2 REYES 4:4 - Biblia Guarani Tumpa Iñee

⁴ Javoi eike eyeokenda ndero pe nemembɨ reta ndive, jare emotɨnɨe asaite pe opaete mbaerɨru, jare tɨnɨegüe eñono ïkotɨa.

2 REYES 4:4 ပူးပေါင်းရင်းမြစ်များ

2 REYES 4:3

Jayave Eliseo jei chupe: —Ekua, jare eiporu ndeyeupe mbaerɨru opaete nerëta-ɨpɨ rupigua reta pe, ¡opaete mbaerɨru ipombae reväe chupegüe!

2 REYES 4:5

Jókuae kuña ojo Eliseo oïa güi, jare oike oyeokenda jo pe imembɨ reta ndive. Jayave omboɨpɨ omotɨnɨe mbaerɨru reta imembɨ reta güeru güɨnoi chupegüe.

ISAÍAS 26:20

Cherëtaɨgua reta, peike pero pe, jare peyokenda öke peike yave. Peñemi räri joko pe, yandeYa iyarasɨ oasa regua.

San Mateo 6:6

Ërei nde reyerure Tumpa pe yave, eike ndero pe jare eyokenda öke. Javoi eyerure ndeRu pe kia reta oikuaambae reve. Jae oikuaata nde reyapo vɨari vae jare omboepɨta ndeve, opaete vae jovake.

San Marcos 5:40

Ërei jae reta oyóyai. Jayave Jesús omoë opaete vae oka pe, jare güɨroike kuñatai oïa pe kuñatai tu jare ichɨ, jare jemimboe jae ndive yogüɨraja vae reta.

San Juan 6:11

Jayave Jesús oipɨɨ jókuae mbɨyape jare omee yasoropai Tumpa pe, jare omee jemimboe reta pe. Jare jemimboe reta omee oguapɨ vae reta pe. Jaeramiño vi omee jevae chupe reta, jae reta oyúe rupi.

Hechos 9:40

Jayave Pedro omoë opaete joko pe ñogüɨnoi vae reta. Jare oyetavatɨka oyerure Tumpa pe. Javoi omae tëogüe re jare jei: —¡Tabita, epüa! Jayave kuña omae, jare oecha Pedro yave, opüa oguapɨ.

Efesios 3:20

Jare añave toyemboete Tumpa, imbaepuere yae oyapo vaerä jeta yae opaete mbaembae yaiporu vae ani yaikuaa vae güi, imbaepuere yandeɨvɨte pe oparavɨkɨ vae rupi.