2 REYES 22:9 - Biblia Guarani Tumpa Iñee

⁹ Jaɨkue rupi Safán ojo imiari mburuvicha guasu pe jókuae tembikuatía omongeta vae re, jei chupe: —Nderembiokuai reta güɨnoe korepoti yandeYa jo pe oime vae, jare omee mbaravɨkɨ oyapouka vae reta pe, yandeYa jo oyapo kaviuka vae reta pe.

2 REYES 22:9 ပူးပေါင်းရင်းမြစ်များ

2 REYES 18:18

Javoi oenɨi reta mburuvicha guasu; ërei jekovia pe ñogüɨnoe oövaiti reta Eliaquim, Hilcías taɨ, mburuvicha guasu imbaembae iyangarekoa, jare Sebna ombaekuatía vae, jare mburuvicha Joa, Asaf taɨ.

2 REYES 22:10

Jaeramiño vi ombaekuatía vae Safán omombeu mburuvicha guasu pe, jei körai: “Sacerdote Hilcías omee cheve metei tembikuatía.” Jare Safán omongeta mburuvicha guasu jóvai.

2 REYES 22:12

mburuvicha guasu oyókuai sacerdote Hilcías, jare Ahicam, Safán taɨ, Acbor, Micaías taɨ, ombaekuatía vae Safán jare Asaías mburuvicha guasu iyɨvɨrigua, jei chupe reta:

2 REYES 22:3

Dieciocho año ma Josías oiko mburuvicha guasurä yave, omondo yandeYa jo kotɨ ombaekuatía vae Safán, Azalía taɨ, Mesulam jɨmɨmino, jei chupe körai:

2 REYES 22:8

Jayave sacerdote tenondegua Hilcías jei ombaekuatía vae Safán pe: “Aväe chupe tembikuatía mborookuai regua Moisés jembikuatía yandeYa jo pe.” Hilcías omee tembikuatía Safán pe jare omongeta.

2 REYES 25:22

Nabucodonosor mburuvicha guasu Babilonia pegua oiparavo mburuvicharä Gedalías, Ahicam taɨ, Safán jɨmɨmino, oyangareko vaerä Judá pe jae oeyagüe reta re.

JEREMÍAS 26:24

Ërei Ahicam, Safán taɨ, omoë iñee oepɨ vaerä Jeremías, jare kuae jei vae rupi mbaetɨ omboeterenga reta Jeremías opaete vae reta ipo pe, oyuka reta vaerä.

JEREMÍAS 29:3

Sedequías mburuvicha guasu Judá pegua omondo Elasa, Safán taɨ jare Gemarías, Hilcías taɨ, Nabucodonosor mburuvicha guasu Babilonia pegua pɨri yave, Jeremías omondo kuae tupapire jae reta ndive. Jókuae tupapire pe oyekuatía oï vae jei:

JEREMÍAS 39:14

omondo güɨnoeuka Jeremías tembipɨɨrɨru joka güi, jare omee Gedalías, Ahicam taɨ, Safán jɨmɨmino pe, güɨraja vaerä jëta pe oyangareko jese. Jökorai, Jeremías opɨta oiko opaete vae reta ipɨte pe.

JEREMÍAS 40:11

Jökorai vi opaete Judáɨgua reta ñogüɨnoi Moab pe vae, jare Amón iñemuña reta ipɨte pe vae, jare Edom pe, jare ïru ɨvɨ pe ñogüɨnoi vae reta oikuaa mburuvicha guasu Babilonia pegua omaeño amogüe Judáɨgua opɨta iɨvɨ pe, jare oñono oeya Gedalías tëta ruvicharä chupe reta vae.

JEREMÍAS 41:2

Ismael, Netanías taɨ jare jókuae payandepo kuimbae opüa aramoete pegua jare kɨsepuku pe oyuka reta Gedalías, Ahicam taɨ, Safán jɨmɨmino, jókuae mburuvicha guasu Babilonia pegua oñono Judá pe oeya tëta juvicharä vae.

EZEQUIEL 8:11

Jare jókuae mbae iä reta jóvai ñogüɨnoi setenta Israel iñemuña itenondegua reta, jare Jaazanías, Safán taɨ oï jae reta ipɨte pe, omboete reta jókuae tumpa-raanga reta; metei ñavo güɨnoi ikäti kavi vae incienso oyeapɨ pɨpe vae ipo pe; chugüi jüu opüa incienso jätati.