2 REYES 24:7 - Biblia Guarani Tumpa Iñee

⁷ Jókuae güire mbaetɨ ye ma mburuvicha guasu Egipto pegua oë iɨvɨ güi, echa mburuvicha guasu Babilonia pegua opa opɨ̈ro chugüi opaete güɨnoigüe, ɨ̈aka raɨ Egipto pegua güive ojoi oväe ɨ̈aka Éufrates kotɨ.

2 REYES 24:7 ပူးပေါင်းရင်းမြစ်များ

GÉNESIS 15:18

Jókuae ara etei yandeYa oyapo morogüɨrökuavee päve Abram ndive, jei reve körai: —Neñemuña reta pe ameeta kuae ɨvɨ, ɨ̈aka Egipto pegua güive ɨ̈aka guasu kotɨ, ɨ̈aka Éufrates jee vae pe.

1 REYES 4:21

Jare Salomón güɨnoi mbaepuere opaete ïru mburuvicha guasu reta re, ɨ̈aka Éufrates güive filisteo reta iɨvɨ kotɨ, jare ɨvɨ Egipto jembeɨ kotɨ oya regua; güeru reta imbaemboepɨ, jare Salomón jeia re yogüɨreko, opaete ara rupi jae oikove oiko ramboeve.

ISAÍAS 27:12

Jókuae ara yandeYa opovɨvɨ eteita ɨ̈aka Éufrates güive Egipto iɨ̈aka pe, kia oyevɨka trigo re rami; jökorai, pe Israel iñemuña reta peyemboatɨta metei metei rupi.

JEREMÍAS 46:2

Kuae jae ñee reta Egipto regua, jae ko Faraón Necao mburuvicha guasu Egipto pegua isundaro reta regua; oï yave ɨ̈aka Éufrates jembeɨ pe, Carquemis pe; Nabucodonosor, mburuvicha guasu Babilonia pegua omoamɨri vae; Joacim, Josías taɨ irundɨa año ma oiko mburuvicha guasurä Judá pe yave:

JEREMÍAS 46:6

¡Mbaetɨ ipuere otekuarai iñäkua yae vae reta, ani oasayepe jëia yae vae reta ave! Ɨvɨtuguasu kotɨ, ɨ̈aka Éufrates jembeɨ pe ipɨ̈sa-yeyuka jare oyepɨaka reta.

EZEQUIEL 30:21

“Nde kuimbae, Faraón mburuvicha guasu Egipto pegua güi, amopë iyɨva, jare mbaetɨ kia oipoano, mbaetɨ oyokua okuera vaerä, ipuere vaerä oipɨɨ ye kɨsepuku.

EZEQUIEL 30:22

Jáeramo, yandeYa Tumpa jei körai: Che ayovaicho Faraón mburuvicha guasu Egipto pegua re. Amopëta mókoi reve iyɨva chugüi, ikavi oï vae jare opë ma vae, aitɨukata kɨsepuku ipo güi.

NÚMEROS 34:5

jare Asmón güi oasata ɨ̈aka raɨ oï ɨvɨ Egipto jembeɨ pe vae kotɨ, joko güi ojo oa Ɨguasu Mediterráneo jee vae re.

JOSUÉ 15:4

joko güi oasa Asmón kotɨ jare oë ɨ̈aka Egipto pegua rupi, jare iyapɨ ɨguasu pe. Kuae ko jae ɨvɨ jembeɨ arayevɨ kotɨ rupi.