2 REYES 25:4 - Biblia Guarani Tumpa Iñee

⁴ Jayave oipea reta japerä tëta guasu ikësea rupi, yepe tëi Caldeaɨgua reta oñova güɨnoi, mburuvicha guasu jare opaete sundaro reta otekuarai tëta guasu güi pɨ̈tu yave. Ñogüɨnoe reta öke tëta guasu ikësea mókoi oyóvai ñogüɨnoi vae ipäu pe oï vae rupi mburuvicha guasu iko raɨ rupi; ojo mburuvicha guasu tape Arabá kotɨ ojo vae rupi.

2 REYES 25:4 ပူးပေါင်းရင်းမြစ်များ

2 REYES 25:5

Ërei sundaro Caldeaɨgua reta oaɨkuemoña mburuvicha guasu Sedequías, jare oupitɨ reta ɨvɨpe kavi Jericó pegua pe. Isundaro reta opa oñemoai moai chugüi.

2 CRÓNICAS 32:5

Ezequías oyeapo katu ikɨ̈reɨ ngatu reve jare oyapouka kavi opaete tëta guasu ikësea oagüe reta, omopüauka sundaro reta imaeka ɨvate vae, jare omopüauka vi ïru ovapetea ɨvate vae tëta guasu ikësea ikatu rupi. Oyapokaviuka vi Milo David Jëta guasu pe, oyapouka vi jeta kɨsepuku jare yeopiaka.

NEHEMÍAS 3:15

Salum, Colhoze taɨ mburuvicha ɨvɨ Mizpa pegua omopüa ye öke Ɨrɨru Röke jee vae; oyapo kavi, oñono jese ɨvɨra, oyapo öke reta iyokendaka reve reve, jare vi ɨrɨru Siloé jee vae ikësea, mburuvicha guasu iko raɨ iyɨpɨ pe oï vae, güɨrajai güɨroväe reta David Jëta Guasu güi yagüeyɨa pe.

ISAÍAS 22:11

Jókuae tëta guasu ikësea mókoi oyóvai ñogüɨnoi vae ipäu pe peyapo ɨ jɨrurä, jókuae ɨrɨru ñɨma vae kotɨ güi ou vae. Mbaetɨ reve pemboete jókuae iyapoa, arakae yae ma omee vae.

ISAÍAS 22:3

nderuvicha reta opaete reve otekuarai tëi uvɨ güi, ërei opa oyepɨɨuka reta; opaete vae otekuarai reta tëi mombɨrɨ, ërei opa oyepɨɨuka reta.

JEREMÍAS 32:4

jare Sedequías mburuvicha guasu Judá pegua ngaraa ojoyepe Caldeaɨgua reta ipo güi, echa añetete oata ko mburuvicha guasu Babilonia pegua ipo pe, imiarita ko jae ndive oyoova pe etei, oecha eteita,

JEREMÍAS 34:3

Nde ngaraa reasayepe ipo güi; ndepɨɨ retata jare nemee retata chupe, reecha eteita mburuvicha guasu jare nemomiarita jae etei, jare ndererajata Babilonia pe.

JEREMÍAS 38:18

Ërei mbaetɨ reñemee chupe reta yave, Caldeaɨgua reta opɨ̈rota kuae tëta guasu jare opata oapɨ reta, jare nde ngaraa reasayepe chugüi reta.”

JEREMÍAS 4:17

Oimama retata tëta guasu reta Judá pegua, ko reta re oyangareko vae reta rami, echa oyembopɨapochɨ reta chekotɨ. Che ndeYa jae kuae.

JEREMÍAS 4:29

Sundaro kavayu regua reta jare uvɨ regua reta oyeendu yave, opa otekuarai tëta guasu pegua reta; oñemi reta kaa tëɨ vae rupi jare oyeupi reta ɨ̈vavira re. Tëta guasu reta opɨta ipombae, mbaetɨ kia ave opɨta pɨpe.

JEREMÍAS 44:30

Che ameeta Faraón Hofra mburuvicha guasu Egipto pegua jovaicho reta oeka oyuka vaerä vae ipo pe, Sedequías mburuvicha guasu Judá pegua amee Nabucodonosor, mburuvicha guasu Babilonia pegua oeka oyuka vaerä vae ipo pe rami.”

JEREMÍAS 5:10

¡Toike tovaicho reta chupe, jare topa tomboai reta, uvarupa tomboai reta, ërei agüɨye opaetei tomboai! ¡Jäka topa toakɨo reta, echa chembaeä ma ko!

LAMENTACIONES 1:3

Judá oyereraja tembipɨɨ, oiporara yae oï jasɨ katu yae reve; oï tëtaguasu reta ipɨte rupi jare mbaetɨ oväe mbutuu. Opaete jovaicho reta oupitɨ ɨvɨtɨ päu ipɨmiia pe.

LAMENTACIONES 1:6

Okañɨ, Sión ipöra yae vae; itenondegua reta, guasukaka oeka tëi kapii rami; añeapea yae ma oguata reta, oaɨkuemoña vae reta jenonde.

EZEQUIEL 12:12

Juvicha jae reta ndive oï vae, ovoɨta ivoɨta iyatiɨ re jare oëta jeseve oguambɨ tëta ikësea oyemombu vae rupi jäve jäve ma yave; oñovata jova agüɨye vaerä oecha jókuae ɨvɨ.

EZEQUIEL 12:14

Jare iyɨvɨrigua reta, jembiokuai reta ani iyangarekoa sundaro reta opata amoai amoai oipota rupi, jare aaɨkuemoñaukata ñeraro pe.

EZEQUIEL 12:4

Ara pe etei enoe ndembaembae reta opaete vae jovake, reota reï tembipɨɨrä oyereraja ïru ɨvɨ pe vae rami; jaeramiño vi kaaru yave opaete vae reta jovake, reëta tembipɨɨrä oyereraja ïru ɨvɨ pe vae rami.

EZEQUIEL 33:21

Docea año, payandepoa yasɨ pandepo araa ma roiko tembipɨɨrä ïru ɨvɨ pe yave, metei kuimbae otekuarai Jerusalén güi vae ou omombeu cheve körai: “Tëta guasu oa ma tovaicho reta ipo pe.”

LEVÍTICO 26:17

Ayemboyovaichota pekotɨ, jare peñemoamɨriukata perovaicho reta pe; pemotareɨ vae reta güɨnoita mbaepuere peré, jare petekuaraita yepe tëi mbaetɨ kia peraɨkuemoña reve.

LEVÍTICO 26:36

Jare pegüi oimeño oikove vae, perovaicho reta iɨvɨ pe, añonota ipɨa pe kɨɨye rai, metei ñana-roo oa yave ave okɨɨyeta, kɨsepuku pe kia omoña vae rami otekuaraita, oyepɨakata mbaetɨ kia omoña reve;

ZACARÍAS 8:19

“Yekuaku tembíu güi irundɨa yasɨ pegua vae, jare pandepoa pegua jare chiúa pegua, jare payandepoa pegua vae oyepoepɨta Judá pegua reta pe mbɨakatu pe, yerovia katu pe, jare arete ikavi yae vae pe. Peaɨu añetete vae jare mbɨakatu.”

DEUTERONOMIO 28:25

YandeYa pemoamɨriukata perovaicho reta pe; metei tape rupi peporepeñata nderovaicho reta re, ërei opata peñemoai moai petekuarai chugüi reta; peñemoaita jare peikoasɨ katuta opaete tëta ñavo rupi.

DEUTERONOMIO 32:30

¿Metei vaeño këraita pa ipuere ombotekuarai mil vae? ¿Ani mókoi vae ombotekuarai diez mil vae? ¡Jaeño yandeYa, Ita guasu rami vae, omee ipo pe yave!