2 REYES 24:2 - Biblia Guarani Tumpa Iñee

² Ërei yandeYa ombou Joacim kotɨ oporepeña sundaro reta Caldeaɨgua reta, Siriaɨgua reta, Moab iñemuña reta, Amón iñemuña reta. Kuaekuae reta ombou Judá kotɨ opa vaerä omboai, yandeYa jei iñeemombeúa reta rupi rami.

2 REYES 24:2 ပူးပေါင်းရင်းမြစ်များ

2 REYES 20:17

“Oväeta ara opaete mbaembae ndero pegua reta jare opaete neñemuñagüe reta omboatɨgüe opa vaerä oyereraja Babilonia pe, mbaetɨ eteita mbae opɨta kuae pe, jei yandeYa.

2 REYES 22:16

Körai jei yandeYa: ‘Che aruta kuae tëta re, jare pɨpegua reta re opaete susere kuae tembikuatía pe oyekuatía oï vae, mburuvicha guasu Judá pegua omongeta vae;

2 REYES 23:27

Jáeramo yandeYa jei omombo vaerä matɨ iyeugüi Judá, Israel omombo iyeugüi rami, güɨröɨro vaerä tëta Jerusalén, jae oiparavo iyeupe vae, o jae jee oñono tëi joko pe vae.

2 REYES 6:23

Jare oyapo chupe reta jeta tembíu kavi; jare opa okaru jare jou reta vino yave, opa omondo reta; opa ye yogüɨraja juvicha kotɨ. Jare mbaetɨ ma yogüeru reta jembiporu ñeraro pegua ndive Siria güi ɨvɨ Israel kotɨ.

2 CRÓNICAS 33:11

Jáeramo yandeYa güeru chupe reta mburuvicha guasu Asiria pegua sundaro ruvicha reta, jae reta oipɨɨ Manasés, oipokua reta jare omoïcha reta karena jiero iyu vae pe güɨraja Babilonia pe.

JOB 1:17

Kuae imiari vɨteri oï ramboeve, ou ïru oväe jare jei: —Caldeaɨgua reta oyeapo mboapɨ yemboyao oporepeña oreré, jare opa oipɨɨ güɨraja camello reta, opa oyuka tembiokuai reta kɨsepuku pe; jare cheño etei atekuarai ayu vaerä chemiari ndeve.

ISAÍAS 13:5

Matɨ güi yogüeru reta, matɨ ɨvɨ iyapɨ kotɨ güi, yandeYa güeru iyarasɨ pegua jembiporu reta, opa vaerä omboai ɨvɨ.

ISAÍAS 28:19

Ou ñavo, otupeita peré, pɨareve ñavo outa, ara pe jare pɨ̈tu yave. Peendu ou yave, jae ma pemboɨpɨta perɨrɨi.

ISAÍAS 7:17

YandeYa güeruta nderé, nerëta re jare mburuvicha guasu jo pegua reta re, ara reta mbaetɨi jökorai vae, arakae Efraín oyemboyao Judá güi güive vae.” (Jókuae jae ko mburuvicha guasu Asiria pegua oporepeñata vae.)

JEREMÍAS 12:9

Chembae vae reta ko güɨraképara rami. Japicha reta oporepeña jese oipota rupi güi. ¡Peyu, opaete mbaeporou kaa rupigua reta; peyemboatɨ pekaru!

JEREMÍAS 25:1

Irundɨa año ma mburuvicha guasurä oiko Joacim, Josías taɨ Judá pe yave, yandeYa jei Jeremías pe opaete ɨvɨ Judá regua. Jae ko tenondegua año re, Nabucodonosor oiko mburuvicha guasurä Babilonia pe yave.

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 26:20

Jökoraiño vi ñeemombeúa Urías, Semaías taɨ, tëta Quiriat-jearim pegua, omoërakua yandeYa jee re kuae tëta guasu kotɨ jare opaete kuae ɨvɨ re, Jeremías omoërakua rami.

JEREMÍAS 26:6

che ayapota kuae tupao ndive, Silo ayapo rami. Jare kuae tëta guasu añonota yepopeyu pe, opaete tëtaguasu reta ɨvɨ pegua reta jóvai.’ ”

JEREMÍAS 32:28

Che jae ndeve: Kuae tëta guasu che ameeta oa vaerä Caldeaɨgua reta ipo pe jare Nabucodonosor mburuvicha guasu Babilonia pegua ipo pe.

JEREMÍAS 35:11

Ërei Nabucodonosor mburuvicha guasu Babilonia pegua oporepeña kuae tëtaguasu re yave, royu kuae Jerusalén pe, rotekuarai vaerä sundaro Caldeaɨgua reta jare Siriaɨgua reta güi; jáeramo ko roiko Jerusalén pe.”

JEREMÍAS 52:28

Nabucodonosor opa oipɨɨ güɨraja vae reta jae kuae: Chiúa año ma oiko mburuvicha guasurä yave, güɨraja tres mil veintitré Judá pegua reta;

LAMENTACIONES 1:17

Sión oiporu tëi yemborɨ, ërei mbaetɨ kia ombopɨakatu vaerä. YandeYa omee mborookuai tovaicho reta oñova vaerä Jacob; chupegua reta, Jerusalén ikavimbae yae ko.

EZEQUIEL 19:8

Jayave oñemopüa jese iyɨvɨrigua tëtaguasu reta; oñono reta ñuai chupe, oipɨɨ reta pɨpe.

EZEQUIEL 23:23

Babiloniaɨgua reta, Caldeaɨgua reta, Pecod, Soa jare Coa pegua reta, jare opaete Asiriaɨgua reta; opaete kuae reta ko taɨrusu maepöra vae mburuvicha reta, sundaro ruvicha reta, opaete kavayu regua reta.

MIQUEAS 3:12

Jáeramo, Jerusalén tëta guasu ɨvɨtɨ Sión pegua, pereko pegua opata oyeara ko rami, opaeteita oikomegua megua, jare tupao iɨvɨtɨ re okuakuaata ɨvɨra.

HABACUC 1:6

Caldeaɨgua reta pe ameeta oñeraro vaerä, jae ko ipɨa-pïrimbae yae vae reta, oïndaivi avei oguata vaerä opaete ɨvɨ rupi opɨ̈ro vaerä ɨvɨ ambuae vae.