2 REYES 24:14 - Biblia Guarani Tumpa Iñee

¹⁴ Güɨraja tembipɨɨrä opaete Jerusalén pegua reta, opaete mburuvicha reta, opaete kuimbae jëia ñeraro pe vae reta, opaete ipoki ombaapo vae reta, jiero pe oparavɨkɨ vae reta; opaete reve oupitɨ diez mil tembipɨɨ. Mbaetɨ etei metei ave opɨta vae, jaeño iparavete vae reta.

2 REYES 24:14 ပူးပေါင်းရင်းမြစ်များ

2 REYES 24:16

Opaete kuimbae ñeraro regua reta, jae ko siete mil; jare ipoki mbae oyapo vae reta, jare jiero pegua mbaravɨkɨ oyapo vae reta, jae ko mil; jare opaete ñeraro pe jëia vae reta güɨraja tembipɨɨrä mburuvicha guasu Babilonia pegua.

2 REYES 25:12

Ërei ngatu jókuae ɨvɨ pegua paravete yae ete vae reta, opaño oeya Nabuzaradán, sundaro oporoäro vae reta juvicha, oparavɨkɨ reta vaerä uvarupa rupi jare ko rupi.

1 CRÓNICAS 9:1

Körai opaete Israel iñemuña ñavo rupi oyekuatía oï tembikuatía pe, Israel pegua mburuvicha guasu reta imbae pe. Judá pegua reta opa oyererajauka iɨvɨ güi Babilonia pe iyoa jeko pegua.

ESDRAS 2:1

Jae kuae Israel iñemuña reta ɨvɨ Judá pegua, mburuvicha guasu Nabucodonosor güɨraja Babilonia pe vae, jare añave amogüe oyerova reta ye Jerusalén pe jare Judá pe jëta jëta ae rupi vae.

NEHEMÍAS 1:2

Jayave ou cherɨvɨ Hanani jee vae, amogüe kuimbae reta ɨvɨ Judá pegua ndive. Jare aparandu chupe reta judío reta oasayepe tembipɨɨ güi vae re, jare tëta Jerusalén re.

ESTER 2:6

Jae yepe jeta vae Jerusalén güi oyererugüe reta iñemuña, Jeconías mburuvicha guasu Judá pegua ndive vae, jae ko Nabucodonosor mburuvicha guasu Babilonia pegua tembipɨɨrä güeruruka vae.

ISAÍAS 3:2

jëia vae jare ñeraro regua, oporojäa vae, ñeemombeúa, maratuta vae imombeuaraanga, tenondegua,

JEREMÍAS 28:4

Jare aruruka yeta kuae pe Jeconías, Joacim taɨ, jae ko mburuvicha guasu Judá pegua, jare opaete oyereraja Judá güi Babilonia pe vae. Echa che amopëta yuvo mburuvicha guasu Babilonia pegua güi.”

JEREMÍAS 29:2

Mburuvicha guasu Jeconías oë güire jare ichɨ, mburuvicha guasu jo pegua reta, Judá jare Jerusalén pegua mburuvicha reta, jare Jerusalén pe ipoki ombaeapo vae reta jare ïru ipoki yae vae reta.

JEREMÍAS 39:10

Jaeño oeya ɨvɨ Judá pe paravete yae vae reta, mbaetɨ etei mbae güɨnoi vae, omee chupe reta uvarupa jare ɨvɨ.

JEREMÍAS 40:7

Sundaro ruvicha reta jare sundaro reta Judá pegua, oimeño ñogüɨnoi kaa rupi vae reta oikuaa yave mburuvicha guasu Babilonia pegua oñono oeya Gedalías, Ahicam taɨ tëta juvicharä, kuimbae jare kuña reta oï vaerä ipo pe, michia reta jare paravete vae reta mbaetɨ oyereraja Babilonia pe vae.

JEREMÍAS 52:16

Jaeño oeya reta amogüe paravete yae vae reta, oparavɨkɨ reta vaerä uvarupa pe jare kó pe.

JEREMÍAS 52:28

Nabucodonosor opa oipɨɨ güɨraja vae reta jae kuae: Chiúa año ma oiko mburuvicha guasurä yave, güɨraja tres mil veintitré Judá pegua reta;

EZEQUIEL 17:14

agüɨye vaerä ma Judá iporookuaía güɨnoi mbaepuere oñemopüa ye vaerä, jaeño morogüɨrökuavee päve ombopo vae rupi oikoño vaerä.

EZEQUIEL 17:3

Ere chupe reta: ‘YandeYa Tumpa jei körai: Metei güɨraké tuicha vae ou oväe Líbano pe; ipepo reta tuicha jare ipuku yae, jeta jaa jare oipotagüe ipïra; oipɨɨ ɨ̈vɨrare iyapokɨ,

San Mateo 1:11

Jare Josías taɨ jae Jeconías jare tɨvɨ reta. Jókuae ara rupi ɨvɨ Babilonia pegua reta opa güɨraja tembipɨɨrä Israel pegua reta Babilonia pe.

San Mateo 1:12

Jare oyereraja ma Babilonia pe yave, Jeconías pe oa taɨ Salatiel; Salatiel taɨ jae Zorobabel.

San Mateo 1:17

Jare oyepapa catorce ñemuña Abraham güive David pe. Jaeramiño vi oyepapa catorce ñemuña David güive Israel pegua reta opa oyererajauka tembipɨɨrä Babilonia pe yave. Jare Israel pegua reta opa oyererajauka tembipɨɨrä Babilonia pe güive Cristo pe oyepapa vi catorce ñemuña.

DEUTERONOMIO 28:36

YandeYa opata pererajauka jare peruvicharä peiparavo vae ndive, tëtaguasu mbaetɨ peikuaa jare peñemuñagüe reta ave mbaetɨ oikuaa vae kotɨ. Joko pe peyeokuaita tumpa ambuae ɨvɨra pegua jare ita pegua pe.

1 SAMUEL 13:19

Jare opaete ɨvɨ Israel pe mbaetɨ etei metei ave jiero pegua mbaravɨkɨ oyapo vae, echa filisteo reta yepe jei: “Agüɨye vaerä hebreo reta oyapo kɨsepuku ani mii.”