2 REYES 25:3 - Biblia Guarani Tumpa Iñee

³ Irundɨa yasɨ chau araa pe, jókuae año re karuai jeiete yae ma jókuae tëta pe, mbaetɨ ma oime tembiurä jókuae tëta pegua reta pe.

2 REYES 25:3 ပူးပေါင်းရင်းမြစ်များ

2 REYES 25:2

Jare tëta guasu oñeova oiko Sedequías once año ma oiko mburuvicha guasurä yave regua.

2 REYES 6:24

Metei ara Ben-adad, mburuvicha guasu Siria pegua omboatɨ opaete isundaro reta jare ojo oñova tëta Samaria, oñeraro vaerä joko pegua reta ndive.

2 REYES 6:25

Jókuae oñeova oï jeko pegua karuai yae tëta Samaria pe; jáeramo metei mburika iñäkagüe jepɨ ochenta reare korepoti pegua, jare cuarto litro pɨkasu repoti vae jepɨ pandepo reare korepoti pegua.

ISAÍAS 3:1

¡Mase! YandeYa Imbaepuere yae ete vae opɨ̈rota Jerusalén güi jare Judá güi opaete mbaembae jerúa, opaete tembíu jare ɨ,

JEREMÍAS 19:9

Ameeukata jou reta taɨ reta jare tayɨ reta ae, jare oyoupii aeño oyou retata, tovaicho reta oiporarauka chupe reta yave, oikëse reta yave tëta guasu.’

JEREMÍAS 37:21

Jayave mburuvicha guasu Sedequías oporookuai Jeremías opɨta vaerä tembipɨɨ tembipɨɨrɨru joka pe, jare ara ñavo oyereraja vaerä chupe metei mbɨyape, kaye pe mbɨyape imeea reta güi. Mbaetɨ ma mbɨyape tëta guasu pe regua. Jökorai, Jeremías opɨta tembipɨɨrɨru joka pe.

JEREMÍAS 38:2

“YandeYa jei: ‘Kuae tëta guasu pe opɨta vae omanota ñeraro rupi, karuai ani mbaerasɨ ovakatu vae rupi; ërei ngatu oë oñemee Caldeaɨgua reta ipo pe vae, ngaraa omano; güɨroasayepeta jekove.’

JEREMÍAS 39:2

Jare onsea año, irundɨ yasɨa, ara chaúa pe, Sedequías oiko mburuvicha guasurä yave, tovaicho reta omombu tëta guasu ikësea,

JEREMÍAS 52:6

Irundɨa yasɨ chau araa pe, jókuae año re karuai jeiete yae ma jókuae tëta guasu pe, mbaetɨ ma oime tembiurä jókuae tëta pegua reta pe.

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

EZEQUIEL 5:10

Jáeramo, nderapɨpe oimeta kia jou taɨ reta vae, ani taɨ reta jou tu reta vae. Aiporaraukata ndeve, jare oikoveño opɨta vae reta amoaita oipota rupi.

EZEQUIEL 5:12

mbɨte seri ndegüi omanota mbaerasɨ ovakatu vae rupi jare karuai pe; jare jembɨregüe mbɨte rupi tovaicho reta opata oyuka; jare jembɨregüe opata amoai moai oipota rupi. Che ajata jaɨkue reta metei kɨsepuku ndive chepo pe.

EZEQUIEL 7:15

Tëta guasu güi ikatu pe oime ñeraro, jare japɨpe pe mbaerasɨ ovakatu vae jare karuai. Ikatu rupi ñogüɨnoi vae omanota ñeraro pe, tëta guasu japɨpe ñogüɨnoi vae reta karuai jare mbaerasɨ ovakatu vae oyukata.

LEVÍTICO 26:26

Che ambouta peve karuai guasu, payandepo kuña reta omboyɨta mbɨyape metei horno pe, jare ojäata omee peu vaerä; peuta ërei ngaraa perɨ̈vɨata.

ZACARÍAS 8:19

“Yekuaku tembíu güi irundɨa yasɨ pegua vae, jare pandepoa pegua jare chiúa pegua, jare payandepoa pegua vae oyepoepɨta Judá pegua reta pe mbɨakatu pe, yerovia katu pe, jare arete ikavi yae vae pe. Peaɨu añetete vae jare mbɨakatu.”