2 REYES 19:23 - Biblia Guarani Tumpa Iñee

²³ Neñee jerajaa reta rupi neñeeasɨ katu chekotɨ. Rere: ‘Jeta yeyé chekäretou reta ramo ayeupi ɨvɨtɨ guasu reta iyapɨte re, Líbano pe ɨvɨtɨ ɨvate yae vae re. Ayasɨa iɨ̈vɨrare ɨvate yae vae reta, ɨvɨra pino jee vae ipöra yae vae. Aja aväe ɨvɨtɨ reta iyapɨte re, kaa reta mbaepotɨ renda reta ramía pe.

2 REYES 19:23 ပူးပေါင်းရင်းမြစ်များ

2 REYES 18:17

Ërei jeseve mburuvicha guasu Asiria pegua ombou mburuvicha guasu Ezequías kotɨ Tartán, Rabsaris, Rabsaces, jetagüe sundaro ndive Laquis güi Jerusalén kotɨ, oïraro reta vaerä. Yogüeru oyembojeyupa ɨ rape ɨrɨru iyɨ́vɨri ɨvategua pe, tape ojo Mbaeputuka renda rupía pe.

2 REYES 18:23

Che jae ndeve nemiari vaerä cheruvicha guasu Asiria pegua ndive, jare che ameeta ndeve dos mil kavayu, oime yave renoi kavayu regua reta.

2 REYES 19:4

Güɨramoi yandeYa Tumpa oendu opaete Rabsaces iñee reta, iya mburuvicha guasu Asiria pegua ombou iñeenguruasɨ katu vaerä Tumpa oikove avei vae kotɨ, oiporarauka vaerä iñee rupi; kuaekuae yandeYa Tumpa oendu. Jáeramo eyerure oimeño opɨtagüe reta re.”

2 CRÓNICAS 26:10

Jökoraiño vi oyapo sundaro reta imaekarä ɨvate vae ñuu rupi, jare oyoo jeta ɨkua reta; echa jeta jɨmba ɨvɨpe kavi rupi jare ɨvɨtɨ iyapɨte ipe kavía rupi; uvarupa jare temitɨ reta ɨvɨtɨ rupi jare ɨvɨpe kavi rupi, echa omomora kó pegua mbaravɨkɨ vae ko.

2 CRÓNICAS 32:17

Senaquerib oikuatía vi tupapire oyangao vaerä yandeYa Israel iTumpa, jei körai: “Tëtaguasu reta itumpa reta mbaetɨ ipuere oepɨ chembaepuere güi iɨvɨ, jökorai Ezequías iTumpa ngaraa ipuere oepɨ chembaepuere güi kuae ɨvɨ pegua reta.”

SALMOS 20:7

Amogüe reta oyerovia ikäretou reta ñeraro pegua re, ïru reta oyerovia ikavayu reta ñeraro pegua re; ërei ore mbaetɨ oreakañɨ oreYa Tumpa güi.

SALMOS 20:8

Jae reta ipɨtu jare oyepɨaka, ërei ore jekuaeñoi orepɨ̈rata royemboɨ roï.

ISAÍAS 10:13

Echa mburuvicha guasu Asiria pegua jei: “Chembaepuere rupi ko ayapo kuae, chearakuaa katu rupi ko ayapo. Tëtaguasu reta güi opa apɨ̈ro iɨvɨ, jare imbaembae jepɨ vae, amoamɨri juvicha reta.

ISAÍAS 10:14

Aipɨɨ tëta reta imbaembae jepɨ vae, jare opaete iɨvɨ, kia nunga vae güɨraja güɨra jupía jaitɨ pe oeyagüe rami, jare mbaetɨ kia ave oyemboavevo vae, ani iyuru ave mbaetɨ opopira ani omoë iñee vae.”

ISAÍAS 10:18

Kaa jare ko ipöragüe opaeteita omboai, imbaerasɨ vae ipuereä etei rami oeyata.

DANIEL 8:11

jare jókuae yasɨtata reta Iyapoa pe ave oyembotuicha; oyopia mɨmba reta oyeyuka oñemee Tumpa pe ara ñavo vae jare omboeteä o mbaemboetea.