2 REYES 4:12 - Biblia Guarani Tumpa Iñee

¹² Jayave jei jembiokuai Giezi pe: —Eenɨi jókuae kuña o iya. Jókuae tembiokuai oenɨi, jare jókuae kuña ou Eliseo oïa pe yave,

2 REYES 4:12 ပူးပေါင်းရင်းမြစ်များ

1 REYES 18:43

Jare jei jembiokuai pe: —Eyeupi emae ɨguasu kotɨ. Jare jae oyeupi, omae, jare jei: —Mbaetɨ etei mbae. Jare jae jei ye chupe: —Ekua chiu ye.

1 REYES 19:3

Jare Elías oecha mbaetɨta ikavi ramo, opüa jare ojo, güɨroasayepe vaerä jekove, jare ou tëta Beerseba pe ɨvɨ Judá pe, jare joko pe oeya jembiokuai.

2 REYES 3:11

Ërei Josafat jei: —¿Mbaetɨ pa kuae pe Tumpa iñeemombeúa, yaparandu vaerä yandeYa pe jókuae ñeemombeúa rupi? Metei sundaro ruvicha, Israel pegua mburuvicha guasu iyɨvɨrigua jei: —Kuae pe oime oiko Eliseo, Safat taɨ, Elías jemimboe.

2 REYES 4:11

Metei ara Eliseo ou jokoropi, jare opɨta oke jókuae cuarto pe.

2 REYES 4:13

Eliseo jei Giezi pe: —Ere jókuae kuña ipɨakavi yae yandeve vae pe, yandepuere ra yaiporu chupeguarä mbae ikavi vae; yandepuere ra ñanemiari jesegua mburuvicha guasu ndive ani sundaro reta itenondegua ete ndive. Jókuae kuña jei: —Ikaviño aiko kuae pe, cherëtara reta ipɨte pe.

Hechos 13:5

Jare yogüɨraja oväe yave tëta guasu Salamina pe, omoërakua reta Tumpa iñee judío reta itupao reta rupi. Jare Juan ojo jae reta ndive omborɨ vaerä.