2 REYES 19:11 - Biblia Guarani Tumpa Iñee

¹¹ Nde reikuaa mburuvicha guasu reta Asiria pegua oyapo vae, opaete tëtaguasu reta omboai vae reta ndive vae. Jare ¿nde reyereroasayepeta ra?

2 REYES 19:11 ပူးပေါင်းရင်းမြစ်များ

2 REYES 15:29

Peka oiko mburuvicha guasurä Israel pe yave ou Tiglat-pileser Asiriaɨgua reta juvicha guasu, jare opɨ̈ro Ijón, Abel-bet-maaca, Janoa, Cedes, Hazor, Galaad, Galilea jare opaete ɨvɨ Neftalí; jare joko pegua reta opa güɨraja tembipɨɨrä Asiria pe.

2 REYES 18:35

¿Oime pa mbae nunga tumpa reta opaete kuae ɨvɨ pegua oepɨ iɨvɨ chembaepuere güi vae? ¿Maera pa peyemongeta peYa Tumpa ipuere oepɨ chegüi Jerusalén?”

2 REYES 19:10

Körai pere Ezequías mburuvicha guasu Judá pegua pe: “Agüɨye tandembotavɨ neTumpa nde rerovia jese vae, jei yave ndeve: ‘Jerusalén mbaetɨta oa mburuvicha guasu Asiria pegua ipo pe.’

2 REYES 19:12

¿Güɨroasayepe yera tumpa-raanga reta jëtaguasu reta cheñemuñagüe reta opa omboai vae: Tëta Gozán, Harán, Resef jare Edén pegua reta Telasar pe yogüɨreko vae?

2 CRÓNICAS 32:17

Senaquerib oikuatía vi tupapire oyangao vaerä yandeYa Israel iTumpa, jei körai: “Tëtaguasu reta itumpa reta mbaetɨ ipuere oepɨ chembaepuere güi iɨvɨ, jökorai Ezequías iTumpa ngaraa ipuere oepɨ chembaepuere güi kuae ɨvɨ pegua reta.”