2 REYES 23:16 - Biblia Guarani Tumpa Iñee

¹⁶ Josías oyerova ye yave, oecha tɨvɨa reta ɨvɨtɨ re, jare omondo güɨnoeuka maekägüe reta joko pe oï vae, jare oapɨ mɨmba oyeyuka oyeapɨ jese vae re omongɨa vaerä Tumpa jóvai. Jökorai oyembopo yandeYa jei iñeemombeúa rupi vae.

2 REYES 23:16 ပူးပေါင်းရင်းမြစ်များ

1 REYES 13:32

echa jae omoërakua yandeYa iñee ikäti kavi vae incienso oyeapɨ jese vae Bet-el pegua kotɨ vae oyembopota ko jare opaete tumpa-raanga jo mbaemboete renda ɨvɨtɨ rupigua tëta guasu reta Samaria pe vae kotɨ.

2 REYES 23:14

Oyoka vi tumpa-raanga reta iä ita pegua jare opa oyasɨa Asera iä reta ɨvɨra pegua, jókuae reta jendagüe opa omotɨnɨe kuimbae reta ikägüegüe pe.

EZEQUIEL 6:5

Israel iñemuña reta jëogüegüe añonota itumpa-raanga reta jóvai, jare ikägüegüe reta amoaita mɨmba oyuka omee jese vae iyɨ́vɨri rupi.

San Mateo 24:35

Ara jare ɨvɨ opata ko, ërei cheñee reta ngaraa opa.

San Juan 10:35

Echa Tumpa iñee ou chupe reta vae pe, jae etei ombojee tumpa reta vae. Jare Tumpa Iñee pe oyekuatía oï vae añete ko.