2 REYES 24:1 - Biblia Guarani Tumpa Iñee

¹ Joacim oiko mburuvicha guasurä yave, Nabucodonosor mburuvicha guasu Babilonia pegua oë ñeraroa pe. Jare Joacim oiko jae jeia re mboapɨ año rupi, ërei jaɨkue rupi oñemopüa ikotɨ.

2 REYES 24:1 ပူးပေါင်းရင်းမြစ်များ

2 REYES 17:5

javoi mburuvicha guasu Asiria pegua oike isundaro reta ndive opaete ɨvɨ Israel pe, jare oñova tëta guasu Samaria, oïraro güɨreko mboapɨ año rupi.

2 REYES 24:20

Jáeramo yandeYa iyarasɨ Jerusalén jare Judá kotɨ, opa omoë omombo iyeugüi regua. Sedequías oñemopüa mburuvicha guasu Babilonia pegua re.

2 CRÓNICAS 36:1

Jayave tëta pegua reta oipɨɨ Joacaz, Josías taɨ, jare omboguapɨ reta mburuvicha guasurä tu jekovia pe Jerusalén pe.

ESDRAS 4:12

‘Mburuvicha guasu, roikuaauka ndeve kërai judío reta joko güi yogüeru orekotɨ vae, yogüeru Jerusalén pe, jare omopüa ye ñogüɨnoi kuae tëta guasu ipɨapochɨ jare jeko kavimbae reta. Omopüa reta ma ñogüɨnoi tëta guasu ikësea, oñono kavi reta ma iguapɨkarä.

ISAÍAS 36:5

¿Rerovia pa, jókuae ñee ikavi yae vae, oyovake mbaepuere ñeraro pegua ndive? ¿Kia re ye pa reyeko, reyembopɨapochɨ vaerä chekotɨ?

JEREMÍAS 25:1

Irundɨa año ma mburuvicha guasurä oiko Joacim, Josías taɨ Judá pe yave, yandeYa jei Jeremías pe opaete ɨvɨ Judá regua. Jae ko tenondegua año re, Nabucodonosor oiko mburuvicha guasurä Babilonia pe yave.

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 35:1

Joacim, Josías taɨ oiko yave mburuvicha guasurä Judá pe, yandeYa jei cheve körai:

JEREMÍAS 35:11

Ërei Nabucodonosor mburuvicha guasu Babilonia pegua oporepeña kuae tëtaguasu re yave, royu kuae Jerusalén pe, rotekuarai vaerä sundaro Caldeaɨgua reta jare Siriaɨgua reta güi; jáeramo ko roiko Jerusalén pe.”

JEREMÍAS 36:1

Joacim, Josías taɨ, irundɨa año ma oiko mburuvicha guasurä Judá pe yave, yandeYa jei Jeremías pe körai:

JEREMÍAS 45:1

Joacim, Josías taɨ irundɨa año ma oiko mburuvicha guasurä Judá pe yave, Baruc, Nerías taɨ ombaekuatía vae oikuatía ñeemombeúa Jeremías jei oï chupe vae. Jeremías jei Baruc pe:

JEREMÍAS 46:2

Kuae jae ñee reta Egipto regua, jae ko Faraón Necao mburuvicha guasu Egipto pegua isundaro reta regua; oï yave ɨ̈aka Éufrates jembeɨ pe, Carquemis pe; Nabucodonosor, mburuvicha guasu Babilonia pegua omoamɨri vae; Joacim, Josías taɨ irundɨa año ma oiko mburuvicha guasurä Judá pe yave:

JEREMÍAS 50:17

Israel ko metei vecha okañɨgüe rami, yaguapope reta opa omoai moai rami. Tenonde ete mburuvicha guasu Asiria pegua opa jou; jaɨkue rupi, Nabucodonosor mburuvicha guasu Babilonia pegua, opa oikäo.

EZEQUIEL 19:8

Jayave oñemopüa jese iyɨvɨrigua tëtaguasu reta; oñono reta ñuai chupe, oipɨɨ reta pɨpe.

EZEQUIEL 21:14

Nde kuimbae, emoërakua maratuta vae; ekua ekua ndepo re emboarasɨuka yeyé kɨsepuku oporoyukata vae. Kuae ko kɨsepuku yavaete oparapiti vae, omomburu jeta vae oipota rupi.

DANIEL 1:1

Joacim mboapɨa año ma oiko Judá pe mburuvicha guasurä yave, Nabucodonosor mburuvicha guasu Babilonia pegua ou isundaro reta ndive jare opa oñova tëta guasu Jerusalén.

DANIEL 1:2

Jare yandeYa omee ipo pe, Joacim mburuvicha guasu Judá pegua, jare jeta tembiporu reta Tumpa jo pegua; jare güeru ɨvɨ Sinar pe, itumpa jo pe, jare oñono tembiporu reta, mbaembae jepɨ yae vae oñeñovatúa pe, itumpa jo pe.

HABACUC 1:6

Caldeaɨgua reta pe ameeta oñeraro vaerä, jae ko ipɨa-pïrimbae yae vae reta, oïndaivi avei oguata vaerä opaete ɨvɨ rupi opɨ̈ro vaerä ɨvɨ ambuae vae.