2 REYES 5:13 - Biblia Guarani Tumpa Iñee

¹³ Ërei ngatu jembiokuai reta oya ikotɨ jare omomiari reta körai: —Cheruvicha, ñeemombeúa ndeokuai yave mbae yavai yae vae re, ¿mbaetɨta pa reyapo? ¿Mbae mbatee pa jei yave ndeve: “Eyeyoe, jare rekuerata”?

2 REYES 5:13 ပူးပေါင်းရင်းမြစ်များ

GÉNESIS 41:43

Jare omboyeupiuka mburuvicha iguataka ïru pe jare osapúkai reta jenonde rupi körai: “¡Peyetavatɨka opaete vae!” Jökorai oñono mburuvicha guasurä opaete ɨvɨ Egipto re.

1 REYES 20:23

Jare mburuvicha guasu Siria pegua imborɨa reta, jei chupe: —Israel iñemuña reta itumpa reta, jae ko tumpa reta ɨvɨtɨ rupigua; jáeramo ñanemoamɨri. Ërei ñañoraro yave ɨvɨpe kavi pe jae reta ndive ñamoamɨrita.

1 REYES 20:31

Jayave iyɨvɨrigua mburuvicha reta jei chupe: —Roendu mburuvicha guasu reta Israel pegua iporoparareko jare ombopo iñee; jayave yayemonde temimonde mbɨatɨtɨ pegua pe jare yandeayu re ñañono tɨmasa, javoi yaja mburuvicha guasu Israel pegua jóvai, yaecha ra iñɨ̈ro ndeve.

2 REYES 13:14

Eliseo imbaerasɨ jeiete yae, omanota ma, jare Joás, mburuvicha guasu Israel pegua ojo omae jese, oäpiro jare oiküava, jei reve: —¡Cheru! ¡Cheru! Nde reiko ɨvɨ Israel peguarä sundaro reta imbaepuere yae vae rami.

2 REYES 2:12

Kuae oecha Eliseo yave, osapúkai: “¡Cheru, cheru, nde reiko ɨvɨ Israel peguarä sundaro reta imbaepuere yae vae rami!” Jare mbaetɨ ye ma oecha. Jayave Eliseo oipɨɨ jemimonde omondoro mókoi yemboyao pe.

2 REYES 5:10

Jayave Eliseo omondo ikotɨ metei ñee jerajaa, jei körai: “Ekua, jare eyeyoe chiu ye ɨ̈aka Jordán pe, jare rekuerata.”

2 REYES 5:3

Kuae kuñatai jei iya kuña pe: —Cheya omoñera ñeemombeúa Samaria pe oï vae yave, ombogüerata ko ipire mbaerasɨ ókui vae güi.

2 REYES 6:21

Jare mburuvicha guasu Israel pegua oecha reta yave, oparandu Eliseo pe: —¿Ayuka retata pa, cheru?

2 REYES 8:9

Hazael ojo Tumpa iñeemombeúa pɨri, güɨraja chupe mbota Damasco pe mbae ikavigüe oime vae, ombovoɨta güɨraja cuarenta camello. Jare ojo oväe Tumpa iñeemombeúa oïa pe yave, jei chupe: —Nderaɨ Ben-adad, mburuvicha guasu Siria pegua chembou ndekotɨ, aparandu vaerä ndeve okuerata ra imbaerasɨ güi vae.

SALMOS 51:2

Cheyoe yeyé ikavimbae güi, chetɨo cheyoa güi.

SALMOS 51:7

Chetɨo ñana hisopo pe, jare taiko chekɨambae; cheyoe, jare taiko iroɨ tïiasɨ vae rami;

ISAÍAS 1:16

¡Peyeyoe jare peyetɨo! ¡Pembosɨrɨ peyeugüi ikavimbae peyapo cheresa róvai rupi vae! ¡Agüɨye mo peyapo ikavimbae!

MALAQUÍAS 1:6

YandeYa jei sacerdote reta pe: “Membɨ reta omboete tu, jare tembiokuai omboete iya. Añave che ko jae peRu yave, ¿maera pa mbaetɨ chemboete? Che ko jae peYa yave ¿Maera pa mbaetɨ peipoɨu chegüi? Jei peve yandeYa Imbaepuere yae ete vae: Pe sacerdote reta peröɨro cheree, jare pere: ‘¿Mbae pe pa rogüɨröɨro nderee?’

San Mateo 23:9

Jare agüɨye etei pere: ‘Cheru’ metei kuimbae kuae ɨvɨ pegua pe. Echa meteiño ko jae peRu ara pe oï vae.

San Juan 13:8

Pedro jei chupe: —Ngaraa etei amaeño reyoe vaerä chepɨ. Jesús jei chupe: —Mbaetɨ ayoe ndepɨ yave, nde mbaetɨ ko reï che ndive.

San Juan 9:7

jare jei chupe: —Ekua eyoe nderesa ɨesaɨ Siloé pegua pe (kuae Siloé oipota jei: “Temimondo”). Jayave jae ojo oyoe jesa jare ou ye yave, omae ma.

Hechos 22:16

Añave ¿mbae pa reäro? Epüa eyembobautisauka reyerure reve chupe, ndeyoa reta oyemboai vaerä.’

1 Corintios 1:21

Tumpa iyarakuaa rupi, ɨvɨ pegua reta iyarakuaa rupi aeño mbaetɨ ipuere oikuaa Tumpa. Ërei Tumpa jaekavi omboasa vaerä oporogüɨrovia vae reta ñee ikavi vae mbokereecha vae rupi.

1 Corintios 1:27

Echa Tumpa oiparavo ko mbaetɨ arakuaa ɨvɨ pegua güɨnoi vae reta, omomaraiuka vaerä iyarakuaa katu vae reta. Jaeramiño vi Tumpa oiparavo mbaetɨ mbaepuere güɨnoi vae reta, omomaraiuka vaerä mbaepuere güɨnoi vae reta.

1 Corintios 4:15

Echa yepe tëi jeta pemboe Cristo re vae, ërei mbaetɨ ko jeta peru. Che ko jae peru rami Cristo Jesús re ñee ikavi vae amoërakua peve vae rupi.

Tito 3:5

yandemboasa, mbaetɨ jupi vae yayapo ramo, jaeño yandemboasa iporoparareko rupi, yandeyoe ɨ pe, ombopɨau yanderekove Espíritu Santo rupi.

Hebreos 10:22

yayemboya Tumpa re yandepɨa jupi reve, yarovia kavi reve, yandepɨa oyetɨo reve yemongeta ikavimbae güi, jare yanderete oyeyoe reve ɨ ikɨambae pe.

1 Pedro 3:21

Jókuae ɨ ombojaanga añave pe reta peyemboasauka peyembobautisauka yave Jesucristo oikove ye ou omanogüe vae reta ipɨte güi ramo. Pepuereä peyemboasauka peyoe perete vae rupi. Jaeño peyemongeta kavi yave Tumpa kotɨ.

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.

1 SAMUEL 24:11

Emae, mase, ko anoi chepo pe nderemimonde jembeɨgüe, che ayasɨa, jare mbaetɨ royuka, echa ayemongeta kavi ndekotɨ jare mbaetɨ vi romomburu ani cheyoa ndekotɨ. Ërei nde chepïaro reiko, reipota cheyuka.

1 SAMUEL 28:23

Saúl ñäteɨ okaru, ërei iyɨvɨrigua reta jare jókuae kuña omoñera okaru vaerä, jare ikɨ̈reɨ. Jare opüa ɨvɨ güi jare oguapɨ metei tupa pe.

1 SAMUEL 9:10

Jare Saúl jei jembiokuai pe: —Jaekavi rere, yaja jokotɨ. Jare yogüɨraja tëta guasu kotɨ Tumpa iñeemombeúa oïa pe.