2 REYES 25:1 - Biblia Guarani Tumpa Iñee

¹ Sedequías chau año ma oiko mburuvicha guasurä yave, payandepoa yasɨ, payandepo araa pe, Nabucodonosor mburuvicha guasu Babilonia pegua ou opaete isundaro reta ndive oporepeña Jerusalén re jare opa oñova. Oyembojeyupa reta jare omopüa reta yeupika jókuae tëta guasu iyɨ́vɨri rupi.

2 REYES 25:1 ပူးပေါင်းရင်းမြစ်များ

2 REYES 24:1

Joacim oiko mburuvicha guasurä yave, Nabucodonosor mburuvicha guasu Babilonia pegua oë ñeraroa pe. Jare Joacim oiko jae jeia re mboapɨ año rupi, ërei jaɨkue rupi oñemopüa ikotɨ.

2 REYES 24:10

Jayave rupi oporepeña tëta guasu Jerusalén re Nabucodonosor mburuvicha guasu Babilonia pegua isundaro reta, jare opa oñova reta tëta guasu.

2 REYES 25:2

Jare tëta guasu oñeova oiko Sedequías once año ma oiko mburuvicha guasurä yave regua.

2 REYES 25:8

Pandepoa yasɨ chiu araa pe, diecinueve año ma Nabucodonosor oiko mburuvicha guasurä Babilonia pe yave, ou Jerusalén pe Nabuzaradán, sundaro oporoäro vae reta juvicha, jae ko mburuvicha guasu Babilonia pegua iyɨvɨrigua,

1 CRÓNICAS 6:15

Josadac oyereraja tembipɨɨ, yandeYa omee ɨvɨ Judá tëta guasu Jerusalén ndive tembipɨɨ Nabucodonosor ipo pe yave.

2 CRÓNICAS 36:11

Sedequías güɨnoi veintiún año omboɨpɨ oï mburuvicha guasurä yave, jare once año oiko mburuvicha guasurä Jerusalén pe.

ISAÍAS 29:3

Aruta chesundaro reta opa neova, roñovata teyupa pe, jare amopüata cheyeopiakarä ndeɨ́vɨri.

JEREMÍAS 27:8

Oime yave kia nunga vae tëtaguasu ani metei mborookuaía mbaetɨ oñemee Nabucodonosor ipo pe, che aiporaraukata chupe ñeraro rupi, karuai jare mbaerasɨ ovakatu vae rupi, opaete opɨta regua ipo pe. Che ndeYa ko jae kuae.

JEREMÍAS 32:1

YandeYa jei Jeremías pe, payandepo año ma Sedequías oiko mburuvicha guasurä Judá pe yave; jae ko dieciocho año ma Nabucodonosor oiko mburuvicha guasurä yave.

JEREMÍAS 32:2

Jókuae ara rupi mburuvicha guasu Babilonia pegua isundaro reta oñova güɨnoi Jerusalén, jare ñeemombeúa Jeremías oï tembipɨɨ tembipɨɨrɨru joka pe, mburuvicha guasu Judá pegua joka pe oï vae pe.

JEREMÍAS 32:24

Añave Caldeaɨgua reta güeru tembiporu omombu vaerä tëta guasu ikësea; jare ñeraro, karuai jare mbaerasɨ ovakatu vae jeko pegua, tëta guasu oata jókuae oporepeña jese vae reta ipo pe. CheYa, reecha ko añave oyembopo ma oï remoërakuagüe.

JEREMÍAS 32:28

Che jae ndeve: Kuae tëta guasu che ameeta oa vaerä Caldeaɨgua reta ipo pe jare Nabucodonosor mburuvicha guasu Babilonia pegua ipo pe.

JEREMÍAS 4:17

Oimama retata tëta guasu reta Judá pegua, ko reta re oyangareko vae reta rami, echa oyembopɨapochɨ reta chekotɨ. Che ndeYa jae kuae.

JEREMÍAS 43:10

jare ere chupe reta: ‘YandeYa Imbaepuere yae ete vae Israel iTumpa jei: Ambouta cherembiokuai Nabucodonosor, mburuvicha guasu Babilonia pegua, jare añonota iporookuaía jare jorä güɨnoi vaerä kuae ita reta añotɨ vae iárambo.

JEREMÍAS 50:17

Israel ko metei vecha okañɨgüe rami, yaguapope reta opa omoai moai rami. Tenonde ete mburuvicha guasu Asiria pegua opa jou; jaɨkue rupi, Nabucodonosor mburuvicha guasu Babilonia pegua, opa oikäo.

JEREMÍAS 51:34

Jerusalén, Sión pegua tëta guasu jei: “Nabucodonosor, mburuvicha guasu Babilonia pegua, chembojaɨ jaɨ jare opa chemókoi; chereeya metei vaso ipombae rami. Mbaeporou ɨguasu rupigua rami chereu; oñemoɨ̈vɨata, oyúe yae chegüi vae pe, jare cherembɨregüe omombo. ¡Toiporara Babilonia, ikavimbae oyapo cheve vae re! ¡Caldeaɨgua reta toiporara oyuka chegüigüe reta re!”

JEREMÍAS 52:1

Sedequías güɨnoi veintiún año yave omboɨpɨ oiko mburuvicha guasurä, once año oiko mburuvicha guasurä Jerusalén pe. Ichɨ jee Hamutal; jae ko Jeremías, Libna pegua tayɨ.

JEREMÍAS 6:3

mɨmba iyangarekoa reta yogüeruta chupe reta jɨmba ndive; oyembojeyupa retata iyɨ́vɨri rupi, jare jɨmba ñavo omongaru retata, ñogüɨnoia rupi.

EZEQUIEL 21:14

Nde kuimbae, emoërakua maratuta vae; ekua ekua ndepo re emboarasɨuka yeyé kɨsepuku oporoyukata vae. Kuae ko kɨsepuku yavaete oparapiti vae, omomburu jeta vae oipota rupi.

EZEQUIEL 26:7

Echa, che ndeYa Tumpa jae körai: Ɨvɨtuguasu kotɨ güi aruta mburuvicha guasu Nabucodonosor oporepeña Tiro re; jae ko mburuvicha guasu imbaepuere yae vae Babilonia pegua. Yogüeruta kavayu regua reta ikavayu re, jare käretou reta ñeraro pegua ndive, yogüeruta jeta yeyé.

EZEQUIEL 40:1

Veinticinco añoa ma roiko tembipɨɨrä yave, año iyɨpɨ ete re, payandepo araa pe, jae ko catorce añoa ma tëta guasu Jerusalén oñepɨ̈ro yave, yandeYa imbaepuere ou cheré jare chereraja jokotɨ.

ZACARÍAS 8:19

“Yekuaku tembíu güi irundɨa yasɨ pegua vae, jare pandepoa pegua jare chiúa pegua, jare payandepoa pegua vae oyepoepɨta Judá pegua reta pe mbɨakatu pe, yerovia katu pe, jare arete ikavi yae vae pe. Peaɨu añetete vae jare mbɨakatu.”

DEUTERONOMIO 28:52

Oñova retata opaete perëta guasu reta, oa regua tëta ikësea täta jare ɨvate vae reta, pe peyerovia jese vae, opaete kuae ɨvɨ pe; oñova retata opaete tëta reta yandeYa omee ɨvɨ pevea pe.