:16

Jare trigokúi mbaetɨ oata tinaa pe jare asaite ave mbaetɨ jagüe jɨru pe, yandeYa jei Elías rupi rami etei.

2 REYES 4:35

Jayave Eliseo opüa oguata guata jókuae o rupi, javoi oyeupi ye tupa pe jare oyapakua ye kunumi raɨ iárambo. Güɨramoiño kunumi raɨ iñächio chiu ye jare omae.

2 REYES 5:10

Jayave Eliseo omondo ikotɨ metei ñee jerajaa, jei körai: “Ekua, jare eyeyoe chiu ye ɨ̈aka Jordán pe, jare rekuerata.”

2 CRÓNICAS 20:20

Pɨareve pe ndeimboveasɨ opüa reta yogüɨraja ñuu Tecoa pe. Ñogüɨnoe ramboeve, Josafat oyemboɨ jei vaerä chupe reta: “Peyeapɨsaka Jerusalén pegua reta jare Judá pegua reta, peyeko yandeYa Tumpa re, jare ngaraa pekɨɨye; perovia iñeemombeúa reta re, jare opaete oë kavita peve.”

JOB 31:13

Aröɨro ra cherembiokuai kuimbae ani kuña reta jupi jei vae, oyoaka reta yave che ndive.

JOB 33:25

Jayave jete okuera yeta, oiko yeta tenonde taɨrusu yave oikose rami.

ÉXODO 4:7

Jare Tumpa jei ye chupe: —Emoinge ye nderendapɨgüɨ pe ndepo. Jare Moisés omoinge ipo jendapɨgüɨ pe, jare güɨnoe ye yave, oecha opa ye okuera tenonde yave ipire rami.

PROVERBIOS 9:9

Emee arakuaa iyarakuaa vae pe, jare iyarakuaa yae eteta; emboe jupi vae, jare oñemoïruta chupe iyarakuaa.

LEVÍTICO 13:58

Ërei temimonde, tembiapo ani mbaepɨaa ani oipotagüe tembiapo mɨmba pire pegua oyeekɨ chugüi mbaerasɨ ókui vae, toyeputuka ye, jayave topɨta ikɨambae.”

ZACARÍAS 13:1

Jókuae ara oyepeata metei ɨesaɨ David iñemuña reta peguarä jare Jerusalén pegua reta peguarä, oyeapo vaerä yetɨo mbaeyoa güi jare ikɨa Tumpa jóvai vae güi.

ZACARÍAS 14:8

Jare jókuae ara Jerusalén güi oëta ɨ tɨpambae, mbɨte rupi ojota Ɨguasu Jembochɨ vae pe, jare ïru mbɨte rupi ojota Ɨguasu Mediterráneo pe, kuaraɨ guasu iara pe jare iroɨ guasu iara pe.

San Lucas 4:27

Jaeramiño vi, jeta ipire mbaerasɨ ókui vae reta yogüɨreko Israel pe ñeemombeúa Eliseo oiko yave. Ërei mbaetɨ okuera metei ave ipire mbaerasɨ ókui vae Israel pegua. Jaeño okuera Siriaɨgua Naamán.

San Lucas 5:13

Jayave Jesús opoko jese jei reve: —¡Aipota! ¡Ekuera! Jare jupiveiño okuera imbaerasɨ güi.

San Juan 2:5

Jayave Jesús ichɨ jei tembiokuai reta pe: —Peyapo opaete mbae jae jei peve vae.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

JOSUÉ 6:4

Jare chiu sacerdote togüɨraja chiu mimbɨ vecha kuimbae-räti pegua Tumpa ikäjou jenonde; jare chiúa ara pe peyere chiu ye tëta guasu re, jare sacerdote reta tomoñee mimbɨ reta.