2 REYES 23:6 - Biblia Guarani Tumpa Iñee

⁶ Güɨnoeuka vi Asera iä yandeYa jo güi, Jerusalén güi ikatu pe, oapɨ ɨvɨtɨ päu ipe kavi vae Cedrón pe, opaetei itanimbu regua; jare itanimbugüe omoai reta jókuae tëta pegua reta jɨvɨa re.

2 REYES 23:6 ပူးပေါင်းရင်းမြစ်များ

1 REYES 14:23

echa omopüa reta vi mbaemboete renda, tumpa-raanga reta jare Asera iä reta ɨvɨtɨ ñavo re, jare opaete ɨvɨra iküaraɨa kavi yae vae reta igüɨ rupi.

1 REYES 15:13

Oekɨ vi ichɨ Maaca güi mburuvicharä oiko vae, echa jae oyapouka iyeupe Asera iä. Asa omboai jókuae Asera iä jare opa oapɨ ɨ̈aka raɨ Cedrón jee vae pe.

1 REYES 16:33

Oyapo vi Asera iä, jökorai oasa ete oyapo Acab opaete ïru mburuvicha guasu reta Israel pegua güi, tenonde yogüɨreko chugüi vae reta güi, jökorai omboarasɨuka yandeYa Israel iTumpa.

1 REYES 2:37

echa reë jare reasa yave ɨ̈aka Cedrón, remanota jare nde aeño renoita teko ndeyeupe.

2 REYES 10:26

jare güɨnoe reta mbae iägüe Baal itupao güi, jare opa oapɨ reta.

2 REYES 10:27

Oyoka reta vi Baal iä, omboai reta Baal itupao, jare opɨta mañakarä; jökorai opɨta añave rupi.

2 REYES 21:7

Jare oñono metei Asera iä jae oyapogüe yandeYa jo pe; kuae o re yepe yandeYa jei David pe jare taɨ Salomón pe: “Che añonota cheree jekuae avei pegua kuae o pe, Jerusalén pe, kuae aiparavo Israel iñemuña reta güi vae.

2 REYES 23:12

Omboai vi mɨmba oyeyuka oyeapɨ jese vae reta, mburuvicha guasu reta Judá pegua oyapo Acaz jo iárambo vae, jare mɨmba oyeyuka oyeapɨ jese vae reta Manasés omopüa yandeYa jo joka pe vae; opa oyoka jare ikuigüe opa omoai ɨ̈aka raɨ Cedrón pe.

2 REYES 23:15

Jaeramiño vi, mɨmba oyeyuka oyeapɨ jese vae Bet-el pe oï vae, mbaemboete renda ɨvɨtɨ rupigua Jeroboam, Nabat taɨ oyapo vae, kuae rupi Israel iñemuña reta pe oyapouka mbaeyoa; Josías opa oyoka, opaetei omongúi jare oapɨ Asera iä.

2 CRÓNICAS 15:16

Jaeramiño vi mburuvicha guasu Asa opɨ̈ro iyarɨ Maaca güi tenondeguarä oiko vae, echa jae oyapouka tumpa-raanga Asera iä. Jare Asa omboai jókuae jare opa oyoka oapɨ ɨ̈aka Cedrón jembeɨ pe.

2 CRÓNICAS 33:3

Echa jae omopüa pɨau ye mbaemboete renda ɨvɨtɨ rupigua reta tu Ezequías opa omboaigüe, jare omopüa mɨmba oyeyuka oyeapɨ jese vae Baal pe, jare oyapo Asera iä reta, jare omboete opaete ara ipo reta,

2 CRÓNICAS 34:4

jare opa oyemboai jae jóvai opaete mɨmba oyeyuka oyeapɨ jese Baal pe vae reta. Opa vi oyokauka kuaraɨ iä reta mɨmba oyeyuka oyeapɨ jese vae güi ɨvate oï jare Asera iä reta jare mbae iä reta oyemondɨkui oyeapo vae; opa omongúi, jare opa omoai jókuae mɨmba oyuka omee chupe vae reta jɨvɨa re.

ÉXODO 32:20

oipɨɨ jókuae toro taɨrusu vae iä jare oitɨ tata pe, jare opa omongúi omombɨuasɨ regua jare oitɨ ɨ pe, jare jókuae ɨ jouuka Israel iñemuña reta pe.

JEREMÍAS 17:2

Neñemuña reta imaendúa mɨmba oyeyuka oyeapɨ jese vae reta re, jare netumpa-raanga Asera iä reta ɨvɨra iküaraɨa kavi vae reta igüɨ rupi ñogüɨnoi vae re, jare ɨvɨtɨ reta ɨvate vae re,

JEREMÍAS 22:18

YandeYa jei Joacim Josías taɨ, mburuvicha guasu Judá pegua regua: “Ngaraa kia oäpiro imano. Ngaraa kia reta oyaeo jare jei: ‘¡Atataɨ, cherëtara! ¡Atataɨ, chereindɨ!’ ‘¡Atataɨ, cheya! ¡Atataɨ, cheruvicha!’

JEREMÍAS 31:40

Opaete ɨvɨtɨ päu ipe kavi vae omanogüe oñeotɨ pɨpe vae jare tanimbu oyemomboa, jare opaete ɨvɨtɨ päu ipe kavi vae oï ɨ̈aka Cedrón iárambo vae güive Kavayu Röke jee vae iekina pe, kuaraɨ oëa kotɨ, oñeñono tee chevegüarä. Jare kuae tëta guasu ngaraa ye ma oyemboai.”

San Juan 18:1

Jesús kuaekuae jei güire, oasa jemimboe reta ndive ɨ̈aka raɨ Cedrón jee vae jovaicho kotɨ; metei kó raɨ oimea pe, joko pe oike jemimboe reta ndive.

DEUTERONOMIO 7:25

Omopöra kavi oyapo itumpa-raanga retarä vae peapɨ tata pe, agüɨye peipotarai korepoti ani oro peyeupeguarä, agüɨye vaerä peyemboavai jese, echa pɨ̈chɨi yae ko yandeYa Tumpa pe.

DEUTERONOMIO 9:21

jare aipɨɨ toro taɨrusu iä peyapo peyoa vaerä jese vae, jare aapɨ tata pe, ayoso ikuiasɨ regua, javoi amombo jókuae ikuigüe, ɨ osɨrɨ ɨvɨtɨ kotɨ güi ou vae pe.

JUECES 3:7

Jare Israel iñemuña reta oyapo ikavimbae yandeYa jesa róvai, ñakañɨ reta iYa Tumpa güi, jare omboete reta baal reta, jare Asera iä reta.