2 REYES 22:19 - Biblia Guarani Tumpa Iñee

¹⁹ jare reyembopɨatɨtɨ jare reñemomichi cheróvai reendu ramboeve kuae tëta regua jare pɨpegua reta kotɨ jae vae, echa opata oñemokañɨtei, jare yogüɨrekota susere rupi vae yave, nde remondoro nderemimonde ndepɨatɨtɨ güi jare reyaeo cheróvai, jare che aendu vi ndeve. Jáeramo che amee,

2 REYES 22:19 ပူးပေါင်းရင်းမြစ်များ

1 REYES 21:29

“¿Reecha pa Acab kërai oñemomichi cheróvai? Oñemomichi vae jeko pegua mbaetɨta ambou jese ikavimbae oikove oiko ramboeve, iñemuña reta re ambouta kuri ikavimbae.”

2 REYES 19:20

Jayave Isaías Amoz taɨ omondo jei Ezequías pe: “Körai jei yandeYa Israel iTumpa: ‘Che aendu reyerure cheve Senaquerib, mburuvicha guasu Asiria pegua re vae.’ ”

2 REYES 20:5

“Eyerova ye jare ere Ezequías pe, chembae vae reta juvicha pe: ‘Körai jei yandeYa, neñemuñagüe David iTumpa: Che aendu ndeyerure jare aecha nderesaɨ. Rombogüerata jare mboapɨ araa pe reota chetupao pe.

2 REYES 22:11

Javoi mburuvicha guasu oendu yave jókuae tembikuatía pe mborookuai oï vae, omondoro jemimonde ipɨatɨtɨ güi,

2 CRÓNICAS 32:26

Ërei Ezequías ipɨayemboete güire, oñemomichi Tumpa kotɨ, jökorai vi oyapo Jerusalén pegua reta, jare yandeYa mbaetɨ ombou iyarasɨ ikotɨ reta Ezequías oikove oiko ramboeve.

2 CRÓNICAS 33:12

Ërei oecha oiko ma mbɨatɨtɨ rupi yave oyerure iYa Tumpa pe, oñemomichi yae reve iñemuñagüe reta iTumpa jóvai.

2 CRÓNICAS 33:19

Iyerure kërai oyemboyevɨ chupe vae, opaete iyoa regua, imbaeyavɨ regua jare mbaemboete renda ɨvɨtɨ rupigua reta omopüa vae, jare Asera iä reta oyapo vae jare tumpa-raanga reta, ndei oñemomichi Tumpa jóvai mbove vae regua, oime oyekuatía oï mbae re oecha voi vae reta jembikuatía pe.

2 CRÓNICAS 33:23

Ërei mbaetɨi oñemomichi yandeYa jóvai, tu Manasés oñemomichi rami, echa jae jeieteño omoïru mbaeyoa.

2 CRÓNICAS 34:27

echa reyembopɨatɨtɨ jare reñemomichi cheróvai reendu ramboeve kuae tëta re jare pɨpegua reta kotɨ jae vae, nde remondoro nderemimonde ndepɨatɨtɨ güi jare reyaeo ramo cheróvai, che aendu vi ndeve. Jökorai jae che peYa.

ESDRAS 10:1

Esdras oyerure jare oyemombeu oyaeo reve oyetavatɨka Tumpa jo jóvai oï ramboeve, jeta yae Israel iñemuña reta yatɨ jese: Kuimbae reta, kuña reta jare michia reta; opaete vae oyaeo reta ipɨatɨtɨ reve.

NEHEMÍAS 1:4

Aendu yave kuae ñee reta, aguapɨ jare ayaeo; chepɨatɨtɨ mbovɨ ara rupi, ayekuaku tembíu güi jare ayerure Tumpa ara pe oï vae jóvai.

NEHEMÍAS 8:9

Jare mburuvicha Nehemías jare sacerdote Esdras mborookuai re oporomboe vae, jare levita reta omombeu kavi opaete vae pe vae, jei reta opaete vae pe: “Kuae ara oñeñono tee yandeYa Tumpa pe vae ko; agüɨye pepɨatɨtɨ, agüɨye peyaeo.” Echa opaete vae oyaeo oendu ramboeve ñee reta mborookuai regua.

SALMOS 119:120

Arɨrɨi, aipoɨu ndegüi jeko pegua, ¡aipoɨu ndeporookuai reta güi!

SALMOS 119:136

Cheresaɨ oyepɨyere ɨ rami, echa mbaetɨ oyemboete ndeporookuai.

SALMOS 51:17

Ërei mbota Tumpa pegua vae, jae ko ipɨatɨtɨ yae vae; iyoa güi ipɨatɨtɨ vae jare ipɨa omomichi vae ngaraa nde reröɨro, cheRu Tumpa.

SALMOS 51:19

Jayave remboresive yeta mɨmba oyeyukagüe, mɨmba reta ani mbota temitɨ jäɨ opaetei oyeapɨ vae; jayave mɨmba oyeapɨ jese vae re oñemeeta toro taɨrusu vae.

ÉXODO 10:3

Jayave Moisés jare Aarón yogüɨraja Faraón pɨri, jare jei reta chupe: —OreYa, hebreo reta iTumpa jei körai: “¿Kërai yave regua pa mbaetɨta reñemomichi cheróvai? Emaeño toyogüɨraja tëta chembae, chemboete vaerä;

ISAÍAS 46:12

Peyeapɨsaka cheré, ipɨatäta vae reta, pe, mbaetɨ perovia yereroasayepe outa ma ko vae:

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 66:2

¡Che ko ayapo opaete kuae mbaembae, jáeramo ko oime opaete kuaekuae reta! Che, peYa ko jae. Che ayangarekota jókuae kuimbae oyemombaravete jare oñemomichi ipɨa pe vae re, cheñee omboete vae re.

ISAÍAS 66:5

Pe, pemboete yandeYa iñee vae, peendu iñee: “Amogüe, kuae perëta pegua reta pemotareɨ vae, jare opa pemombo iyeugüi reta perovia cheré vae jeko pegua, jare jei reta: ‘Toyekuaa, yandeYa imbaemboetea, omee vaerä peve yerovia.’ Ërei, jae reta oñemomaraiukata opɨta.

JEREMÍAS 13:17

Ërei mbaetɨ yave peendu kuae, ayaeo vɨarita pepɨapochɨ jeko pegua; cheresaɨ osɨrɨta, echa cheYa imbae vae reta opa oyererajauka tembipɨɨrä.

JEREMÍAS 14:17

Ere opaete vae pe kuae ñee: ‘Toyepɨyere cheresaɨ, ara pe jare pɨ̈tu yave toyepɨyere iyapɨmbae, echa yavaetegüe susere ou cherëta re, tuicha yae ipere.

JEREMÍAS 26:6

che ayapota kuae tupao ndive, Silo ayapo rami. Jare kuae tëta guasu añonota yepopeyu pe, opaete tëtaguasu reta ɨvɨ pegua reta jóvai.’ ”

JEREMÍAS 36:13

Micaías omombeu chupe reta opaete jae oendu Baruc omongeta tembikuatía oyepomombɨ vae güi opaete vae pe vae regua.

JEREMÍAS 36:24

Mburuvicha guasu jare iyɨvɨrigua mburuvicha reta oendu yave, mbaetɨ etei okɨɨye reta, jare mbaetɨ kërai ave omboyekuaa reta ipɨatɨtɨ.

JEREMÍAS 44:22

Ërei yandeYa mbaetɨ ma güɨropɨa pereko kavimbae jare mbaetɨ ipöra chupe peyapogüe. Jáeramo perëtaguasu añave oyemboai oï jare ipoä oï, jare oiko okɨɨye vaerä jare omae kaviä vaerä jese vae jare yepopeyu rupi.

JEREMÍAS 9:1

¡Mbae mona cheäka ɨkua rami, jare cheresa ɨesaɨ rami, aäpiro vaerä ara rupi jare pɨ̈tu rupi cherëtaɨgua reta omano vae!

EZEQUIEL 9:4

Jare yandeYa jei chupe: “Emboapɨ eguata tëta guasu Jerusalén rupi, jare opaete ipɨatɨtɨ jare oyembopɨaä mbaeyoa oyeapogüe re jókuae tëta guasu pe vae, emokañɨmaa jesɨva pe.”

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

NÚMEROS 25:6

Ërei ngatu metei kuimbae Israel iñemuña reta pegua güeru metei kuña Madián pegua jëtara reta ipɨte pe, Moisés jare opaete Israel iñemuña reta jovake, jae reta oyaeo ramboeve tupao guakapi pegua jöke pe.

San Lucas 19:41

Jare Jesús köiño ma ou Jerusalén güi yave, oecha jare oäpiro,

DEUTERONOMIO 29:23

oecha retata azufreño, yukɨ jare ɨvɨ okaigüeño. Mbaetɨta mbae ipuere oñeotɨ pɨpe, mbaetɨta vi mbae oñemuña pɨpe, mbae nunga ñana ave mbaetɨta oñemuña pɨpe, Sodoma, Gomorra, Adma jare Zeboim oñemokañɨtei yave rami, yandeYa iyarasɨ jeko pegua omboai kuae tëta reta.

JUECES 20:26

Jayave yogüɨraja ye opaete Israel iñemuña reta jare opaete tëta, jare oguapɨ oyaeo reta Bet-el pe, jare oyekuaku reta tembíu güi jókuae ara pɨ̈tu regua, jare omee reta mɨmba oyeyukagüe opaetei oyeapɨ vae, jare mbota yembopɨakatu pegua yandeYa jóvai.

1 SAMUEL 24:5

Kuae jaɨkue rupi David oyembopɨaä, Saúl jemimonde jembeɨ oyasɨa vae re.