2 REYES 21:16 - Biblia Guarani Tumpa Iñee

¹⁶ Manasés jeta yae vi oyuka jekombae Jerusalén pe, jókuae iyoa rupi oyapouka mbaeyoa Judá pe vae güi, jökorai oyapo ikavimbae yandeYa jesa róvai.

2 REYES 21:16 ပူးပေါင်းရင်းမြစ်များ

2 REYES 21:11

“Manasés mburuvicha guasu Judá pegua oyapo kuae teko pɨ̈chɨi jeko pegua, jare oasa ete oyapo ikavimbae opaete amorreo reta oyapo vae güi, ndei jae oiko mbove yogüɨreko vae reta güi, jare oyapouka vi mbaeyoa Judá pe, itumpa-raanga reta rupi.

2 REYES 21:15

Ikavimbae oyapo reta cheresa róvai jeko pegua chemboarasɨuka reta, iñemuñagüe reta ñogüɨnoe Egipto güi yave güive añave regua.’ ”

2 REYES 21:2

Ërei oyapo ikavimbae yandeYa jesa róvai, yandeYa opa omoë omombo Israel iñemuña reta jenonde güi vae tëtaguasu reta jeko pɨ̈chɨi rami.

2 REYES 21:7

Jare oñono metei Asera iä jae oyapogüe yandeYa jo pe; kuae o re yepe yandeYa jei David pe jare taɨ Salomón pe: “Che añonota cheree jekuae avei pegua kuae o pe, Jerusalén pe, kuae aiparavo Israel iñemuña reta güi vae.

2 REYES 3:3

Ërei iyoa Jeroboam, Nabat taɨ iyoa rami, Israel iñemuña reta pe oyapouka mbaeyoa vae, jare mbaetɨ oyembosɨrɨ jókuae mbaeyoa güi.

2 CRÓNICAS 33:9

Ërei Manasés jeiete oyapouka ikavimbae Judá pegua reta pe jare Jerusalén pegua reta pe, oasa ete Israel iñemuña reta jenonde güi yandeYa opa omoë omombo tëtaguasu reta vae güi, ikavimbae oyapo reta vae.

ÉXODO 32:21

Jare jei Aarón pe: —¿Mbae pa kuae reta oyapo ndeve, reyapouka vaerä chupe reta mbaeyoa ikavimbae yae ete vae?

PROVERBIOS 6:16

Oime ova mbaembae yandeYa güɨröɨro vae, jare chiúa pɨ̈chɨi yae ete jesa róvai; jae ko:

PROVERBIOS 6:17

Oyemboete yae iyé vae, apu omomora vae, jekombae oyukaiño vae,

JEREMÍAS 15:4

Ayapota chupe reta vae rupi opaete tëtaguasu reta okɨɨye yaeta, Manasés mburuvicha guasu Judá pegua, Ezequías taɨ jeko pegua, Jerusalén pe oyapo vae re.

JEREMÍAS 19:4

Echa Israel iñemuña reta chereeya, jare omongɨa reta kuae ɨvɨ; oapɨ reta ikäti kavi vae incienso tumpa-raanga reta pe, jae reta mbaetɨ oikuaa vae pe, iñemuñagüe reta ave jare mburuvicha guasu reta Judá pegua mbaetɨ oikuaa vae pe; jare kuae ɨvɨ omotɨnɨe reta jekombae jugüɨ pe.

JEREMÍAS 2:34

Nderemimonde yɨpe oï, paravete vae reta jare jekombae reta jugüɨgüe pe, yepe tëi mbaetɨ mbae nunga teko reväe jese reta; ërei opaete kuaekuae reta reve rere:

JEREMÍAS 32:31

Kuae tëta guasu, omboɨpɨ oñemopüa güive añave regua, jaeño oiko chemboarasɨuka vaerä. Jáeramo opata amboai,

JEREMÍAS 7:6

jare mbaetɨ peyuvanga ketɨgua re, tɨ̈reɨ re jare imemano vae re yave, ani kuae ɨvɨ pe ave mbaetɨ jekombae peyuka yave, ani jókuae tumpa ambuae reta mbaetɨta ikavi peve vae mbaetɨ pemboete yave,

EZEQUIEL 22:2

“Nde kuimbae, ere kuae tëta guasu oporoyuka vae pe mbae oasata vae. Emboeko opaete pɨ̈chɨi yae oyapo vae re,

EZEQUIEL 22:4

Jeta reporoyuka vae rupi ndeyoa, jare tumpa-raanga reta reyapo vae rupi reyemongɨa; jókuae rupi jeieteño remoköi ora ndeyeupe, jare ou ara iyapɨ vaerä ndeve. Jáeramo roapota tëtaguasu reta nemomarai vaerä, jare opaete vae reta ndeyóyai yóyai vaerä.

EZEQUIEL 23:45

Jáeramo kuimbae jupi vae reta ojäata mborookuai menda re oyuvanga vae pegua rupi jare mborookuai mboroyuka pegua rupi. Echa jae reta oyuvanga menda re jare oporoyuka reta.”

EZEQUIEL 9:9

YandeYa jei cheve: “Mbaeyoa oyapo Israel pegua jare Judá pegua reta vae ikaviä yae ko. Kuae ɨvɨ pe jeta yae oyoyuka vae; jare kuae tëta guasu pe jeta jupimbae. Echa jei reta: ‘YandeYa oeya ma ko kuae ɨvɨ, ngaraa oecha yayapogüe.’

NÚMEROS 35:33

Agüɨye pemongɨa jókuae ɨvɨ peikota pɨpe vae; echa kuae tugüɨ omongɨata ko ɨvɨ, jare jókuae ɨvɨ mbaetɨta ipuere oyeyoe jókuae tugüɨ güi, jaeño jókuae oporoyuka vae peyuka yave.

San Mateo 27:6

Jayave sacerdote reta itenondegua reta omonoo jókuae korepoti jare jei: —Jupiä ko ñañono ye vaerä kuae korepoti tupao pegua korepoti jɨru pe. Echa mano jepɨ ko.

San Lucas 13:34

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

Hebreos 11:37

Amogüe vae oyapi ita pe oyuka, ïru vae reta oyasɨa ikúa rupi siera pe oyuka, ojäa reta iporogüɨrovia, omano reta kɨsepuku pe; oguata reta oipota rupi oyemonde reve vecha ipiregüe ani kavara ipiregüe peño, poriau reta, ipɨatɨtɨ yae reta, yogüɨrekoasɨ katu;