2 REYES 22:17 - Biblia Guarani Tumpa Iñee

¹⁷ echa chereeya reta jare oapɨ reta ikäti kavi vae incienso tumpa ambuae reta pe, chemboarasɨuka reta opaete oyapogüe reta rupi; jáeramo chearasɨ opüa kuae tëta kotɨ, jare mbaetɨta chearasɨ poi.’

2 REYES 22:17 ပူးပေါင်းရင်းမြစ်များ

2 REYES 21:22

Oeya yandeYa iñemuñagüe reta iTumpa, mbaetɨ oiko yandeYa jemimbota rupi.

2 CRÓNICAS 28:25

Oyapo vi mbaemboete renda ɨvɨtɨ reta rupi opaete tëta guasu reta Judá pegua rupi, oapɨ vaerä ikäti kavi vae incienso tumpa ambuae reta pe, jökorai omboarasɨuka yandeYa iñemuñagüe reta iTumpa.

2 CRÓNICAS 36:16

Ërei jae reta oyóyai yóyai ñeemombeúa reta, güɨröɨro reta omombeugüe jare opuka reta Tumpa iñeemombeúa reta re, yandeYa iyarasɨ ou regua tëta imbae vae reta re, jare mbaetɨ ma oväe kërai oasayepe reta vaerä.

ÉXODO 32:34

Añave, ekua eraja opaete vae reta, che jae ndevea pe, chearaɨgua ojota nderenonde; ërei ñenupa ara oväe yave, che aiporaraukata chupe reta iyoa re.

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

JEREMÍAS 17:27

Ërei pe reta mbaetɨ yave peyapo cheporookuai, peñono tee vaerä cheve ara mbutuu, jekuaeño peroike pevoɨta Jerusalén jöke rupi yave, che ayatapɨta jókuae öke reta re, jare opata oapɨ o kavi reta Jerusalén pegua, jare ngaraa kia ipuere ombogüe.’ ”

JEREMÍAS 22:9

Jare jeita chupe reta: ‘Echa oeya reta morogüɨrökuavee päve iYa Tumpa omee chupe reta vae, omboete reta tumpa ambuae reta jare oyeokuai reta chupe.’ ”

JEREMÍAS 36:7

Güɨramoi jayave oyerure reta yandeYa pe jare oeya reta jeko ikavimbae vae, echa yandeYa iyarasɨ omoërakua kuae tëta kotɨ vae yavaete yae vae ko.”

JEREMÍAS 7:20

Jáeramo che peYa, aitɨta chearasɨ kuae tupao re, jare opaete tëta ipo reta re, jökoraiño vi mɨmba reta re, opaete ɨvɨra reta re, jare opaete temitɨ reta re. Mbae ókai vae mbaetɨ kia ipuere ombogüe vae ramita.”

MIQUEAS 5:13

opata amboai pegüi pepoki rupi mbae peyapo vae reta, mbae iä reta opata amboai pepɨte güi, ngaraa ye ma pemboete pepo pe peyapogüe reta.

SOFONÍAS 1:18

YandeYa iporojäa iara pe, kuimbae reta ngaraa oyereroasayepe, ikorepoti rupi ani ioro rupi ave, echa yandeYa jägüɨro jeko pegua iyarasɨ yae, opaeteita omboai mbaembae kuae ɨvɨ pe. ¡Opaete ɨvɨ pegua reta okañɨteita jarembae pegua!

ZACARÍAS 1:2

“YandeYa iyarasɨ yae peñemuñagüe reta kotɨ.

DEUTERONOMIO 32:21

Chemoägüɨrouka reta tumpambae vae re, chemboarasɨuka reta tumpa-raanga reta re; ¡che amoägüɨroukata vi metei tëta ambuae vae re, amboarasɨukata metei tëtaguasu mbaetɨ oipota oendu vae rupi!

DEUTERONOMIO 32:22

Echa chearasɨ oyepota tata rami, jare jendɨta ojo oväe matɨ ɨvɨgüɨ kotɨ; opata oapɨ ɨvɨ jare pɨpegua reta, jendɨta ɨvɨtɨ guasu reta iguapɨka.

DEUTERONOMIO 32:23

Amboatɨta jese reta opaete ikavimbae, aiporuta jese reta opaete cheruvɨ reta;

1 Tesalonicenses 2:16

oremboavai oremiari vaerä judiombae vae reta pe, jae reta vi oyemboasauka vaerä. Jökorai jeieteño iyoa reta, jáeramo Tumpa iyarasɨ tuichagüe ou jese reta.