2 REYES 4:42 - Biblia Guarani Tumpa Iñee

⁴² Jayave ou metei kuimbae Baal-salisa pegua, güeru Eliseo Tumpa iñeemombeúa pe mbaagüɨyerɨpɨ: Veinte mbɨyape cebada pegua jare trigo ipɨau vae ivokoo pe. Jayave Eliseo jei jembiokuai pe: —Emee kuimbae reta pe, jou reta vaerä.

2 REYES 4:42 ပူးပေါင်းရင်းမြစ်များ

1 REYES 14:3

Jare eraja ndepo pe payandepo mbɨyape, jare torta, jare metei jɨru ei, jare ekua ikotɨ, omombeu vaerä ndeve maratuta ra kuae michia vae.

2 REYES 4:38

Eliseo oyerova ye Gilgal kotɨ, jókuae ɨvɨ pe karuai yae; ñeemombeúa reta yatɨ ñogüɨnoi Eliseo re yave, jei jembiokuai pe: “Eñono yapepo tuicha vae tata pe, jare eyapo tembíu täta kavi vae, ñeemombeúa reta peguarä.”

2 REYES 5:5

Jare Siria pegua mburuvicha guasu jei chupe: —Ekua, che amondota tupapire mburuvicha guasu Israel pegua pe. Jare ojo. Güɨraja treinta mil reare korepoti pegua, seis mil reare oro pegua, jare payandepo yepoepɨ pegua temimonde,

2 REYES 7:1

Jayave Eliseo jei: —Eyeapɨsaka yandeYa iñee re. Körai jei yandeYa: “Pɨareve koyave Samaria jöke pe oñemeeta trigokúi, chiu kilo vae jepɨta metei reare korepoti pegua jare quince kilo cebada vae jepɨta metei reare korepoti pegua.”

ÉXODO 23:16

Jökoraiño vi arete mbaagüɨye regua; pembaagüɨyerɨpɨ kó pe peñotɨ vae, jare arete mbaarɨvo regua año opata ma yave vae; pemboɨru ma yave peremitɨ yagüɨyegüe.

NÚMEROS 18:12

Jare opaete olivo iasaite ikavigüe, uva ikavigüe jare trigo ikavigüe, Israel iñemuña reta omee cheve mbaagüɨyerɨpɨ güi vae, opa amee ndeve.

NÚMEROS 18:13

Mbaagüɨyerɨpɨ güi jae reta güeru cheve vae, ndembaerä ko; opaete ndero pe oyetɨo Tumpa jóvai vae ipuere jou jókuae güi.

San Juan 6:13

Jare jókuae pandepo mbɨyape vae güi jembɨregüe, omboatɨ reta doce kanata, opa ma okaru reta yave.

San Juan 6:9

—Oime kuae pe metei kunumi pandepo mbɨyape cebada pegua güɨnoi vae jare mókoi jevae raɨ. Ërei jókuae mbaeä ko kuae jeta vae reta jou vaerä.

1 Corintios 9:11

Ore roñotɨ yave mbae Espíritu pegua ¿jeta yae pa peve roäro pegüi mbaembae penoigüe güi yave?

Gálatas 6:6

Tumpa iñee re oyemboe vae, tomee mbaembae güɨnoi vae güi imboea pe.

DEUTERONOMIO 12:6

Joko pe perajata pemee mɨmba oyeyuka opaetei oyeapɨ vae, mɨmba oyeyukagüe, pediezmo reta, mbota oñererökuavee vae, ñererökuavee pegua, mbota kɨ̈reɨ ngatu pegua, jare peguaka reta imembɨrɨpɨ, jare pevecha reta imembɨrɨpɨ.

DEUTERONOMIO 32:14

jare neche kɨra jou reta jare vecha ineche jou reta, jou reta vecha kuimbae taɨrusu vae ikɨra vae, jare vecha kuimbae jare kavara kuimbae ɨvɨ Basán pegua; jou reta trigo ikavigüe, jare vino, uva tɨgüegüe.

DEUTERONOMIO 8:8

Ɨvɨ kavi trigo peguarä, cebada peguarä, uva peguarä, granada peguarä, olivo peguarä jare ei;

1 SAMUEL 9:4

Jare oasa reta ɨvɨtɨ Efraín rupi jare yogüɨraja oväe ɨvɨ Salisa pe; jare mbaetɨ oväe. Jare oasa reta yogüɨraja ɨvɨ Saalim rupi, mbaetɨ oväe, javoi oasa reta yogüɨraja Benjamín iñemuña reta iɨvɨ rupi jare mbaetɨ oväe reta imburika.

1 SAMUEL 9:7

Saúl jei jembiokuai pe: —Yaja jayave. Ërei, ¿mbae pa yarajata jókuae kuimbae pe? Echa mbɨyape opa ma yandeaporoka pe, jare mbaetɨ mbae ñamee vaerä Tumpa iñeemombeúa pe.