2 REYES 19:6 - Biblia Guarani Tumpa Iñee

⁶ Jare Isaías jei chupe reta: Köraita pere peya pe: “Körai jei yandeYa: ‘Agüɨye ekɨɨye ñee reta reendugüe güi, jókuae mburuvicha guasu Asiria pegua jembiokuai reta cheangao pɨpe vae güi.

2 REYES 19:6 ပူးပေါင်းရင်းမြစ်များ

2 REYES 18:17

Ërei jeseve mburuvicha guasu Asiria pegua ombou mburuvicha guasu Ezequías kotɨ Tartán, Rabsaris, Rabsaces, jetagüe sundaro ndive Laquis güi Jerusalén kotɨ, oïraro reta vaerä. Yogüeru oyembojeyupa ɨ rape ɨrɨru iyɨ́vɨri ɨvategua pe, tape ojo Mbaeputuka renda rupía pe.

2 REYES 18:30

Agüɨye Ezequías togüɨroviauka peve Tumpa re, jei yave peve: “YandeYa añetete ko yandereepɨta, jare kuae tëta guasu ngaraa oa mburuvicha guasu Asiria pegua ipo pe.”

2 REYES 18:35

¿Oime pa mbae nunga tumpa reta opaete kuae ɨvɨ pegua oepɨ iɨvɨ chembaepuere güi vae? ¿Maera pa peyemongeta peYa Tumpa ipuere oepɨ chegüi Jerusalén?”

2 REYES 19:22

¿Kia pa reyangao jare neñeeasɨ katu ikotɨ? ¿Kia kotɨ pa mbae rere jare neñeeäta reyembotuicha reve? ¡Israel pegua Iyoambae kotɨ ko!

2 REYES 19:5

Yogüɨraja mburuvicha guasu Ezequías jembiokuai reta Isaías pɨri.

2 REYES 6:16

Eliseo jei chupe: —Agüɨye ekɨɨye, echa jeta ko yande ndive ñogüɨnoi vae, jae reta ndive ñogüɨnoi vae güi.

2 CRÓNICAS 20:15

Jare jei: “Peyeapɨsaka opaete Judá pegua reta jare Jerusalén pegua reta, jare nde, mburuvicha guasu Josafat. YandeYa jei peve körai: ‘Agüɨye pekɨɨye ani peyomongɨɨye jókuae jeta yae vae güi, echa yandeYa ko oñerarota, mbaetɨta ko pe reta.

2 CRÓNICAS 20:17

Mbaetɨta ko pe reta peñeraro. Peyemboɨ kïrii, jare peechata kërai yandeYa pereepɨ. ¡Judá pegua reta jare Jerusalén pegua reta, agüɨye pekɨɨye, agüɨye peyembopɨtu; peporepeña pɨareve jese reta, echa yandeYa oïta pe reta ndive!’ ”

SALMOS 74:18

Nemaendúa kuae re cheYa: Tovaicho reta iñeeasɨ katu ndekotɨ, jare yarakuaambae reta ndeangao.

SALMOS 74:23

Agüɨye neakañɨ nderovaicho reta isapúkai güi, osapúkai ndekotɨ vae reta jekuae osapúkai ndekotɨ.

ÉXODO 14:13

Jare Moisés jei chupe reta: —Agüɨye pekɨɨye, peyemboɨ täta, jare pemae añave yandeYa pereepɨta vae re; echa Egiptoɨgua reta añave peecha vae ngaraa ye ma peecha.

ISAÍAS 10:24

Jáeramo, yandeYa Imbaepuere yae ete vae jei: “Tëta chembae vae, Sión pe peiko vae, agüɨye pekɨɨye Asiriaɨgua reta güi, yepe tëi oiporu peré ipopoka ɨvɨra pegua, Egiptoɨgua reta oiporu peré rami.

ISAÍAS 51:7

Peyeapɨsaka, pe reta peikuaa jupi vae re vae, cheporookuai rupi peiko vae reta. Agüɨye pekɨɨye kuimbae reta iñeeasɨ katu güi, agüɨye peyembopɨtu iporoangao jeko pegua,

JEREMÍAS 42:9

jare jei chupe reta: “YandeYa, Israel iTumpa, pe reta chemondo araja vaerä jóvai peyerure reta vae, jei:

LAMENTACIONES 3:57

Che roenɨi yave reyu chekotɨ, jare rere cheve: “Agüɨye ekɨɨye.”

LEVÍTICO 26:8

pegüi pandepo vae ombotekuaraita cien tovaicho, jare pegüi cien vae ombotekuaraita diez mil tovaicho, jare perovaicho reta opata pemoamɨri.

DEUTERONOMIO 20:1

Peë yave peñoraro vaerä perovaicho ndive, jare peecha kavayu regua reta, käretou ñeraro pegua jare jeta sundaro pegüi yave, agüɨye pekɨɨye chugüi reta, yandeYa Tumpa ɨvɨ Egipto güi perenoe vae ko oï pe ndive.

JOSUÉ 11:6

Ërei yandeYa jei Josué pe: “Agüɨye ekɨɨye chugüi reta, echa pɨareve koyave etei che opata amee pepo pe, jare ikavayu reta ipɨ opa peakɨo jare ikäretou reta opa peapɨ.”

Apocalipsis 13:6

Jare jei jeta ñee ikavimbae Tumpa kotɨ, jee kotɨ, itupao kotɨ jare ara pe yogüɨreko vae reta kotɨ.