2 REYES 5:10 - Biblia Guarani Tumpa Iñee

¹⁰ Jayave Eliseo omondo ikotɨ metei ñee jerajaa, jei körai: “Ekua, jare eyeyoe chiu ye ɨ̈aka Jordán pe, jare rekuerata.”

2 REYES 5:10 ပူးပေါင်းရင်းမြစ်များ

2 REYES 2:21

Jayave Eliseo ojo ɨesaɨ oïa pe jare oitɨ pɨpe yukɨ, jei reve: —Körai jei yandeYa: “Che ambokavi kuae ɨ, jare ngaraa ye ma kuae ɨ oporoyuka jare oporomombaerasɨ.”

2 REYES 3:16

jare jei: —YandeYa jei: “Peyapo jeta ɨnoonga tuicha vae kuae ɨvɨtɨ päu rupi.

2 REYES 4:35

Jayave Eliseo opüa oguata guata jókuae o rupi, javoi oyeupi ye tupa pe jare oyapakua ye kunumi raɨ iárambo. Güɨramoiño kunumi raɨ iñächio chiu ye jare omae.

2 REYES 4:41

Eliseo jei: —Peru cheve mbovɨ trigokúi. Jare jókuae opɨyere yapepo pe yave jei: —¡Añave eñono tokaru reta! Okaru reta, jare mbaetɨ ma ikavimbae vae oï jókuae yapepo pe.

2 REYES 5:11

Javoi Naamán iyarasɨ ojo, jei körai: —Che yepe jae cheyeupe: “Jupiveiño jae oëta omae cheré, oyemboɨ reveño oenɨita iYa Tumpa jee, jare oupita ipo jare opokota mbaerasɨ jenda re, jare okuerata chepire mbaerasɨ ókui vae.

2 REYES 5:14

Jayave jae ogüeyɨ ɨ̈aka Jordán kotɨ, jare osakambɨ chiu ye ɨ̈aka Jordán pe, Tumpa iñeemombeúa jei chupe rami etei; jare isoo opɨta michia raɨ isoo rami, okuera opɨta.

2 REYES 5:9

Jare ou Naamán ikavayu reta ndive jare ikäretou reta ndive oyemboɨ Eliseo jo jöke pe.

ÉXODO 4:18

Körai Moisés oyerova ye jovaya Jetro jëta pe, jare jei chupe: —Aja yeta cherëtara reta Egipto pe ñogüɨnoi vae pɨri, aikuaa vaerä oimeño ra yogüɨreko vae. Jare Jetro jei Moisés pe: —Ekua mbɨakatu reve.

LEVÍTICO 13:58

Ërei temimonde, tembiapo ani mbaepɨaa ani oipotagüe tembiapo mɨmba pire pegua oyeekɨ chugüi mbaerasɨ ókui vae, toyeputuka ye, jayave topɨta ikɨambae.”

LEVÍTICO 14:16

Jare tomoäkɨ ipoäka iyakatu kotɨgua ipo iyasu pe olivo iasaite güɨnoi vae pe, jare ipoäka pe olivo iasaite ndive toñapiramo chiu ye cheróvai.

LEVÍTICO 14:51

Jare toipɨɨ ɨ̈vɨrare, ñana hisopo jee vae, temimonde pɨ̈ta vae jare güɨra oikove vae, jare tomoäkɨ güɨra oyeyuka vae jugüɨgüe pe, jare ɨvɨyapepo pe ɨ osɨrɨ vae oï vae pe, jare toñapiramo chiu ye jókuae o.

LEVÍTICO 14:7

jare toñapiramo chiu ye tugüɨ pe jókuae ipire mbaerasɨ ókui vae güi oyetɨo oï vae re; jare tomombeu ikɨambae ma ko. Javoi topoi güɨra oikove oï vae güi ñana pe.

LEVÍTICO 16:14

Jaɨkue rupi toipɨɨ toro taɨrusu vae jugüɨgüe, jare toñapiramo ipoäka pe ñɨ̈ro renda iyɨke kuaraɨ oëa kotɨgua; jare toñapiramo ipoäka pe ñɨ̈ro renda kotɨ etei chiu ye jókuae tugüɨ pe.

LEVÍTICO 16:19

jare ipoäka pe toñapiramo iárambo tugüɨ pe chiu ye. Jökorai toitɨo jare toñono tee ikäti kavi vae incienso oyeapɨ jese vae Israel iñemuña reta ikɨa güi.

NÚMEROS 19:19

Jókuae kuimbae ikɨambae oï vae toñapiramo, jókuae kuimbae ikɨa oï vae re mboapɨa ara pe jare chiúa ara pe; javoi chiúa ara pe oitɨo ma yave, jókuae ikɨa oiko vae toputuka jemimonde, jare jae etei toyeyoe vi ɨ pe; ërei tikɨa topɨta Tumpa jóvai pɨ̈tu regua.

NÚMEROS 19:4

Jare sacerdote Eleazar toupi ipoäka re tugüɨ, jare toñapiramo pɨpe chiu ye tupao guakapi pegua kotɨ.

San Juan 5:4

Echa amo ámope ogüeyɨ metei araɨgua omomɨi vaerä ɨ. Jare ɨ omɨi yave, jókuae imbaerasɨ vae tenonde voi oike ɨ pe vae okuera oipotagüe mbaerasɨ güi.

San Juan 9:7

jare jei chupe: —Ekua eyoe nderesa ɨesaɨ Siloé pegua pe (kuae Siloé oipota jei: “Temimondo”). Jayave jae ojo oyoe jesa jare ou ye yave, omae ma.

1 Corintios 6:11

Jökorai ko pe reta yepi. Ërei peyetɨouka ma, peñeñono teeuka ma, peyembojupiuka ma yandeYa Jesús jee re jare yandeRu Tumpa iEspíritu rupi.

JOSUÉ 6:4

Jare chiu sacerdote togüɨraja chiu mimbɨ vecha kuimbae-räti pegua Tumpa ikäjou jenonde; jare chiúa ara pe peyere chiu ye tëta guasu re, jare sacerdote reta tomoñee mimbɨ reta.