2 REYES 23:11 - Biblia Guarani Tumpa Iñee

¹¹ Güɨnoe vi kavayu reta Judá pegua mburuvicha guasu reta güɨrökuavee kuaraɨ pe vae, yandeYa jo jöke pe ñogüɨnoi vae, eunuco Natán-melec mɨmba ikarúa renda re oyangareko vae jo jóvai, jare oapɨ vi käretou reta, kuaraɨ pe oñererökuavee vae reta.

2 REYES 23:11 ပူးပေါင်းရင်းမြစ်များ

2 REYES 23:5

Javoi opa omoë omombo sacerdote reta mburuvicha guasu reta Judá pegua oñono sacerdoterä vae, oapɨ reta vaerä ikäti kavi vae incienso mbaemboete renda ɨvɨtɨ rupigua, tëta guasu reta Judá pegua rupi jare Jerusalén iyɨ́vɨri ñogüɨnoi vae reta rupi vae, jaeramiño vi ikäti kavi vae incienso oapɨ reta Baal pe vae, kuaraɨ pe jare yasɨ pe vae, yasɨtata reta pe vae, jare opaete ïru ara ipo reta pe vae.

1 CRÓNICAS 26:18

Tupao joka kuaraɨ oikea kotɨ tembiporu reta oñeñovatúa kotɨ, oime irundɨ tape re oyangareko vae jare mókoi oka pe.

2 CRÓNICAS 14:5

Omboai vi opaete tëta guasu reta Judá pegua güi mbaemboete renda ɨvɨtɨ rupigua reta, tumpa-raanga iä reta. Jare oime mbɨakatu oiko ramboeve mburuvicha guasurä.

2 CRÓNICAS 34:4

jare opa oyemboai jae jóvai opaete mɨmba oyeyuka oyeapɨ jese Baal pe vae reta. Opa vi oyokauka kuaraɨ iä reta mɨmba oyeyuka oyeapɨ jese vae güi ɨvate oï jare Asera iä reta jare mbae iä reta oyemondɨkui oyeapo vae; opa omongúi, jare opa omoai jókuae mɨmba oyuka omee chupe vae reta jɨvɨa re.

JOB 31:26

Aecha kuaraɨ jembipe, jare yasɨ omoembipegüe.

EZEQUIEL 40:17

Kuae jaɨkue rupi chereraja tupao joka tuicha vae pe, joko pe aecha cuarto reta, opaete jókuae oka re oyereroyere piso ita pegua; jare treinta cuarto reta oyere jese.

EZEQUIEL 8:16

Jayave chereraja yandeYa itupao joka japɨpe pe, jare aecha yandeYa itupao jöke jare mɨmba oyeyuka oyeapɨ jese vae ipäu pe, veinticinco rupi kuimbae ikupe omee ñogüɨnoi yandeYa itupao kotɨ, omae reta kuaraɨ oëa kotɨ, itindɨasɨ reve ɨvɨ re omboete reta kuaraɨ.

DEUTERONOMIO 4:19

Ani pemae yave ara kotɨ jare peecha kuaraɨ, yasɨ jare yasɨtata, jare opaete ara ipo reta jare petindɨ pemboete ani peyeokuai chupe; echa yandeYa Tumpa ko oyapo kuae mbaembae, opaete vae reta peguarä.