2 REYES 4:26 - Biblia Guarani Tumpa Iñee

²⁶ Romoñera resɨi vaerä reo reövaiti, jare ere chupe. ¿Kërai pa reï? ¿Kërai pa neme jare nemembɨ oï? Jókuae tembiokuai ojo jökorai jei chupe. Jare jókuae kuña jei chupe: —Ikaviño ñogüɨnoi.

2 REYES 4:26 ပူးပေါင်းရင်းမြစ်များ

GÉNESIS 29:6

Jayave Jacob jei ye: —¿Ikaviño pa oï? —Ikaviño. Mase ko ou Raquel, Labán tayɨ vecha reta ndive —jei reta chupe.

GÉNESIS 37:14

Jayave Israel jei chupe: —Ekua añave emae nderɨkeɨ reta re, reikuaa vaerä kërai ñogüɨnoi vae jare vecha reta re vi; jare reyuta remombeu cheve. Jare omondo Hebrón iɨvɨtɨ päu ipe kavi vae güi, jare ojo oväe Siquem pe,

GÉNESIS 43:27

Jayave José oparandu tɨkeɨ reta pe, kërai ra ñogüɨnoi vae, jei körai: —Peru, indechi yae ma vae re pemiari cheve vae, ¿ikaviño pa oï? ¿Oikoveño pa?

2 SAMUEL 18:29

Jare mburuvicha guasu jei: —¿Kunumi Absalón ikaviño pa oï? Jare Ahimaas jei: —Nderembiokuai Joab chembou yave, aecha jeta ikepegua vae, ërei mbaetɨ aikuaa maera ko.

2 REYES 4:23

Ime oparandu chupe: —¿Maera pa reota remae jese añave? Yasɨ pɨauä ko añave, jare mbutuu iaraä vi. Ërei jembireko jei chupe: —¡Agüɨye eyemoambeko!

2 REYES 4:25

Jayave jókuae kuña ojo; ojo oväe ɨvɨtɨ Carmelo pe, Tumpa iñeemombeúa oïa pe. Jare Tumpa iñeemombeúa oecha yave mombɨrɨ güi, jei jembiokuai Giezi pe: —Mase, ko ou kuña Sunem pegua.

2 REYES 4:27

Javoi ojo oväe ɨvɨtɨ re Tumpa iñeemombeúa oïa pe yave, oyepɨɨ ipɨ re. Giezi oya jese ombosɨrɨ vaerä chugüi. Ërei Eliseo jei chupe: —Emaeño jese, echa ipɨatɨtɨ yae ko oï, jare añave rupi mbaetɨño yandeYa omombeu cheve, maratu ra oasa vae.

2 REYES 5:22

Giezi jei: —¡Ikaviño! Cheya chembou jae ndeve: “Ko yogüeru oväe chépɨri ɨvɨtɨ Efraín güi mókoi taɨrusu vae ñeemombeúa reta; romoñera remee vaerä chupegua retarä tres mil reare korepoti pegua, jare mókoi yepoepɨ pegua temimonde ipɨaugüe.”

SALMOS 39:9

Chekïrii, mbaetɨ cheñee amoë, echa nde ko opaete mbae reyapo.

LEVÍTICO 10:3

Jayave Moisés jei Aarón pe: —Körai voi ko yandeYa jei: “Chekotɨ yogüeru vae pe aechaukata che ko jae iyoambae, jare Israel iñemuña reta jóvai ayemboeteukata.” Jare Aarón kïrii opɨta.

ZACARÍAS 2:4

Jare jei chupe: “Esɨi ekua nemiari kunumi güɨnoi tɨmasa raɨ vae pe, körai: ‘Jerusalén ikëseambaeñota, kuimbae jare mbaemɨmba jeta yae vae jeko pegua.

Hechos 15:36

Metei ara Pablo jei Bernabé pe: —Yaja ye oporogüɨrovia vae reta pɨri, opaete tëta guasu ñamoërakua ma yandeYa iñee vae rupi, yaecha vaerä kërai ra ñogüɨnoi.

1 SAMUEL 17:18

Eraja vi payandepo kesu sundaro ruvicha tenondegua ete pe. Emae nderɨkeɨ reta re, jare eru chugüi reta mbae, aikuaa vaerä kërai ñogüɨnoi vae.

1 SAMUEL 3:18

Jare Samuel omombeu chupe opaete, oikuakumbae reve mbae. Jayave Elí jei: —¡YandeYa ko! ¡Toyapo jaekavi chupe vae!