2 REYES 23:5 - Biblia Guarani Tumpa Iñee

⁵ Javoi opa omoë omombo sacerdote reta mburuvicha guasu reta Judá pegua oñono sacerdoterä vae, oapɨ reta vaerä ikäti kavi vae incienso mbaemboete renda ɨvɨtɨ rupigua, tëta guasu reta Judá pegua rupi jare Jerusalén iyɨ́vɨri ñogüɨnoi vae reta rupi vae, jaeramiño vi ikäti kavi vae incienso oapɨ reta Baal pe vae, kuaraɨ pe jare yasɨ pe vae, yasɨtata reta pe vae, jare opaete ïru ara ipo reta pe vae.

2 REYES 23:5 ပူးပေါင်းရင်းမြစ်များ

2 REYES 21:5

Omopüa ye ïru mɨmba oyeyuka oyeapɨ jese vae reta opaete ara ipo reta peguarä, yandeYa jo joka mókoi oï vae ñavo pe.

2 CRÓNICAS 33:3

Echa jae omopüa pɨau ye mbaemboete renda ɨvɨtɨ rupigua reta tu Ezequías opa omboaigüe, jare omopüa mɨmba oyeyuka oyeapɨ jese vae Baal pe, jare oyapo Asera iä reta, jare omboete opaete ara ipo reta,

2 CRÓNICAS 34:4

jare opa oyemboai jae jóvai opaete mɨmba oyeyuka oyeapɨ jese Baal pe vae reta. Opa vi oyokauka kuaraɨ iä reta mɨmba oyeyuka oyeapɨ jese vae güi ɨvate oï jare Asera iä reta jare mbae iä reta oyemondɨkui oyeapo vae; opa omongúi, jare opa omoai jókuae mɨmba oyuka omee chupe vae reta jɨvɨa re.

JOB 38:32

¿Nde pa rembou yasɨtata köe jerúa iora pe kavi, ndepuereta pa reyókuai oguata, yasɨtataatɨ Osa Tuicha vae opaete iyasɨtata ndive?

EZEQUIEL 8:6

Javoi jei cheve: “¿Nde kuimbae, reecha pa mbae pɨ̈chɨi yae Israel iñemuña reta oyapo vae, oeyauka vaerä cheve reta chero mbaemboetea? Ërei reechata ïru mbae ikavimbae yae ete oyapo reta vae.”

OSEAS 10:5

Guaka taɨrusu vae iä Bet-avén pegua oyemboai jeko pegua okɨɨyeta Samaria pegua reta. Jae reta jare isacerdote reta jäse retata toro taɨrusu vae iä oyemboai vae re, echa iyemboetea oyekou jese vae opata okañɨtei.

SOFONÍAS 1:4

“Amopüata chepo Judá kotɨ, opaete Jerusalén pegua reta kotɨ. Amboaita kuae güi opaete mbaembae tumpa-raanga Baal regua opɨta vɨteriño vae, jare opaete isacerdote itumpa-raanga pota vae reta jee.