2 REYES 24:3 - Biblia Guarani Tumpa Iñee

³ Opaete kuaekuae reta ou Judá kotɨ yandeYa iporookuai rupi, ombosɨrɨ vaerä iyeugüi, Manasés imbaeyoa reta jeko pegua, opaete jae oyapogüe re;

2 REYES 24:3 ပူးပေါင်းရင်းမြစ်များ

GÉNESIS 50:20

Pe reta peyemongeta ikavimbae chekotɨ, ërei Tumpa oipoepɨ ikavimbae vae ikavi vae pe, oyeapo vaerä añave yaecha vae, oasayepe vaerä jeta tekove.

2 REYES 17:18

Jáeramo yandeYa iyarasɨ yae ete Israel pegua reta kotɨ, jare opa omombo iyeugüi; jare mbaetɨ etei opɨta vae, jaeño opɨta Judá pegua reta.

2 REYES 17:20

YandeYa opa omboai opaete Israel iñemuña reta, oiporarauka chupe reta, opa omee omaepɨ̈ro vae reta ipo pe, opaetei omoë omombo iyeugüi regua.

2 REYES 17:23

Taɨkue ete rupi yandeYa omoë omombo iyeugüi, jae jei rami opaete iñeemombeúa reta rupi; jare Israel pegua reta oyererajauka tembipɨɨrä iɨvɨ güi Asiria pe, joko pe yogüɨreko añave rupi.

2 REYES 18:25

¿Rerovia pa che ayu aporepeña amboai vaerä kuae tëta guasu yandeYa iporomborɨmbae reve? ¡Jae ko cheokuai aporepeña vaerä jese jare amboai vaerä!

2 REYES 21:16

Manasés jeta yae vi oyuka jekombae Jerusalén pe, jókuae iyoa rupi oyapouka mbaeyoa Judá pe vae güi, jökorai oyapo ikavimbae yandeYa jesa róvai.

2 REYES 24:20

Jáeramo yandeYa iyarasɨ Jerusalén jare Judá kotɨ, opa omoë omombo iyeugüi regua. Sedequías oñemopüa mburuvicha guasu Babilonia pegua re.

2 CRÓNICAS 24:24

Echa yepe tëi Siria pegua sundaro reta yogüeru mbovɨño, ërei yandeYa etei omee jae reta ipo pe jeta yae tëi sundaro reve, yandeYa jae reta iñemuñagüe iTumpa güi opia reta jeko pegua. Jökorai Joás oiporara jókuae oyapo vae re.

2 CRÓNICAS 25:16

Ërei ñeemombeúa jei oï kuaekuae yave, mburuvicha guasu jei chupe: —¿Ndeparavo reta pa mburuvicha guasu remboarakuaa vaerä? ¡Agüɨye jökorai! ¿Ani reipota pa ndeyuka reta? Kuae ñee opa jei yave, ñeemombeúa jei: —Che aikuaa Tumpa oñono ma ndemboai vaerä kuae reyapo jeko pegua, mbaetɨ ramo reipota reendu cheporomboarakuaa.

ÉXODO 20:5

Agüɨye peyetavatɨka yepe jóvai, agüɨye vi pemboete, echa che ko jae peYa Tumpa, imbaepuere yae vae, jägüɨro vae, aiporarauka peñemuñagüe reta imbaeyoa re vae: Taɨ reta pe, jɨmɨmino reta pe jare vi jɨmɨmino reta jɨmɨmino pe, chemotareɨ vae reta,

ISAÍAS 45:7

Che ko ayapo tembipe jare pɨtumimbi, che ayapo mbɨakatu jare tembiporara. Che, opaete iYa ko ayapo opaete kuae mbaembae.”

JEREMÍAS 32:31

Kuae tëta guasu, omboɨpɨ oñemopüa güive añave regua, jaeño oiko chemboarasɨuka vaerä. Jáeramo opata amboai,

JEREMÍAS 52:28

Nabucodonosor opa oipɨɨ güɨraja vae reta jae kuae: Chiúa año ma oiko mburuvicha guasurä yave, güɨraja tres mil veintitré Judá pegua reta;

EZEQUIEL 22:3

ere chupe körai: ‘YandeYa Tumpa jei körai: Tëta guasu, oyuka ipo reta vae jare oyapo itumpa-raanga retarä oyemongɨa pɨpe vae, ¡orata ma ndeve!

EZEQUIEL 24:6

Echa, yandeYa Tumpa jei körai: ¡Paravete, tëta guasu oporoyuka vae! Metei yapepo ikɨa oya japɨpe re vae, mbaetɨ ma oyeekɨ chugüi rami. Metei metei rupi enoe chugüi soo, opa renoe regua.

AMÓS 3:6

¿Mimbɨguasu oñemoñee tëta guasu pe yave, ngaraa pa oiämondo tëta guasu ipo reta? ¿Oimeta pa tëta guasu pe mbaesusere, yandeYa omboumbae reve?

MIQUEAS 2:10

Pepüa jare peguata, kuae peïa mbaetɨ ko mbutuu pegua, echa ikɨa yae oï, oñererokomegua yae ete oï.

DEUTERONOMIO 28:63

YandeYa oyerovia reve oyapose ikavi vae peve jeta pemoñemuña rami, jökorai vi oyeroviata pererokomegua jare pemboai; jare peyeekɨukata peyemombo jókuae ɨvɨ peike tëi peiko vaerä pɨpe vae güi.

DEUTERONOMIO 29:28

jare güɨnoe omombo iɨvɨ güi iyarasɨ yae ete reve, opa güɨnoe omombo ïru ɨvɨ kotɨ, añave oyekuaa oï rami.’

JOSUÉ 23:15

Ërei opaete ñee kavi reta yandeYa Tumpa jei peve vae oyembopo rami, jökorai vi yandeYa güeruta peré opaete ñee kavimbae, opa regua pemokañɨtei kuae ɨvɨ kavi jae omee peve vae iárambo güi,