2 REYES 23:2 - Biblia Guarani Tumpa Iñee

² Jare mburuvicha guasu ojo yandeYa jo kotɨ opaete kuimbae Judá pegua reta ndive, jare Jerusalén pegua reta ndive, sacerdote reta, ñeemombeúa reta, opaetei joko pegua reta ndive; michi vae reta güive jare opaete okuakuaa vae reta. Joko pe mburuvicha guasu omongeta opaete jókuae tembikuatía morogüɨrökuavee päve pegua pe oyekuatía oï vae, yandeYa jo pe oñeväe vae.

2 REYES 23:2 ပူးပေါင်းရင်းမြစ်များ

GÉNESIS 19:11

Jare omboesaä kuimbae reta ikatu pe ñogüɨnoi vae, taɨrusuasɨ vae reta güive opaete ndechi reta. Jare ikuérai oeka reta tëi öke yogüɨreko.

1 REYES 8:9

Käjou pe jaeño oï mókoi ita ipe vae, Moisés oñono pɨpe Horeb pe vae, jae ko morogüɨrökuavee päve yandeYa oyapo Israel iñemuña reta ndive Egipto güi ñogüɨnoe reta yave vae.

2 REYES 22:8

Jayave sacerdote tenondegua Hilcías jei ombaekuatía vae Safán pe: “Aväe chupe tembikuatía mborookuai regua Moisés jembikuatía yandeYa jo pe.” Hilcías omee tembikuatía Safán pe jare omongeta.

2 CRÓNICAS 15:13

Jare kia nunga vae mbaetɨ oeka yandeYa Israel iTumpa vae yave omano vaerä, okuakuaa vae ani michia, kuimbae ani kuña.

2 CRÓNICAS 17:9

Omondo reta omboe vaerä opaete Judá pegua reta, tembikuatía pe yandeYa iporookuai oï vae re. Jare jae reta oguata opaete ɨvɨ Judá rupi oporomboe reve jókuae re.

NEHEMÍAS 13:1

Jókuae ara rupi oyemongeta Moisés jembikuatía, jare opaete vae reta oendu oyekuatía oï pɨpe, kërai tëta Tumpa imbae vae reta agüɨyeta kërai ave oñemoïru Amón iñemuña reta jare Moab iñemuña reta ndive vae.

NEHEMÍAS 9:3

Jökorai oyemboɨ ñogüɨnoi ramboeve mboapɨ ora rupi oyemongeta chupe reta iYa Tumpa iporookuai, jare ïru mboapɨ ora rupi oyemombeu reta iyoa re jare omboete reta iYa Tumpa.

ESTER 1:5

Kuae omboapɨ yave mburuvicha guasu oyapo ye ïru arete chiu ara rupi mburuvicha guasu jo iko raɨ pegua oka pe, opaete Susa pegua reta pe, kuae tëta güi mburuvicha guasu reta oporookuai; oparea oikokatu vae reta pe jare paravete vae reta pe,

JOB 3:19

Joko pe ñogüɨnoi paravete vae reta jare oikokatu vae reta, jare tembipɨɨ oiko pɨagüive iya güi.

SALMOS 115:13

iporerekuata ko oipoɨu chugüi vae reta re, paravete vae reta re jare oikokatu vae reta re.

JEREMÍAS 34:8

YandeYa imiari Jeremías pe, mburuvicha guasu Sedequías opa güire oyapo yemongeta opaete Jerusalén pegua reta ndive oyeyora vaerä opaete tembiokuai reta.

Hechos 26:22

Ërei Tumpa chemborɨ ramo, oimeño aikove kuae ara. Chemiari michi vae reta pe jare tuichagüe reta pe, mbaetɨ ambuaeyee jae Moisés jare ñeemombeúa reta jei oikota vae re:

DEUTERONOMIO 31:26

“Peipɨɨ kuae tembikuatía mborookuai reta oyekuatía oï pɨpe vae, jare peñono yandeYa Tumpa ikäjou morogüɨrökuavee päve pegua iyɨpɨ pe, jare toï joko pe ïru vae reta pe oikuaauka vaerä peregua.

Apocalipsis 20:12

Jare aecha omanogüe reta oyemboɨ ñogüɨnoi Tumpa jóvai, okuakuaa vae reta jare michia reta. Jare tembikuatía reta oyepea, jare oyepea ïru tembikuatía, jae ko tembikuatía tekove pegua. Jare omanogüe reta oñejäauka jembiapo reta tembikuatía reta pe oyekuatía oï rupi.

1 SAMUEL 30:2

Jare güɨraja reta tembipɨɨrä kuña reta jare opaete joko pe ñogüɨnoi vae michia güive okuakuaa vae pe; mbaetɨ oyuka metei ave, ërei opaetei güɨraja.

1 SAMUEL 5:9

Jare güɨraja reta oeya Gat pe yave, yandeYa imbaepuere rupi okɨɨye yae jókuae tëta pegua reta, oiporarauka chupe reta, michia güive okuakuaa vae re oë pire mbaerasɨ ñakɨ̈ta vae.