2 REYES 24:4 - Biblia Guarani Tumpa Iñee

⁴ jekombae reta oyuka vae re, echa jeta yae Jerusalén pe jekombae reve omano vae; jáeramo yandeYa mbaetɨ oipota iñɨ̈ro chupe.

2 REYES 24:4 ပူးပေါင်းရင်းမြစ်များ

2 REYES 21:11

“Manasés mburuvicha guasu Judá pegua oyapo kuae teko pɨ̈chɨi jeko pegua, jare oasa ete oyapo ikavimbae opaete amorreo reta oyapo vae güi, ndei jae oiko mbove yogüɨreko vae reta güi, jare oyapouka vi mbaeyoa Judá pe, itumpa-raanga reta rupi.

2 REYES 21:16

Manasés jeta yae vi oyuka jekombae Jerusalén pe, jókuae iyoa rupi oyapouka mbaeyoa Judá pe vae güi, jökorai oyapo ikavimbae yandeYa jesa róvai.

2 REYES 23:26

Opaete kuae reve yandeYa jekuaeñoi iyarasɨ Judá kotɨ, opaete ikavimbae Manasés oyapo vae re.

2 REYES 24:5

Ïru mbaembae Joacim regua, opaete oyapogüe oyekuatía oï tembikuatía pe, Judá pegua mburuvicha guasu reta regua oyekuatía oïa pe.

SALMOS 106:38

Opɨyere reta jekombae jugüɨ; taɨ reta jare tayɨ reta jugüɨ, omee reta mbotarä tumpa-raanga Canaán pegua pe. Omongɨa reta jókuae ɨvɨ, jókuae tugüɨ pe,

PROVERBIOS 6:17

Oyemboete yae iyé vae, apu omomora vae, jekombae oyukaiño vae,

JEREMÍAS 15:4

Ayapota chupe reta vae rupi opaete tëtaguasu reta okɨɨye yaeta, Manasés mburuvicha guasu Judá pegua, Ezequías taɨ jeko pegua, Jerusalén pe oyapo vae re.

JEREMÍAS 19:4

Echa Israel iñemuña reta chereeya, jare omongɨa reta kuae ɨvɨ; oapɨ reta ikäti kavi vae incienso tumpa-raanga reta pe, jae reta mbaetɨ oikuaa vae pe, iñemuñagüe reta ave jare mburuvicha guasu reta Judá pegua mbaetɨ oikuaa vae pe; jare kuae ɨvɨ omotɨnɨe reta jekombae jugüɨ pe.

JEREMÍAS 2:34

Nderemimonde yɨpe oï, paravete vae reta jare jekombae reta jugüɨgüe pe, yepe tëi mbaetɨ mbae nunga teko reväe jese reta; ërei opaete kuaekuae reta reve rere:

JEREMÍAS 22:17

Ërei nde jaeño reyemoambeko, reipota rai vae renoi vaerä; jare reyukauka vaerä jekombae, rerekoasɨ katu jare ndembaeyuvanga katu nerëta re.”

JEREMÍAS 32:31

Kuae tëta guasu, omboɨpɨ oñemopüa güive añave regua, jaeño oiko chemboarasɨuka vaerä. Jáeramo opata amboai,

LAMENTACIONES 3:42

OreYa, oreyoa yae jare orepɨapochɨ ndekotɨ, jare nde mbaetɨ neɨ̈ro oreve.

EZEQUIEL 22:3

ere chupe körai: ‘YandeYa Tumpa jei körai: Tëta guasu, oyuka ipo reta vae jare oyapo itumpa-raanga retarä oyemongɨa pɨpe vae, ¡orata ma ndeve!

EZEQUIEL 24:6

Echa, yandeYa Tumpa jei körai: ¡Paravete, tëta guasu oporoyuka vae! Metei yapepo ikɨa oya japɨpe re vae, mbaetɨ ma oyeekɨ chugüi rami. Metei metei rupi enoe chugüi soo, opa renoe regua.

EZEQUIEL 24:8

Che aeyata jókuae tugüɨ ita re, agüɨye vaerä oyeatɨ. Aitɨ vaerä chearasɨ jese reta, aiporaraukata vaerä chupe reta.

EZEQUIEL 33:25

Jáeramo, ere chupe reta: YandeYa Tumpa jei körai: ‘Pe reta peu soo jugüɨ reve, pemboete tumpa-raanga jare peporoyuka, ¿perovia pa jökorai reve peikota kuae ɨvɨ iyarä?

NÚMEROS 35:33

Agüɨye pemongɨa jókuae ɨvɨ peikota pɨpe vae; echa kuae tugüɨ omongɨata ko ɨvɨ, jare jókuae ɨvɨ mbaetɨta ipuere oyeyoe jókuae tugüɨ güi, jaeño jókuae oporoyuka vae peyuka yave.

DEUTERONOMIO 19:10

Agüɨye vaerä oyepɨyere jekombae jugüɨ, yandeYa Tumpa omee ɨvɨ pembaerä vae pe, agüɨye vaerä penoi teko tugüɨ oyepɨyere vae re.

DEUTERONOMIO 29:19

Ërei kia nunga vae oendu kuae mborookuai jei vae reve jei yave iyeupe: ‘Che anoita mbɨakatu, yepe tëi ayapo che jaegüe; asavaɨpo rupi amboasata ɨuve.’