2 REYES 2:3 - Biblia Guarani Tumpa Iñee

³ Ërei Bet-el pe ñeemombeúa reta yogüɨreko vae ñogüɨnoe Eliseo oövaiti, jare jei reta chupe: —¿Reikuaa pa añave yandeYa oupita ndegüi ndemboea vae? Eliseo jei: —Jäa, aikuaa. ¡Pekïrii!

2 REYES 2:3 ပူးပေါင်းရင်းမြစ်များ

1 REYES 18:4

Jae ko Jezabel omboɨpɨ oyuka Tumpa iñeemombeúa reta yave, oñomi chugüi cien; jare oyapo mókoi yemboyao cincuenta enta vae, jókuae reta oñomi mókoi ɨvɨkua pe, joko pe omee jembiurä jare iɨguarä.

1 REYES 20:35

Ërei ngatu metei kuimbae ñeemombeúa reta güi oyókuai iñeïru, Tumpa jei chupegüe rupi: —¡Eyapo ikavi vae cheve, chembopere! Ërei jókuae iñeïru mbaetɨ oipota oyapo.

2 REYES 2:15

Jare ñeemombeúa reta Jericó pegua ɨ rovaicho pe ñogüɨnoi vae oecha ramboeve, jei reta: “¡Elías imbaepuere etei opɨta Eliseo re!” Jayave yogüeru oövaiti reta, jare oyetavatɨka itindɨasɨ reta jóvai,

2 REYES 2:5

Ërei Jericó pe ñeemombeúa reta yogüɨreko vae ñogüɨnoe Eliseo oövaiti, jare jei reta chupe: —¿Reikuaa pa añave yandeYa oupita ndegüi ndemboea vae? Eliseo jei: —Jäa, aikuaa. ¡Pekïrii!

2 REYES 2:7

Jayave yogüeru cincuenta ñeemombeúa reta, jare oyemboɨ reta mombɨrɨ jenonde kotɨ; Elías jare Eliseo oyemboɨ ɨ̈aka Jordán jembeɨ pe.

2 REYES 4:1

Metei kuña, ñeemombeúa jembirekogüe ojo iñeengeta Eliseo pe, jei reve: —Cheme omano, jare nde reikuaa jae oipoɨu yandeYa güi vae ko; jare ou orepía iya güɨraja vaerä chegüi mókoi reve chemembɨ reta tembiokuairä.

2 REYES 4:38

Eliseo oyerova ye Gilgal kotɨ, jókuae ɨvɨ pe karuai yae; ñeemombeúa reta yatɨ ñogüɨnoi Eliseo re yave, jei jembiokuai pe: “Eñono yapepo tuicha vae tata pe, jare eyapo tembíu täta kavi vae, ñeemombeúa reta peguarä.”

2 REYES 5:22

Giezi jei: —¡Ikaviño! Cheya chembou jae ndeve: “Ko yogüeru oväe chépɨri ɨvɨtɨ Efraín güi mókoi taɨrusu vae ñeemombeúa reta; romoñera remee vaerä chupegua retarä tres mil reare korepoti pegua, jare mókoi yepoepɨ pegua temimonde ipɨaugüe.”

2 REYES 6:1

Ñeemombeúa reta jei Eliseo pe: —Mase, nde ndive yaikoa, michi yae ko yandeve.

2 REYES 9:1

Jayave ñeemombeúa Eliseo oenɨi metei ñeemombeúa reta güi, jare jei chupe: —Eyupavo, jare eraja kuae asaite Ramot kotɨ, ɨvɨ Galaad pe.

ISAÍAS 8:18

Mase, che jare kuae chemichia reta yandeYa omee cheve vae, roï ko metei yembojaangarä tëta Israel peguarä, yandeYa Imbaepuere yae ete vae kuae ɨvɨtɨ Sión pe oiko vae ko oreñono chupe reta.

AMÓS 7:14

Ërei Amós jei chupe: —Mbaetɨ ko che ñeemombeúa, ani ñeemombeúa iñemuña ave yepe. Che ko jae güeye re oyangareko vae, jare ɨva ñana rupigua oipoo vae.

Hechos 22:3

“Che ko jae metei judío. Aa Tarso Cilicia pegua pe, ërei akuakuaa kuae tëta guasu pe. Gamaliel chemboe kavi ñaneñemuñagüe reta iporookuai re. Che ayapo avei Tumpa jei vae, opaete pe reta añave peyapo rami.

DEUTERONOMIO 33:3

Tumpa oaɨu imbae vae reta, oñeñono tee chupeguarä vae re oyangareko; jáeramo jae reta oguata nderaɨkue oyapo reta nde reyókuai vae.

1 SAMUEL 10:5

Jókuae jaɨkue rupi reota reväe Tumpa iɨvɨtɨ re, sundaro filisteo reta jeyupa güɨnoia pe; jare reike jókuae tëta pe yave, reövaitita mbovɨ ete ñeemombeúa reta yogüeru ɨvɨtɨ mbaemboete renda güi vae, jae reta jenonde yogüɨrajata ngitara imbopúa, angúa raɨ, jare mimbɨ imoñeea jare arpa imbopúa reta, jare jae reta omombeu Tumpa iñee.

1 SAMUEL 19:20

Saúl omondo iñee jerajaa reta güeru vaerä David, jare kuae reta oecha metei atɨ ñeemombeúa reta omombeu Tumpa iñee ñogüɨnoi, Samuel oï joko pe tenonde chupe reta, jare ogüeyɨ vi Tumpa iespíritu jókuae ñee jerajaa reta re jare jae reta vi omombeu Tumpa iñee.