2 REYES 22:13 - Biblia Guarani Tumpa Iñee

¹³ “Pekua peparandu yandeYa pe cheré, jare opaete vae re, jare opaete Judá pegua reta re, kuae tembikuatía pe ñee reta oñeväe vae regua; echa yandeYa iyarasɨ yae ko yandekotɨ, ñaneñemuñagüe reta mbaetɨ kuae tembikuatía pegua ñee reta jei vae oendu jeko pegua, mbaetɨ vi oyapo reta opaete oyekuatía oï pɨpe vae.”

2 REYES 22:13 ပူးပေါင်းရင်းမြစ်များ

2 REYES 23:26

Opaete kuae reve yandeYa jekuaeñoi iyarasɨ Judá kotɨ, opaete ikavimbae Manasés oyapo vae re.

2 REYES 3:11

Ërei Josafat jei: —¿Mbaetɨ pa kuae pe Tumpa iñeemombeúa, yaparandu vaerä yandeYa pe jókuae ñeemombeúa rupi? Metei sundaro ruvicha, Israel pegua mburuvicha guasu iyɨvɨrigua jei: —Kuae pe oime oiko Eliseo, Safat taɨ, Elías jemimboe.

2 CRÓNICAS 29:6

Echa peñemuñagüe reta oyembopɨapochɨ, oyapo reta ikavimbae yandeYa Tumpa jesa róvai; oeya reta yandeYa itupao, oyerova reta chugüi.

2 CRÓNICAS 34:21

—Pekua peparandu yandeYa pe cheré, jare Israel pe jare Judá pe jembɨregüe reta re, kuae tembikuatía pe ñee reta oñeväe vae regua; echa yandeYa iyarasɨ yae ko aipo yandekotɨ, echa ñaneñemuñagüe reta mbaetɨ oipota oendu kuae yandeYa iñee reta, mbaetɨ vi oyapo reta opaete kuae tembikuatía pe oyekuatía oï vae.

NEHEMÍAS 9:3

Jökorai oyemboɨ ñogüɨnoi ramboeve mboapɨ ora rupi oyemongeta chupe reta iYa Tumpa iporookuai, jare ïru mboapɨ ora rupi oyemombeu reta iyoa re jare omboete reta iYa Tumpa.

SALMOS 106:6

Oreyoa vi oreñemuñagüe reta rami, royapo ikavimbae, royapo jupimbae.

SALMOS 25:14

YandeYa oï oipoɨu chugüi reta vae ndive, chupe reta oechaukata iporogüɨrökuavee päve.

SALMOS 76:7

¡Nde, kɨɨyea yae ko! ¿Kia pa ipuereta oyemboɨ nderóvai ndearasɨ reï yave?

SALMOS 76:8

Ara güi reenduka neporojäa; ɨvɨ okɨɨye jare kïrii opɨta,

ÉXODO 20:5

Agüɨye peyetavatɨka yepe jóvai, agüɨye vi pemboete, echa che ko jae peYa Tumpa, imbaepuere yae vae, jägüɨro vae, aiporarauka peñemuñagüe reta imbaeyoa re vae: Taɨ reta pe, jɨmɨmino reta pe jare vi jɨmɨmino reta jɨmɨmino pe, chemotareɨ vae reta,

PROVERBIOS 3:6

Enoi avei ndepɨa pe yandeYa, opaete mbae reyapo vae rupi, jare jae ndereroatata sɨmbi rupi.

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

JEREMÍAS 16:12

Jare pe reta oasa ete ye peyapo ikavimbae jókuae peñemuñagüe reta güi, echa metei ñavo peyapo pepɨa jemimbotaño, mbaetɨ peyeapɨsaka cheré.

JEREMÍAS 36:7

Güɨramoi jayave oyerure reta yandeYa pe jare oeya reta jeko ikavimbae vae, echa yandeYa iyarasɨ omoërakua kuae tëta kotɨ vae yavaete yae vae ko.”

JEREMÍAS 37:17

mburuvicha guasu Sedequías omondo güɨnoeuka jare güeruruka jae oïa pe; jare Jeremías oyereraja ma mburuvicha guasu jóvai yave, jae oparandu vɨari chupe: —¿Oime pa mbae nunga ñee yandeYa güi? Jeremías jei chupe: —Oime. Jae ko kuae: “Nde cheruvicha guasu, reata mburuvicha guasu Babilonia pegua ipo pe.”

JEREMÍAS 44:17

Royapoñota roñererökuavee ma royapo vaerä vae. Roapɨta ikäti kavi vae incienso jare mbota vino oyepɨyere vae oretumpa ara pegua Mburuvicha kuña jee vae pe, añave rupi royapo roiko rami, jare tenonde rupi oreñemuñagüe reta, oreruvicha guasu reta jare tëta ruvicha reta Judá pegua jare kaye Jerusalén pegua rupi oyeapose rami. Jayave rogüɨnoise jeta tembíu, ikavi roiko jare mbaetɨ etei ou mbae nunga susere oreve;

LAMENTACIONES 5:7

Oreñemuñagüe reta iyoa, jare opa ma omano; ërei ore roiporara jae reta iyoa re.

DANIEL 9:10

jare mbaetɨ roendu neñee oreYa Tumpa, mbaetɨ vi royapo ndeporomboe nderembiokuai ñeemombeúa reta rupi remee oreve vae.

LEVÍTICO 26:14

Ërei ngatu mbaetɨ yave peendu, jare mbaetɨ yave peyapo kuae cheporookuai reta,

AMÓS 3:7

Echa ngaraa etei yandeYa Tumpa oyapo mbaesusere, omombeumbae reve jembiokuai ñeemombeúa reta pe.

NAHUM 1:6

Iyarasɨ yave, ¿kia pa ipuereta oyemboɨ jae jóvai? ¿Kia pa ipuereta güɨropɨa iyarasɨ? Iyarasɨ oñemoai tata rami, jae jóvai osururu ɨ̈vavira reta.

Romanos 3:20

echa mborookuai jei vae oyapo vae rupi mbaetɨ kia ipuere oyembojupiuka Tumpa jóvai. Echa mborookuai rupi yaikuaa mbaeyoa re.

Romanos 4:15

Echa mborookuai rupi oime arasɨ; ërei mbaetɨ mborookuaía pe, mbaetɨ vi kia oyavɨ.

Romanos 7:9

Tenonde yave mbaetɨ aikuaa mborookuai jei vae yave, aiko güɨraveño; ërei aikuaa ma yave mborookuai jei vae, aikuaa cheyoa ko jare aikuaa amano ko.

DEUTERONOMIO 27:26

‘Tijeko mbaetɨ omboete ani mbaetɨ oyapo kuae mborookuai reta jeigüe vae.’ Jare opaete vae tei: ‘Amén.’

Apocalipsis 6:17

Echa oväe ma ara Vecha kuimbae taɨrusu vae iyarasɨ yae vaerä, ¿kia pa ipuereta güɨropɨa?