2 REYES 2:14 - Biblia Guarani Tumpa Iñee

¹⁴ Jare oipɨɨ jókuae temimonde iarambogua oiporu ɨ re, jare jei: “¿Ketɨ pa aipo reï cheYa, Elías iTumpa?” Jökorai oiporu jese rupive, ɨ oyemboyao oyougüi, jare Eliseo oasa jokoropi.

2 REYES 2:14 ပူးပေါင်းရင်းမြစ်များ

2 REYES 2:13

Jaɨkue rupi oupi Elías güi jemimonde iarambogua oa vae, jare oyerova ye ou, jare oyemboɨ ɨ̈aka Jordán jembeɨ pe.

2 REYES 4:29

Jayave Eliseo jei Giezi pe: —Eyupavo, ko oï chepopoka jare ekua jokotɨ. Kia nunga vae nerövaiti yave, agüɨye maraetei eyapo chupe, kia nunga vae maraetei oyapo ndeve yave, agüɨye emboyevɨ chupe. Javoi chepopoka eñono kunumi raɨ jova re.

SALMOS 115:2

¿Maera pa añave jeita Tumpa re güɨroviambae reta: “Jama pa peTumpa”?

SALMOS 42:10

Kia chekägüe ombopere rami, cherovaicho reta chemomarai vae, jei reteiño cheve reta: “¡Ketɨ oime oï neTumpa!”

SALMOS 42:2

Cheɨuve yae rami ndekotɨ cheTumpa, nde, cheTumpa oikove vae. ¿Kërai yave ra aïta cheTumpa jóvai?

ÉXODO 14:22

Jare Israel iñemuña reta oike ɨguasu ipäu otinía rupi, jare ɨ opüa ovapetea rami jae reta iyakatu kotɨ jare iyasu kotɨ.

JEREMÍAS 2:6

Mbaetɨ oparandu reta: ‘¿Ketɨ pa oime oï yandeYa, jókuae ñanerenoe ɨvɨ Egipto güi vae, yandereroata ñuu ipombaea rupi vae, ɨvɨ otini vae rupi, ñamano rape katu jupi vae rupi, mbaetɨ ɨ vae rupi, ɨvɨ mbaetɨ kia ave oiko pɨpe vae rupi ani oguata yepe jupi vae rupi?’

JOEL 2:17

Tupao joka pe toyaeo sacerdote yandeYa jembiokuai reta, jare tei reta: “Neïro oreYa, kuae tëta ndembae pe, agüɨye emee ñemomarai pe ndembae vae reta; agüɨye ïru tëtaguasu reta toyuvanga jese. ¿Remaeñota pa ïru tëtaguasu reta jei vaerä: ‘Jama pa neTumpa’?”

San Marcos 16:20

Jare jemimboe reta yogüɨraja omoërakua Tumpa Iñee opaete kerupi. Jare yandeYa omborɨ, jare omoañete jemimboe reta iñee mɨakañɨ reta rupi. Amén.

San Juan 14:12

Añetete che jae peve, cheré güɨrovia vae oyapota vi mbaravɨkɨ reta ayapo vae. Jare ma yae oyapota, echa che ajata cheRu oïa pe.

Hechos 2:33

Jare Tumpa güɨraja güire oñono iyakatu kotɨ, jare omee chupe jókuae jei omeeta chupe Espíritu Santo vae. Jáeramo Jesús etei ko ombou kuae peecha jare peendu vae.

JUECES 6:13

Jare Gedeón jei: —Atataɨ cheya, oreYa oime oiko ore ndive yave ¿maera pa oasa ore ndive opaete kuae mbaembae? ¿Jama pa jókuae mɨakañɨ reta oreñemuñagüe reta imiari oreve jese vae, orerenoe ɨvɨ Egipto güi yave vae? Jare añave orereeya oremee Madián iñemuña reta ipo pe.