2 REYES 3:15 - Biblia Guarani Tumpa Iñee

¹⁵ ¡Ërei, añave peru cheve oikatu ombaembopu vae! Jare ombaembopu vae omboɨpɨ ombaembopu yave, yandeYa imbaepuere ou Eliseo re;

2 REYES 3:15 ပူးပေါင်းရင်းမြစ်များ

1 REYES 18:46

Jare yandeYa imbaepuere oï Elías re, jae oyeumbɨkua täta, jare osɨi Acab jenonde ojo regua oväe Jezreel pe jae räri.

2 REYES 3:16

jare jei: —YandeYa jei: “Peyapo jeta ɨnoonga tuicha vae kuae ɨvɨtɨ päu rupi.

SALMOS 49:4

Ayeapɨsakata ñee arakuaa katu pegua re; arpa ipu ndive jaeta, mbae yavai yae yaikuaa vae.

EZEQUIEL 3:14

Tumpa imbaepuere chemopüa jare cherenoe joko güi, chepɨakatúä jare chepɨatɨtɨ reve aja, ërei yandeYa täta chepɨɨ.

EZEQUIEL 3:22

Joko pe yandeYa ombou ipo cheré, jare jei cheve: “Epüa jare ekua ɨvɨpe kavi kotɨ, joko pe chemiarita ndeve.”

EZEQUIEL 8:1

Ovaa año pe, ovaa yasɨ re, pandepo araa pe, aguapɨ aï chero pe tenondegua reta Judá pegua ndive yave, yandeYa ombou oñono ipo cheré.

Hechos 11:21

YandeYa omborɨ reta, jare jeta vae güɨrovia jare oyerova yandeYa kotɨ.

1 SAMUEL 10:5

Jókuae jaɨkue rupi reota reväe Tumpa iɨvɨtɨ re, sundaro filisteo reta jeyupa güɨnoia pe; jare reike jókuae tëta pe yave, reövaitita mbovɨ ete ñeemombeúa reta yogüeru ɨvɨtɨ mbaemboete renda güi vae, jae reta jenonde yogüɨrajata ngitara imbopúa, angúa raɨ, jare mimbɨ imoñeea jare arpa imbopúa reta, jare jae reta omombeu Tumpa iñee.

1 SAMUEL 16:16

Jayave oreokuai ore nderembiokuai reta roeka vaerä ndeve oikatu ombopu arpa vae, jare mbaetɨ ndepɨakavi reï yave, ombopu vaerä arpa ndembopɨakatu vaerä.

1 SAMUEL 16:23

Jare Tumpa omaeño ou espíritu ikavimbae vae Saúl re yave, David oipɨɨ arpa jare ombopu. Javoi Saúl ipɨakatu jare oasa chugüi ipɨakavimbae, jare espíritu ikavimbae vae osɨrɨ chugüi.

1 SAMUEL 18:10

Jare pɨareve pe Tumpa omaeño espíritu ikavimbae vae oya Saúl re, jare kuae omombokere jo pe, jare David ombopu arpa ombopuse rami, jare Saúl güɨnoi ipo pe mii.