2 REYES 3:25 - Biblia Guarani Tumpa Iñee

²⁵ Javoi omboai reta tëta guasu reta, jare güɨrokomegua reta ita pe ko reta, oyatɨ reta opaete ɨesaɨ, oitɨ reta opaete ɨvɨra ia vae. Jaeño opɨta tëta guasu Kir-hareset, ërei tamamboka regua reta oñova jare opɨ̈ro.

2 REYES 3:25 ပူးပေါင်းရင်းမြစ်များ

GÉNESIS 26:15

Jare tu Abraham jembiokuai reta oipea ɨkua vae, filisteo reta opa oyatɨ jare omotɨnɨe ɨvɨ pe.

GÉNESIS 26:18

Isaac oipea ye ɨkua reta, tu Abraham oiko yave oipea vae reta, Abraham omano güire filisteo reta opa oyatɨ vae, jare ombojee tu ombojee rami.

2 SAMUEL 8:2

Omoamɨri vi Moab pegua reta, jare ojäa tɨmasa pe, omboyapakua reve ɨvɨ re; ojäa mókoi tɨmasa pe omano reta vaerä jare mboapɨa tɨmasa ojäa vae oikoveño reta vaerä. Jökorai Moab pegua reta opa opɨta David jeia re, ombaemboepɨ reta chupe.

2 REYES 3:19

Jare pemboaita opaete tëta guasu reta oñekëse kavi vae reta, jare tëta guasu reta jërakua yae vae jare peitɨta opaete ɨvɨra ikavi vae reta, opata peyatɨ opaete ɨesaɨ reta, jare perokomeguata ita reta pe opaete ko reta.”

2 REYES 3:24

Ërei Moab iñemuña reta yogüeru oväe Israel iñemuña reta jeyupa pe yave; Israel iñemuña reta ñogüɨnoe chupe reta, opa ombotekuarai, oaɨkuemoña reta jare opa oyuka.

2 REYES 3:26

Mburuvicha guasu Moab pegua oikuaa ñamɨri ma ñeraro pe yave, oiporu iyeupe seteciento kuimbae oikatu kɨsepuku pe oñeraro vae, oasa reta vaerä mburuvicha guasu Edom pegua kotɨ. Ërei mbaetɨ ipuere reta.

2 CRÓNICAS 32:4

Jayave oyomboatɨ jeta vae, jare oñomi reta opaete ɨ jesaɨ vae reta jare ɨ osɨrɨ jókuae ɨvɨ rupi vae, agüɨye vaerä Asiria pegua mburuvicha guasu ou yave oväe jeta ɨ.

ISAÍAS 15:1

Tëtaguasu Moab maratuta vae regua: Pɨ̈tu yave ko tëta guasu Ar Moab pegua opa oyemboai, jayave ko Moab kïrii opɨta. Pɨ̈tu yave ko tëta guasu Kir Moab pegua opa oyemboai, jayave ko Moab kïrii opɨta.

ISAÍAS 16:11

Jáeramo, chepɨa yaeo arpa ipu rami, Moab re jare Kir-hareset re.

ISAÍAS 16:7

Jáeramo, opaete Moab pegua reta, oyaeota ko jëtaguasu re, oyaeo retata ko ipɨatɨtɨ reve, oyaeo retata kuimbae reta Kir-hareset pegua re.

JEREMÍAS 48:31

Jáeramo jasɨ katu reve aäpirota jare chepɨatɨtɨta, opaete tëta Moab pegua reta re, jare Kir-hares pegua reta re.

JEREMÍAS 48:36

Jáeramo chepɨatɨtɨ Moab re, jare opaete Kir-hares pegua reta re, mimbɨñee mano pegua rami, echa imbaeyekou reta opa okañɨtei.

DEUTERONOMIO 2:9

Jayave yandeYa jei cheve: ‘Agüɨye pemoambeko Moab iñemuña reta, agüɨye peñoraro jae reta ndive, echa ngaraa amee peve kërai ave jae reta iɨvɨ güi. Che ko amee ɨvɨ Ar, Lot iñemuña reta peguarä.’

JUECES 9:45

Jare Abimelec oñoraro tëta guasu pegua reta ndive opaete jókuae ara, jare opɨ̈ro, opa oyuka jókuae tëta pegua reta jare omoai yukɨ pɨpe.