2 REYES 25:7 - Biblia Guarani Tumpa Iñee

⁷ Opa oñaseokɨ̈ti Sedequías taɨ reta jae jovake etei; jare Sedequías güi güɨnoe reta jesäɨ, jare oipokua reta karena pe güɨraja Babilonia kotɨ.

2 REYES 25:7 ပူးပေါင်းရင်းမြစ်များ

GÉNESIS 21:16

jare jae ojo oguapɨ mombɨrɨ katu chugüi, uvɨ oñejäa yave oa ojo ramía pe; echa jei: Agüɨye taecha tomano kunumi raɨ. Jare jae ojo ramboeve oguapɨ jóvai, kunumi raɨ jäse jare oyaeo.

GÉNESIS 44:34

Echa, ¿këraita pa ayerova ye cheru kotɨ kuae kunumi mbaetɨ yave ojo ye cherupíe? Mbaetɨta chepuere aja aecha vaerä mbɨatɨtɨ tuichagüe cheru oiporarata vae.”

2 CRÓNICAS 33:11

Jáeramo yandeYa güeru chupe reta mburuvicha guasu Asiria pegua sundaro ruvicha reta, jae reta oipɨɨ Manasés, oipokua reta jare omoïcha reta karena jiero iyu vae pe güɨraja Babilonia pe.

2 CRÓNICAS 36:6

Jare Nabucodonosor mburuvicha guasu Babilonia pegua oporepeña jese jare oipokua karena jiero iyu vae pegua pe güɨraja Babilonia pe.

SALMOS 149:8

juvicha guasu reta jare kuimbae imbaepuere yae vae reta peñapɨti vaerä karena jiero pegua pe,

ISAÍAS 22:3

nderuvicha reta opaete reve otekuarai tëi uvɨ güi, ërei opa oyepɨɨuka reta; opaete vae otekuarai reta tëi mombɨrɨ, ërei opa oyepɨɨuka reta.

JEREMÍAS 21:7

Jaɨkue rupi Sedequías mburuvicha guasu Judá pegua, opaete iyɨvɨrigua jare isundaro reta ndive, jare ñeraro güi, mbaerasɨ ovakatu vae jare karuai güi omomara kuae tëta guasu pe vae reta ameeta Nabucodonosor ipo pe jare ïru jovaicho reta ipo pe. Che ameeta jae reta oyuka vaerä kɨsepuku pe oipararekombae reve. Che ndeYa jae kuaekuae.

JEREMÍAS 22:30

YandeYa jei: “Pemoapɨta kuae kuimbae jee taɨmbae rami, kuimbae oë kavimbae chupe opaete mbaembae vae rami. Echa metei ave iñemuña reta güi ngaraa oguapɨ David iguapɨa pe, oporookuai pɨau ye vaerä Judá re.”

JEREMÍAS 34:3

Nde ngaraa reasayepe ipo güi; ndepɨɨ retata jare nemee retata chupe, reecha eteita mburuvicha guasu jare nemomiarita jae etei, jare ndererajata Babilonia pe.

JEREMÍAS 37:17

mburuvicha guasu Sedequías omondo güɨnoeuka jare güeruruka jae oïa pe; jare Jeremías oyereraja ma mburuvicha guasu jóvai yave, jae oparandu vɨari chupe: —¿Oime pa mbae nunga ñee yandeYa güi? Jeremías jei chupe: —Oime. Jae ko kuae: “Nde cheruvicha guasu, reata mburuvicha guasu Babilonia pegua ipo pe.”

JEREMÍAS 38:23

Jare Jeremías jei ye mburuvicha guasu pe: —Opaete nderembireko jare nemichia reta oñemeeta Caldeaɨgua reta ipo pe, jare nde ngaraa retekuarai chugüi reta, reata Babilonia pegua mburuvicha guasu ipo pe, jare oapɨ retata kuae tëta guasu.

LAMENTACIONES 2:9

Jöke reta jare iyokendaka reta opa oyemboai, ¡jare opa oyeitɨ ɨvɨ rupi! Juvicha guasu jare mburuvicha reta ñogüɨnoi, tëtaguasu reta mbaetɨ güɨnoi Tumpa iporookuai vae ipɨte rupi. ¡Ñeemombeúa reta ave mbaetɨ ma oecha mbae yandeYa güi!

EZEQUIEL 12:11

Ere chupe reta, nde ko jae metei yembojaanga chupegua retarä, nde reyapo rami etei oasa retata, echa oyererajauka retata tembipɨɨrä ïru ɨvɨ pe.

EZEQUIEL 7:27

Mburuvicha guasu omondeta temimonde mbɨatɨtɨ pegua, jare mburuvicha ipɨatɨtɨta, jare opaete vae reta okɨɨyeta. Jae reta jeko oï rupi aiporaraukata chupe reta, jare ajäa retata jae reta oporojäa rami. Jökorai chekuaa retata che ko jae iYa.”

DEUTERONOMIO 28:34

Pemombokereta opaete mbaembae peecha vae.

DEUTERONOMIO 28:36

YandeYa opata pererajauka jare peruvicharä peiparavo vae ndive, tëtaguasu mbaetɨ peikuaa jare peñemuñagüe reta ave mbaetɨ oikuaa vae kotɨ. Joko pe peyeokuaita tumpa ambuae ɨvɨra pegua jare ita pegua pe.

JUECES 16:21

Jayave filisteo reta oipɨɨ jare opa güɨnoe chugüi jesäɨ jare güɨraja reta Gaza pe; joko pe oñapɨti reta karena jiero iyu vae pegua pe jare oiko tembipɨɨ rɨru pe ombaeyoso vaerä.