2 REYES 24:17 - Biblia Guarani Tumpa Iñee

¹⁷ Jare mburuvicha guasu Babilonia pegua omboguapɨ Matanías mburuvicharä Joaquín jekovia pe, jae ko Joaquín itutɨ; oipoepɨ jee chugüi Sedequías pe.

2 REYES 24:17 ပူးပေါင်းရင်းမြစ်များ

2 REYES 23:34

Jayave Faraón Necao oñono mburuvicha guasurä Eliaquim, tu Josías jekovia pe, jare oipoepɨ chugüi jee Joacim pe; oipɨɨ Joacaz güɨraja Egipto kotɨ, joko pe omano.

2 CRÓNICAS 36:4

Javoi mburuvicha guasu Egipto pegua oñono Judá jare Jerusalén pe mburuvicha guasurä Eliaquim, jae ko Joacaz tɨvɨ, oipoepɨ jee Joacim pe, jare Joacaz güɨraja Egipto pe.

JEREMÍAS 1:3

Jei vi chupe Joacim, Josías taɨ oiko mburuvicha guasurä Judá pe yave, jare once año Sedequías oiko mburuvicha guasurä Judá pe vae iyapɨ regua. Sedequías jae vi ko Josías taɨ; Jerusalén pegua reta oyereraja regua tembipɨɨrä pandepoa yasɨ pe jókuae año.

JEREMÍAS 21:1

Mburuvicha guasu Sedequías omondo Pasur, Malquías taɨ, jare sacerdote Sofonías, Maasías taɨ, Jeremías pɨri jei vaerä chupe: “Eparandu yandeYa pe oreve, echa mburuvicha guasu Babilonia pegua oporepeña oreré. Güɨramoi yandeYa oyapo mbae nunga mɨakañɨ jare Nabucodonosor ojo ye.” Jayave yandeYa omomiari Jeremías.

JEREMÍAS 37:1

Nabucodonosor, mburuvicha guasu Babilonia pegua, omboguapɨ Judá pe mburuvicharä Sedequías, Josías taɨ, Conías, Joacim taɨ jekovia pe.

JEREMÍAS 49:34

Sedequías omboɨpɨ oiko mburuvicha guasurä Judá pe yave, yandeYa jei Jeremías pe Elam regua körai:

JEREMÍAS 52:1

Sedequías güɨnoi veintiún año yave omboɨpɨ oiko mburuvicha guasurä, once año oiko mburuvicha guasurä Jerusalén pe. Ichɨ jee Hamutal; jae ko Jeremías, Libna pegua tayɨ.

EZEQUIEL 17:13

Javoi oiparavo metei mburuvicha guasu iñemuña pegua güi, jare oyapo morogüɨrökuavee päve jae ndive, jeiuka chupe Tumpa jee re oiko vaerä jae jeia re; jare güɨraja jupíe tuichagüe reta jókuae ɨvɨ güi,

EZEQUIEL 17:16

Che jae cheyé aeño jei yandeYa Tumpa, omanota ko Babilonia pe, jókuae mburuvicha guasu oñono tëi mburuvicharä Judá pe vae oikoa pe, echa jae mbaetɨ ombopo iñee jare morogüɨrökuavee päve mburuvicha guasu ndive oyapo vae güɨrokomegua.

EZEQUIEL 23:17

Jare Babiloniaɨgua reta yogüeru ípɨri jare oasa reta jae ndive, omongɨa reta. Oyemongɨauka chupe reta oyuguaru chugüi regua.

DANIEL 1:7

Kuae reta, eunuco reta juvicha ombojee körai: Daniel ombojee Beltsasar, Ananías ombojee Sadrac, Misael ombojee Mesac jare Azarías ombojee Abed-nego.