2 REYES 21:5 - Biblia Guarani Tumpa Iñee

⁵ Omopüa ye ïru mɨmba oyeyuka oyeapɨ jese vae reta opaete ara ipo reta peguarä, yandeYa jo joka mókoi oï vae ñavo pe.

2 REYES 21:5 ပူးပေါင်းရင်းမြစ်များ

1 REYES 6:36

Oka japɨpe pegua oikëse mboapɨ ñesɨro ita oñeopagüe pe jare metei jɨsɨ ɨ̈vɨrare pe.

1 REYES 7:12

Jare oka ikësea mboapɨ ñesɨro ita oñeopagüe jare metei jɨsɨ ɨ̈vɨrare pe, yandeYa jo japɨpe joka rami, jökorai vi jo.

2 REYES 23:12

Omboai vi mɨmba oyeyuka oyeapɨ jese vae reta, mburuvicha guasu reta Judá pegua oyapo Acaz jo iárambo vae, jare mɨmba oyeyuka oyeapɨ jese vae reta Manasés omopüa yandeYa jo joka pe vae; opa oyoka jare ikuigüe opa omoai ɨ̈aka raɨ Cedrón pe.

2 REYES 23:4

Jayave mburuvicha guasu oyókuai sacerdote tenondegua Hilcías, jare taɨkuegua sacerdote reta jare öke iyangarekoa reta, güɨnoe vaerä yandeYa jo güi opaete mbaembae oyeapo tumpa-raanga Baal jare Asera, jare opaete ara ipo reta peguarä vae; jare oapɨ reta Jerusalén güi ikatu pe, Cedrón jee vae pe, javoi itanimbugüe güɨrajauka reta Bet-el pe.

2 REYES 23:5

Javoi opa omoë omombo sacerdote reta mburuvicha guasu reta Judá pegua oñono sacerdoterä vae, oapɨ reta vaerä ikäti kavi vae incienso mbaemboete renda ɨvɨtɨ rupigua, tëta guasu reta Judá pegua rupi jare Jerusalén iyɨ́vɨri ñogüɨnoi vae reta rupi vae, jaeramiño vi ikäti kavi vae incienso oapɨ reta Baal pe vae, kuaraɨ pe jare yasɨ pe vae, yasɨtata reta pe vae, jare opaete ïru ara ipo reta pe vae.

2 REYES 23:6

Güɨnoeuka vi Asera iä yandeYa jo güi, Jerusalén güi ikatu pe, oapɨ ɨvɨtɨ päu ipe kavi vae Cedrón pe, opaetei itanimbu regua; jare itanimbugüe omoai reta jókuae tëta pegua reta jɨvɨa re.

2 CRÓNICAS 33:15

Güɨnoe vi yandeYa jo güi tumpa ambuae reta jare tumpa-raanga jare opaete mɨmba oyeyuka oyeapɨ jese vae omopüa ɨvɨtɨ yandeYa jo oï jese vae re vae jare Jerusalén pe vae, opa güɨnoe omombo tëta guasu güi ikatu pe.

2 CRÓNICAS 33:5

Omopüa vi mɨmba oyeyuka oyeapɨ jese vae reta opaete ara ipo peguarä yandeYa jo joka mókoi reve pe.

2 CRÓNICAS 4:9

Oyapo vi oka sacerdote reta peguarä, jare oka tuicha vae jöke reta reve, kuae öke reta opa oñova jiero iyu vae pe.

EZEQUIEL 40:28

Jaɨkue rupi chereraja öke arayevɨ kotɨgua rupi, tupao joka michi vae pegua pe, jare ojäa öke arayevɨ kotɨgua; jare oyovake ïru reta ndive.

EZEQUIEL 40:32

Chereraja öke kuaraɨ oëa kotɨgua pe, tupao joka michi vae pegua pe, jare ojäa öke; jare oyovake ïru reta ndive.

EZEQUIEL 40:37

Tupao joka tuicha vae kotɨ omae korero reta vae güɨnoi yoyavi karandaɨ iä reta jokɨta ñavo, jare iyeupika güɨnoi juri pɨ̈roka.

EZEQUIEL 40:47

Jare ojäa tupao joka michi vae; pukugüe jare ipɨgüe oyovake güɨnoi cincuenta metro, jare mɨmba oyeyuka oyeapɨ jese vae oï tupao jóvai.

EZEQUIEL 42:3

Tupao joka michi vae kotɨ oï vae, güɨnoi payandepo metro, jare cuarto reta ñogüɨnoi piso ita pegua tupao joka tuicha vae jóvai vae, mboapɨ yoarambo oyóvai ñogüɨnoi.

EZEQUIEL 43:5

Jayave Tumpa Imbaepuere chemopüa, jare chereraja oka michi vae pe, jare aecha Tumpa iyemboetea omotɨnɨe tupao.

EZEQUIEL 44:19

Oë reta yave tupao joka tuicha vae kotɨ, ikatu pe, jeta vae ñogüɨnoia pe; tomboi iyeugüi jókuae temimonde reta lino pegua tupao pe oyeokuai yave omonde vae, jare toeya reta japɨpe peño, javoi tomonde reta ïru temimonde, agüɨye vaerä jeta vae reta re ova ñeñono tee.

EZEQUIEL 8:16

Jayave chereraja yandeYa itupao joka japɨpe pe, jare aecha yandeYa itupao jöke jare mɨmba oyeyuka oyeapɨ jese vae ipäu pe, veinticinco rupi kuimbae ikupe omee ñogüɨnoi yandeYa itupao kotɨ, omae reta kuaraɨ oëa kotɨ, itindɨasɨ reve ɨvɨ re omboete reta kuaraɨ.