2 REYES 3:11 - Biblia Guarani Tumpa Iñee

¹¹ Ërei Josafat jei: —¿Mbaetɨ pa kuae pe Tumpa iñeemombeúa, yaparandu vaerä yandeYa pe jókuae ñeemombeúa rupi? Metei sundaro ruvicha, Israel pegua mburuvicha guasu iyɨvɨrigua jei: —Kuae pe oime oiko Eliseo, Safat taɨ, Elías jemimboe.

2 REYES 3:11 ပူးပေါင်းရင်းမြစ်များ

GÉNESIS 18:4

Taruruka peve ɨ peyoe vaerä pepɨ; jare peyapakua peputuu ɨvɨra iküaraɨa igüɨ pe.

1 REYES 19:21

Oyerova ye, jare oipɨɨ oyuka metei yoayu güeye jare iaraogüe pe omboyɨ soo, jare omee jou imborɨa reta. Jaɨkue rupi opüa ojo Elías jaɨkue, jare oyeokuai chupe.

1 REYES 22:7

Ërei Josafat oparandu: —¿Mbaetɨ pa yandeYa iñeemombeúa kuae pe, jupi yaparandu vaerä?

2 REYES 2:25

Javoi Eliseo ojo ɨvɨtɨ Carmelo kotɨ, joko güi oyerova ye Samaria kotɨ.

2 REYES 3:10

Jayave mburuvicha guasu Israel pegua jei: —¡Mase! YandeYa yandereru, yande mboapɨ mburuvicha guasu reta ñanemee vaerä Moab iñemuña reta pe.

2 REYES 3:12

Josafat jei: —Jókuae oimeta güɨnoi yandeYa iñee. Yogüɨraja Eliseo pɨri mburuvicha guasu Israel pegua jare Josafat, jare mburuvicha guasu Edom pegua.

2 REYES 3:3

Ërei iyoa Jeroboam, Nabat taɨ iyoa rami, Israel iñemuña reta pe oyapouka mbaeyoa vae, jare mbaetɨ oyembosɨrɨ jókuae mbaeyoa güi.

1 CRÓNICAS 10:13

Jökorai omano Saúl ipɨapochɨ jeko pegua, echa ñäteɨ oyapo yandeYa oyókuai tëi oyapo vaerä vae. Jare yandeYa jei vae mbaetɨ oyapo, jare ojo oparandu maratuta vae imombeúa pe ramo,

1 CRÓNICAS 14:10

Jayave David oparandu yandeYa pe, jei: —¿Aëta pa añoraro filisteo reta ndive? ¿Remoamɨriuka retata pa cheve? Jare yandeYa jei chupe: —Eë chupe, echa ameeta ndepo pe, remoamɨri reta vaerä.

1 CRÓNICAS 14:14

Jayave David jekuae oparandu ye Tumpa pe, jare Tumpa jei chupe: —Agüɨye eporepeña jóvai kotɨ rupi jese reta, ekua ikupe kotɨ rupi chupe reta, ɨvɨra iyaɨsɨ vae reta jenda re katu eë chupe reta.

1 CRÓNICAS 15:13

echa tenonde yave mbaetɨ jökorai peyapo ramo yandeYa Tumpa güeru mano amogüe re, echa mbaetɨ yaparandu chupe këraita ko oyeapo vae re.”

2 CRÓNICAS 18:6

Ërei Josafat oparandu ye chupe: —¿Mbaetɨ pa kuae pe yandeYa iñeemombeúa, jae rupi yaparandu vaerä?

SALMOS 74:9

Mbaetɨ ma roecha romokañɨmaa oreyeupe vae; mbaetɨ ma ñeemombeúa ave, mbaetɨ vi kia orepɨte pe oikuaa kuae kërai yave regua ra oikota vae.

JEREMÍAS 37:17

mburuvicha guasu Sedequías omondo güɨnoeuka jare güeruruka jae oïa pe; jare Jeremías oyereraja ma mburuvicha guasu jóvai yave, jae oparandu vɨari chupe: —¿Oime pa mbae nunga ñee yandeYa güi? Jeremías jei chupe: —Oime. Jae ko kuae: “Nde cheruvicha guasu, reata mburuvicha guasu Babilonia pegua ipo pe.”

AMÓS 3:7

Echa ngaraa etei yandeYa Tumpa oyapo mbaesusere, omombeumbae reve jembiokuai ñeemombeúa reta pe.

Filipenses 2:22

Ërei peikuaa ko kërai Timoteo jeko, kërai jae oyeokuai Tumpa pe che ndive cheraɨ ete ramiecha, ñee ikavi vae romombeu vaerä.

1 Timoteo 5:10

jare jërakua kavi jembiapo reta rupi vae, oyangareko kavi imembɨ reta re, omboresive kavi mboupa, oyoe oporogüɨrovia vae reta ipɨ, omborɨ oiporara vae reta jare oyapo opaete mbae ikavi vae yave.

JOSUÉ 1:1

Moisés, yandeYa jembiokuai omano güire, yandeYa jei Josué, Nun taɨ Moisés imborɨa pe:

JOSUÉ 9:14

Jare Israel iñemuña reta oipɨɨ tapeke Gabaón pegua reta güerugüe, ërei mbaetɨ oparandu reta yandeYa pe.

JUECES 20:18

Jaɨkue rupi opüa Israel iñemuña reta jare yogüɨraja Bet-el pe, jare oparandu reta Tumpa pe, jei reve: —¿Kia räri pa oregüi reta tenonde ojota oñeraro Benjamín iñemuña reta ndive? Jare yandeYa jei chupe reta: —Judá räri tojo tenonde.

JUECES 20:23

Echa Israel iñemuña reta yogüɨraja oyaeo yandeYa jóvai pɨ̈tu regua, jare oparandu reta yandeYa pe, jei reve: “¿Rojo yeta pa roñeraro orerëtara Benjamín iñemuña reta ndive?” Jare yandeYa jei chupe reta: —Pekua ye chupe.