2 REYES 19:4 - Biblia Guarani Tumpa Iñee

⁴ Güɨramoi yandeYa Tumpa oendu opaete Rabsaces iñee reta, iya mburuvicha guasu Asiria pegua ombou iñeenguruasɨ katu vaerä Tumpa oikove avei vae kotɨ, oiporarauka vaerä iñee rupi; kuaekuae yandeYa Tumpa oendu. Jáeramo eyerure oimeño opɨtagüe reta re.”

2 REYES 19:4 ပူးပေါင်းရင်းမြစ်များ

GÉNESIS 22:14

Abraham ombojee jókuae ɨvɨ: “YandeYa ko omeeta mbae oata vae.” Jáeramo jókuae güive añave rupi jei reta: “YandeYa iɨvɨtɨ re omeeta mbae oata vae.”

2 SAMUEL 16:12

Güɨramoi yandeYa oecha chepɨatɨtɨ yave iporerekuata cheré, kuae ñee jasɨ katu vae aendu aï vae jekovia pe.

2 REYES 18:13

Ezequías catorce año ma oiko mburuvicha guasurä Judá pe yave, Senaquerib mburuvicha guasu Asiria pegua oporepeña opaete tëta guasu oñekëse kavi vae Judá pegua re, jare opa opɨ̈ro.

2 REYES 19:16

Eyeapɨsaka cheYa jare eendu, emae cheYa jare eecha Senaquerib iñee reta, echa ombou ndeangaouka vaerä, nde cheYa reikove vae.

2 REYES 19:22

¿Kia pa reyangao jare neñeeasɨ katu ikotɨ? ¿Kia kotɨ pa mbae rere jare neñeeäta reyembotuicha reve? ¡Israel pegua Iyoambae kotɨ ko!

2 REYES 19:23

Neñee jerajaa reta rupi neñeeasɨ katu chekotɨ. Rere: ‘Jeta yeyé chekäretou reta ramo ayeupi ɨvɨtɨ guasu reta iyapɨte re, Líbano pe ɨvɨtɨ ɨvate yae vae re. Ayasɨa iɨ̈vɨrare ɨvate yae vae reta, ɨvɨra pino jee vae ipöra yae vae. Aja aväe ɨvɨtɨ reta iyapɨte re, kaa reta mbaepotɨ renda reta ramía pe.

2 REYES 19:3

jei reta vaerä chupe: Körai jei Ezequías: “Kuae ara ko jae mbɨatɨtɨ iara, mbaeporara iara jare yeangao iara; echa kuña imembɨrasɨ oï yave, opa jete jëogüe, jökorai ko roï.

2 REYES 19:30

Jare Judá iñemuña reta güi oasayepegüe, jokɨ yeta temitɨ rami jare oñemuña reta yeta.

2 REYES 19:31

Echa Jerusalén güi ñogüɨnoeta jembɨregüe reta; ɨvɨtɨ Sión güi oasayepegüe reta. YandeYa imbaepuere yae ete vae, oporoaɨu yae vae jeko pegua oyapota kuae.

2 REYES 19:5

Yogüɨraja mburuvicha guasu Ezequías jembiokuai reta Isaías pɨri.

2 CRÓNICAS 32:20

Ërei ngatu mburuvicha guasu Ezequías jare ñeemombeúa Isaías, Amoz taɨ oyerure reta kuae re, jare oeka reta yemborɨ Tumpa pe.

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

SALMOS 50:21

Opaete kuae reyapo, ërei che chekïriiño; nde reyemongeta, che nde ramiño. Ërei che amboetata ndeve, ¡jaeta ndeve nderova pe etei!”

SALMOS 74:18

Nemaendúa kuae re cheYa: Tovaicho reta iñeeasɨ katu ndekotɨ, jare yarakuaambae reta ndeangao.

ISAÍAS 1:9

Ërei yandeYa Imbaepuere yae ete vae mbaetɨ yave mona oeya mbovɨ yepe yandeve ñemuña, Sodoma jare Gomorra rami ko yapɨtata tëi.

ISAÍAS 10:6

Amondota jókuae tëtaguasu iyoa vae kotɨ, jókuae tëtaguasu chemboarasɨuka vae kotɨ, opɨ̈ro vaerä chugüi imbaeyekou reta, oñepɨ̈ro vaerä jese, tuyuapo re oñepɨ̈ro rami.

JEREMÍAS 23:36

Agüɨye ye mo pere: ‘YandeYa omoërakua mbae maratuta vae’, echa kia jei yave jókuae ñee, amboyevɨta chupe jókuae jae omoërakuagüe. Echa pe reta peipoepɨ yandeYa oikove vae iñee, peTumpa, yandeYa Imbaepuere yae ete vae.

JEREMÍAS 33:3

Eyerure cheve jare aenduta ndeve, amombeuta ndeve mbae tuicha vae jare oñemi oï ndegüi vae, nde reikuaambae vae.

JEREMÍAS 42:9

jare jei chupe reta: “YandeYa, Israel iTumpa, pe reta chemondo araja vaerä jóvai peyerure reta vae, jei:

EZEQUIEL 36:37

Che peYa Tumpa jae körai: Israel iñemuña reta oiporu cheve vae ayapota; amoñemuña retata jeta, vecha reta jeta oñemuña rami.

Romanos 11:5

Jökorai vi añave oime amogüe jembɨre, Tumpa oiparavo ipɨakavi rupi vae.

Romanos 9:27

Jare Isaías jei iñeeäta reve Israel pegua reta re: “Yepe tëi jeta yae ko Israel iñemuña reta, ɨguasu jembeɨ pegua ɨvɨkuitï jeta yae rami, ërei jembɨregüeño ko oyemboasata;

DEUTERONOMIO 32:36

Echa yandeYa oepɨta imbae vae reta, jembiokuai oaɨu jeko pegua oipoepɨta iyemongeta; oecha mbaetɨ ma ipɨ̈rata yave, mbaetɨ ma yave tembipɨɨ ani tembipɨɨmbae.

JOSUÉ 14:12

Jayave emee cheve jókuae ɨvɨtɨ guasu yandeYa imiari jese vae. Nde reikuaa jókuae ara rupi Anac iñemuña reta yogüɨreko joko pe vae, jare oime tëta guasu reta tuicha yae vae jare oñekëse kavi yae vae. Ërei aäro yandeYa oï vaerä che ndive, anoe vaerä amombo reta joko güi, yandeYa jei rami.”

JOSUÉ 3:10

Kuae rupi peikuaata Tumpa oikove vae oime oï pepɨte pe vae, jare jae omoëta omombo perenonde güi cananeo reta, heteo reta, heveo reta, ferezeo reta, gergeseo reta, amorreo reta jare jebuseo reta.

1 SAMUEL 14:6

Jare Jonatán jei jembiporu ñeraro pegua ivoɨa pe: —Eyu yaja ñapüa kuae itumpa-raanga pota vae reta re. Güɨramoi yandeYa yandemborɨta ko, echa chupe mbaetɨ etei mbae yavai oporoepɨ vaerä jeta vae rupi ani mbovɨ vae rupi.

1 SAMUEL 17:10

—Jare jókuae filisteo jei ye—: “¡Che ayapo añave kuae pomboarasɨ vaerä! ¡Pembou cheve metei kuimbae oñoraro vaerä che ndive!”

1 SAMUEL 17:26

Jayave David oparandu jae ndive ñogüɨnoi vae reta pe: —¿Mbae pa oñemeeta jókuae kuimbae omoamɨri kuae filisteo vae pe, jare omokañɨ kuae ñeeasɨ katu Israel iñemuña reta güi vae? Echa, ¿mbae nunga mbatee pa kuae filisteo itumpa-raanga pota vae oyovaicho vaerä Tumpa oikove vae isundaro reta re?

1 SAMUEL 17:45

Jayave David jei chupe: —Nde reyu chekotɨ kɨsepuku ndive, jare mii ndive jare mii raɨ ndive; ërei che ayu ndeve cheYa imbaepuere yae ete vae jee re, sundaro Israel iñemuña reta iTumpa, neñeeasɨ katu ikotɨ vae.