2 REYES 25:9 - Biblia Guarani Tumpa Iñee

⁹ jare oapɨ yandeYa jo, mburuvicha guasu jo, jare opaete o reta Jerusalén pegua; oapɨ opaete mburuvicha reta jo.

2 REYES 25:9 ပူးပေါင်းရင်းမြစ်များ

1 REYES 9:7

aekɨta Israel iñemuña reta kuae ɨvɨ amee chupe vae güi, amombota cheróvai güi kuae tupao añono tee vae, jare Israel toiko tëtaguasu reta opuka jese vaerä.

1 REYES 9:8

Jare kuae tupao ikavi yae vae, oyemboaita opɨta, oipotagüe oasa iyɨ́vɨri rupi vae ipɨakañɨta omae jese, jare oyoyaita, jare jeita: ‘¿Maera ra Tumpa körai oyapo kuae ɨvɨ jare kuae tupao?’

2 CRÓNICAS 36:19

Oapɨ reta vi Tumpa jo, ombosururu reta Jerusalén ikësea, oapɨ reta vi mburuvicha jo jare omboai opaete mbae jepɨ yae vae.

ESDRAS 5:12

Ërei jókuae jaɨkue rupi oreñemuñagüe reta omboarasɨuka Tumpa ara pe oï vae, jare jae omee Nabucodonosor mburuvicha guasu Babilonia pegua ipo pe, jae ko Caldeaɨgua, jókuae mburuvicha guasu opa omboai kuae tupao guasu, jare tëta pegua reta opa güɨraja tembipɨɨrä Babilonia pe.

SALMOS 79:1

¡CheRu Tumpa, yogüeru tëtaguasu reta ndeɨvɨ pe! ¡Omboeteä reta ndetupao oñeñono tee vae, jare Jerusalén omboai oeya reta tëtagüerä!

ISAÍAS 64:9

OreYa, agüɨye ndearasɨ yae, agüɨye vi nemaendúa avei oreyoa reta re. ¡Mase, ndembae vae ko opaete ore reta!

JEREMÍAS 17:27

Ërei pe reta mbaetɨ yave peyapo cheporookuai, peñono tee vaerä cheve ara mbutuu, jekuaeño peroike pevoɨta Jerusalén jöke rupi yave, che ayatapɨta jókuae öke reta re, jare opata oapɨ o kavi reta Jerusalén pegua, jare ngaraa kia ipuere ombogüe.’ ”

JEREMÍAS 26:9

¿Maera pa rere yandeYa jee re: ‘Kuae tupao oasata Silo oasa rami, jare kuae tëta guasu oyemboaita, ipombae opɨta regua’?” Jare opaete vae reta oyomboatɨ Jeremías kotɨ, yandeYa itupao pe.

JEREMÍAS 34:2

“Che, ndeYa Israel iTumpa, royókuai reo vaerä nemiari Sedequías mburuvicha guasu Judá pegua pe, ere: ‘YandeYa jei: Kuae tëta guasu ameeta mburuvicha guasu Babilonia pegua ipo pe jare jae oapɨta.

JEREMÍAS 34:22

Ërei ayokuaita oyerova reta ye vaerä kuae tëta guasu kotɨ, jare opüata jese, opɨ̈rota jare oapɨ retata. Jare ïru tëta guasu reta Judá pegua opɨtata ipombae, mbaetɨ eteita pɨpe vae. Che peYa ko jae kuae.”

JEREMÍAS 37:10

Echa, yepe mona opa pemoamɨri Caldeaɨgua sundaro reta ñeraro pe, mbovɨ iperegüe reta opɨta teyupa rupi vae, opüata ko oapɨ tëta guasu.”

JEREMÍAS 37:8

Añave, Caldeaɨgua reta oyerova yeta oporepeña vaerä tëta guasu Jerusalén re, opɨ̈ro retata jare oapɨ retata.

JEREMÍAS 39:8

Javoi Caldeaɨgua reta oapɨ mburuvicha guasu jo jare o reta tëta guasu pegua, jare opa ombosururu reta tëta guasu Jerusalén ikësea.

JEREMÍAS 41:5

yogüeru oväe Siquem güi, Silo jare Samaria güi ochenta kuimbae; kuae reta opa jovaraa oñapi güeru, jare jemimonde reta osoro jare jete reta opa ombopere güeru. Güeru reta temitɨ jäɨgüe jare ikäti kavi vae incienso, güɨraja reta vaerä yandeYa itupao pe.

JEREMÍAS 52:13

jare oapɨ yandeYa itupao, mburuvicha guasu jo jare opaete o reta Jerusalén pegua; opaete o tuichagüe reta;

JEREMÍAS 7:14

Jáeramo, ayapota vi kuae o cheree oñeenɨi pɨpe vae pe, Silo pe ayapo rami; kuae pe reta perovia katu jese vae, che amee peve jare peñemuñagüe reta pe vae.

LAMENTACIONES 1:10

Tovaicho reta oyemombae opaete Jerusalén pegua mbaembae jepɨ vae re. Jerusalén oecha ketɨgua reta oike o mbaemboetea pe vae, ¡reporookuai tëi agüɨye vaerä ketɨgua reta oike pɨpe vae pe!

LAMENTACIONES 2:7

YandeYa opa omombo, mɨmba oyeyuka oyeapɨ jese vae, güɨröɨro jo mbaemboetea; omee tovaicho ipo pe tëta guasu ikësea. Jare jae reta, ¡arete pe jeta yae vae oyeendu sapúkai rami yandeYa jo pe!

LAMENTACIONES 5:18

Ɨvɨtɨ Sión ipoä oï; aguara retaño oguata jokoropi.

EZEQUIEL 10:2

Jare YandeYa jei jókuae jemimonde tïiasɨ lino pegua vae pe: “Eike käretou iruera reta ipäu pe, araɨgua querubín reta igüɨ pe, jare eyara metei ndepoagua tätapɨi jendɨ vae, araɨgua querubín reta ipäu güi, javoi emoai tëta guasu iárambo.” Jare cherovakei oike jókuae kuimbae.

EZEQUIEL 16:41

Oapɨ retata ndero reta, jare ndereko ojäa retata jeta vae kuña reta jóvai. Jökorai amboapɨta ndeaguasa pota vae, ngaraa ye remboepɨ ndeaguasa reta pe.

LEVÍTICO 26:31

amokañɨteita perëta guasu reta, jare pembaemboete renda, jare ngaraa ma aëtu mbae ikäti kavi vae pegüi.

LEVÍTICO 26:33

Jare opata pomoai kerupi ïru tëtaguasu reta rupi, ñeraro rupi opata pomoai, peɨvɨ oikota ipombae jare perëta guasu reta tëtagüerä.

AMÓS 2:5

Jáeramo Judá re amoendɨta tata, jare jókuae tata opata oapɨ mburuvicha guasu jo kavi reta Jerusalén pe.”

AMÓS 6:11

Echa yandeYa ko jei oyemboai vaerä o tuicha vae jare o michi vae.

MIQUEAS 3:12

Jáeramo, Jerusalén tëta guasu ɨvɨtɨ Sión pegua, pereko pegua opata oyeara ko rami, opaeteita oikomegua megua, jare tupao iɨvɨtɨ re okuakuaata ɨvɨra.