2 REYES 21:7 - Biblia Guarani Tumpa Iñee

⁷ Jare oñono metei Asera iä jae oyapogüe yandeYa jo pe; kuae o re yepe yandeYa jei David pe jare taɨ Salomón pe: “Che añonota cheree jekuae avei pegua kuae o pe, Jerusalén pe, kuae aiparavo Israel iñemuña reta güi vae.

2 REYES 21:7 ပူးပေါင်းရင်းမြစ်များ

2 SAMUEL 7:13

Jae omopüata metei o cheve, jare che ameeta oiko avei vaerä iporookuaía.

1 REYES 8:29

emae avei pɨ̈tu yave jare ara pe kuae o re, kuae: ‘Cheree oïta pɨpe’ rere chupe vae re; jare eendu nderembiokuai yerure oyapo yave kuae o pe.

1 REYES 8:44

Tëta ndembae vae ñogüɨnoi yave oñoraro vaerä jovaicho reta ndive kia pe, remondoa pe, joko güi oyerure yave ndeve omae reve kuae tëta nde reiparavogüe kotɨ jare kuae tupao ayapo vae kotɨ,

1 REYES 9:3

Jare yandeYa jei chupe: “Che aendu ndeyerure jare neporomoñera reyapo cheróvai vae. Che añono tee kuae o nde remopüa vae, añono vaerä cheree pɨpe jekuae avei pegua; jare opaete ara rupi ayangarekota jese.

1 REYES 9:7

aekɨta Israel iñemuña reta kuae ɨvɨ amee chupe vae güi, amombota cheróvai güi kuae tupao añono tee vae, jare Israel toiko tëtaguasu reta opuka jese vaerä.

2 REYES 16:11

Jare Urías omopüa mɨmba oyeyuka oyeapɨ jese vae, mburuvicha guasu Acaz ombou iä chupe Damasco güi rami kavi, jökorai opa oyapo sacerdote Urías, ndei mburuvicha guasu Acaz ou ye Damasco güi mbove.

2 REYES 21:4

omopüa vi mɨmba oyeyuka oyeapɨ jese vae yandeYa jo pe, kuae re yandeYa jei: “Che añonota cheree Jerusalén pe.”

2 REYES 23:27

Jáeramo yandeYa jei omombo vaerä matɨ iyeugüi Judá, Israel omombo iyeugüi rami, güɨröɨro vaerä tëta Jerusalén, jae oiparavo iyeupe vae, o jae jee oñono tëi joko pe vae.

2 REYES 23:4

Jayave mburuvicha guasu oyókuai sacerdote tenondegua Hilcías, jare taɨkuegua sacerdote reta jare öke iyangarekoa reta, güɨnoe vaerä yandeYa jo güi opaete mbaembae oyeapo tumpa-raanga Baal jare Asera, jare opaete ara ipo reta peguarä vae; jare oapɨ reta Jerusalén güi ikatu pe, Cedrón jee vae pe, javoi itanimbugüe güɨrajauka reta Bet-el pe.

2 REYES 23:6

Güɨnoeuka vi Asera iä yandeYa jo güi, Jerusalén güi ikatu pe, oapɨ ɨvɨtɨ päu ipe kavi vae Cedrón pe, opaetei itanimbu regua; jare itanimbugüe omoai reta jókuae tëta pegua reta jɨvɨa re.

2 CRÓNICAS 33:15

Güɨnoe vi yandeYa jo güi tumpa ambuae reta jare tumpa-raanga jare opaete mɨmba oyeyuka oyeapɨ jese vae omopüa ɨvɨtɨ yandeYa jo oï jese vae re vae jare Jerusalén pe vae, opa güɨnoe omombo tëta guasu güi ikatu pe.

2 CRÓNICAS 33:7

Oñono vi mbae iä jae oyapogüe Tumpa jo pe, kuae re ko yandeYa jei David pe jare taɨ Salomón pe: “Kuae o pe, Jerusalén pe, aiparavo opaete Israel iñemuña reta güi vae pe añonota cheree jekuae avei pegua.

2 CRÓNICAS 6:6

Ërei aiparavo Jerusalén, joko pe oï vaerä cheree, jare aiparavo David oï vaerä tëta chembae vae Israel juvicharä.’

2 CRÓNICAS 7:12

Jare yandeYa oyeechauka Salomón pe pɨ̈tu yave jare jei chupe: “Che aendu ndeyerure jare aiparavo cheyeupe kuae o mɨmba oyeyukagüe oñemee vae peguarä.

2 CRÓNICAS 7:16

echa añave aiparavo jare añono tee kuae tupao guasu, pɨpe oiko vaerä cheree jekuae avei rupi. Amae aveita jare jeseita chepɨa.

2 CRÓNICAS 7:20

pogüɨnoeta kuae ɨvɨ amee peve vae güi, jare kuae tupao guasu añono tee cheree re vae amombota cheróvai güi, oikota ïru tëta reta oyóyai yóyai vaeräño.

NEHEMÍAS 1:9

ërei ngatu, peyerova ye chekotɨ yave, peñovatu jare peyapo yave cheporookuai reta, yepe tëi opa peñemoai moai ketɨ ketɨ rupi, joko güi pogüeru yeta. Pogüeruta che aiparavo cheree oï vaerä pɨpea pe.’

SALMOS 74:2

Nemaendúa tëta ndembae vae re, arakae güive reiparavo ndeyeupe vae, reyora reta reyapo vaerä ndembaerä vae; nemaendúa kuae ɨvɨtɨ guasu Sión re, nde reiko pɨpe vae.

SALMOS 78:58

Mbaemboete renda ɨvɨtɨ rupigua oyapo reta vae rupi omboarasɨuka reta, jare omboete reta tumpa-raanga reta vae rupi omoägüɨrouka.

JEREMÍAS 32:34

Jare chetupao oñeñono tee cheveguarä vae pe oñono reta itumpa-raanga pɨ̈chɨi yae vae reta; jökorai omongɨa reta chetupao.

JEREMÍAS 7:30

YandeYa jei: “Judá pegua reta oyapo ikavimbae cheróvai; oñono reta itumpa-raanga aröɨro yae vae chero pe, jökorai chero omongɨa reta.

EZEQUIEL 23:38

Jare kuae ye vi oyapo reta chekotɨ: Metei ara peño omongɨa reta chero mbaemboetea jare omboeteä cheara reta mbutuu pegua.

DEUTERONOMIO 16:21

Agüɨye peñotɨ ɨvɨra tumpa-raanga Asera pemboete vaerä, agüɨye vi peñono yandeYa Tumpa pegua mɨmba oyeyuka oyeapɨ jese vae iyɨpɨ pe.