2 REYES 2:8 - Biblia Guarani Tumpa Iñee

⁸ Jayave Elías oipɨɨ jemimonde iarambogua, omboyeapa jare oiporu ɨ re, jare ɨ oyemboyao oyougüi, jare oasa päve reta otinía rupi.

2 REYES 2:8 ပူးပေါင်းရင်းမြစ်များ

1 REYES 19:13

Jare Elías oendu yave, oyasoi jova jemimonde pe, jare oë, oñeñono ɨvɨkua jöke pe. Jare ou chupe metei ñee, jei körai: “¿Mbae pa reyapo kuae pe Elías?”

1 REYES 19:19

Jae ojo ramboeve joko güi, oväe Eliseo, Safat taɨ ombaeara ñogüɨnoi doce yoayu güeye reta pe, jare jae oiko taɨkue ete ou vae ndive. Jare Elías oasa jóvai rupi jare omombo jese jemimonde iarambogua.

2 REYES 2:14

Jare oipɨɨ jókuae temimonde iarambogua oiporu ɨ re, jare jei: “¿Ketɨ pa aipo reï cheYa, Elías iTumpa?” Jökorai oiporu jese rupive, ɨ oyemboyao oyougüi, jare Eliseo oasa jokoropi.

ÉXODO 14:29

Israel iñemuña reta yogüɨraja ɨguasu ipäu otinía rupi; jare ɨ opüa ovapetea rami jae reta iyakatu kotɨ jare iyasu kotɨ.

ISAÍAS 11:15

YandeYa oipeata tape chupe reta Epigto pegua ɨguasu rupi, omopüata iyɨva ɨ̈aka Éufrates re, chiu pe opata omboyao jókuae ɨ̈aka, jare ipuereta oasa reta ipɨapaa omboimbae reve.

Hebreos 11:29

Iporogüɨrovia rupi Israel iñemuña reta oasa Ɨguasu Pɨ̈ta vae ɨvɨ otini vae rupi rami; jare Egiptoɨgua reta oipota tëi oasa jae reta rami yave opa ɨ oyasoi.

Hebreos 11:37

Amogüe vae oyapi ita pe oyuka, ïru vae reta oyasɨa ikúa rupi siera pe oyuka, ojäa reta iporogüɨrovia, omano reta kɨsepuku pe; oguata reta oipota rupi oyemonde reve vecha ipiregüe ani kavara ipiregüe peño, poriau reta, ipɨatɨtɨ yae reta, yogüɨrekoasɨ katu;

Apocalipsis 16:12

Jare araɨgua ovaa opɨyere kopa güɨnoi vae ɨ̈aka guasu Éufrates re. Jare tɨpa, oñemokätɨro mburuvicha guasu reta kuaraɨ oëa kotɨgua oasa vaerä.

1 SAMUEL 28:14

Jare Saúl oparandu: —¿Kërai pa jókuae reecha vae? —Aecha metei kuimbae indechi vae, jae oñeapeva metei ñeapevaka pe —jei kuña. Jayave Saúl oikuaa jupivei Samuel ko vae, jare oyetavatɨka itindɨasɨ ɨvɨ re omboete reve.