2 REYES 20:17 - Biblia Guarani Tumpa Iñee

¹⁷ “Oväeta ara opaete mbaembae ndero pegua reta jare opaete neñemuñagüe reta omboatɨgüe opa vaerä oyereraja Babilonia pe, mbaetɨ eteita mbae opɨta kuae pe, jei yandeYa.

2 REYES 20:17 ပူးပေါင်းရင်းမြစ်များ

2 REYES 20:16

Jayave Isaías jei Ezequías pe: —Eyeapɨsaka kuae yandeYa iñee re:

2 REYES 24:13

Jaɨkue rupi Nabucodonosor güɨnoe joko güi opaete yandeYa jo pe mbaembae jepɨ vae oñeñovatu vae, jare opaete mbaembae jepɨ vae mburuvicha guasu jo pe oñeñovatu vae, jare opaetei oyoka mbaembae oro pegua, Salomón mburuvicha guasu Israel pegua oyapo yandeYa jo peguarä vae reta, yandeYa omoërakua rami.

2 CRÓNICAS 36:10

Año oväe ye vae re, mburuvicha guasu Nabucodonosor ombou güɨrajauka Babilonia pe, tembiporu reta jepɨ yae vae yandeYa jo pegua ndive, jare jëtara Sedequías omboguapɨ mburuvicha guasurä Judá jare Jerusalén re.

2 CRÓNICAS 36:18

Jaeramiño vi tembiporu Tumpa jo pegua, tuicha vae ani michi vae, jare tupao pe mbaembae oñeñovatu vae jare mburuvicha guasu imbae jare iyɨvɨrigua reta imbae, opaetei güɨraja Caldeaɨgua reta juvicha guasu Babilonia pe.

JEREMÍAS 20:5

Ameeta vi tovaicho reta ipo pe opaete mbaeyekou kuae tëta guasu pegua, opaete mbaembae jare opaete mbaembae jepɨ vae reta, jare opaete mburuvicha guasu Judá pegua imbaembae jepɨ vae reta, güɨraja vaerä Babilonia pe.

LEVÍTICO 26:19

Amboaita pegüi pepɨayemboete jese vae, mbaetɨta amongɨ peve, jare peɨvɨ pe mbaetɨta mbaagüɨye.