2 REYES 21:9 - Biblia Guarani Tumpa Iñee

⁹ Ërei jae reta mbaetɨ oendu. Manasés oasa ete oyapouka ikavimbae chupe reta tëtaguasu pegua reta jeko kavimbae, yandeYa opa omokañɨtei Israel iñemuña reta güi vae güi.

2 REYES 21:9 ပူးပေါင်းရင်းမြစ်များ

1 REYES 14:16

YandeYa omeeta Israel, Jeroboam iyoa jeko pegua jare oitɨuka Israel pegua reta mbaeyoa pe vae jeko pegua.”

2 REYES 16:3

Omomoe mburuvicha guasu reta Israel pegua jeko, echa taɨ oapɨuka tumpa-raanga pe, tëtaguasu reta, yandeYa güɨnoe omombo Israel iñemuña reta jenonde güi vae jeko pɨ̈chɨi yae rami.

2 REYES 21:10

Jáeramo yandeYa imiari jembiokuai ñeemombeúa reta rupi, jei reve:

2 CRÓNICAS 33:9

Ërei Manasés jeiete oyapouka ikavimbae Judá pegua reta pe jare Jerusalén pegua reta pe, oasa ete Israel iñemuña reta jenonde güi yandeYa opa omoë omombo tëtaguasu reta vae güi, ikavimbae oyapo reta vae.

2 CRÓNICAS 36:16

Ërei jae reta oyóyai yóyai ñeemombeúa reta, güɨröɨro reta omombeugüe jare opuka reta Tumpa iñeemombeúa reta re, yandeYa iyarasɨ ou regua tëta imbae vae reta re, jare mbaetɨ ma oväe kërai oasayepe reta vaerä.

NEHEMÍAS 9:26

Ërei oyemboapɨsaä reta ndeve, oñemopüa reta ndekotɨ, güɨröɨro reta ndeporookuai. Neñeemombeúa reta omboeta jeko re chupe reta, oipota ramo omboyerova reta ye tëi ndekotɨ, ërei jae reta oyuka, jare oyapo reta mbae pɨ̈chɨi yae vae.

SALMOS 12:8

Oreöva jeko kavimbae vae reta, opaete vae reta omboete ikavimbae.

SALMOS 81:10

Che ko jae ndeYa Tumpa, ɨvɨ Egipto güi nerenoe vae, eyurupeka jare toromoangapɨɨ.

PROVERBIOS 29:12

Mburuvicha oyeapɨsaka yave apu re, opaete imborɨa reta pe oyavɨukata ko.

EZEQUIEL 11:12

Jayave pe reta chekuaata che ko jae peYa vae. Pe reta mbaetɨ peiko cheporookuai rupi, mbaetɨ peyapo, ërei pemomoe tëtaguasu reta peɨ́vɨri yogüɨreko vae jeko.’ ”

EZEQUIEL 16:47

Nde reiko jae reta yogüɨreko rami, reyapo jae reta oyapo vae. Ërei mbaetɨ ndeangapɨɨ, ndereko oasa ete yé ikaviä chugüi reta.

EZEQUIEL 22:3

ere chupe körai: ‘YandeYa Tumpa jei körai: Tëta guasu, oyuka ipo reta vae jare oyapo itumpa-raanga retarä oyemongɨa pɨpe vae, ¡orata ma ndeve!

EZEQUIEL 5:6

Ërei jae reta ñäteɨ oyapo cheporookuai reta, jare jeko reta ikaviä yae ïru tëtaguasu reta güi jare iyɨvɨrigua reta güi; echa güɨröɨro reta cheporookuai jare mbaetɨ yogüɨreko reta mborookuai jeia rupi.

EZEQUIEL 5:7

Jáeramo, che ndeYa jae körai: Pe reta pepɨapochɨ yae ïru tëtaguasu reta peɨ́vɨri ñogüɨnoi vae güi, mbaetɨ peyapo cheporookuai reta; kuae tëta reta peɨ́vɨri ñogüɨnoi vae pegua mborookuai reta ave mbaetɨ peyapo.

DANIEL 9:6

Mbaetɨ roendu nderembiokuai ñeemombeúa reta, nderee re imiari oreruvicha guasu reta pe vae, oreruvicha reta pe jare oreñemuñagüe reta pe vae, jare opaete Israel pegua reta pe vae.

OSEAS 5:11

Efraín pegua reta oiporara yae, yogüɨrekoasɨ katu, echa oiparavo omboete vaerä tumpa-raangaño.

San Lucas 13:34

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

San Juan 15:22

Mbaetɨ yave mona ayu chemiari vaerä chupe reta, ngaraa tëi teko güɨnoi reta. Jáeramo jei rapeä mbaetɨ ko oikuaa reta iyoa re vae.

Santiago 4:17

Jáeramo peikuaa tëi mbae ikavi vae peyapo reve peyapoä yave, peyoa ko.

Apocalipsis 2:20

Ërei oime mbovɨ mbae jae vaerä ndeve: Jae ko remaeño jókuae kuña Jezabel ñeemombeúa jei iyeupe vae oporomboe jare ombotavɨ cherembiokuai reta aguasa oyapo vaerä jare jouka vaerä tembíu tumpa-raanga reta pe oñemee vae.

1 SAMUEL 8:19

Ërei opaete vae mbaetɨ oipota oendu Samuel iñee, jei reta: —Roipotañoi rogüɨnoi oreruvicha guasurä,