2 REYES 18:7 - Biblia Guarani Tumpa Iñee

⁷ Jare yandeYa omborɨ opaete mbae oyapo vae rupi. Ezequías oñemopüa mburuvicha guasu Asiria pegua kotɨ, mbaetɨ ma oiko jae jeia re.

2 REYES 18:7 ပူးပေါင်းရင်းမြစ်များ

GÉNESIS 21:22

Jókuae ara rupi etei Abimelec ojo omomiari Abraham jare güɨraja isundaro ruvicha Ficol. Abimelec jei Abraham pe: —Roecha katu kërai Tumpa ndemborɨ opaete mbae reyapogüe rupi.

2 SAMUEL 8:14

Jare David oñono isundaro reta opaete ɨvɨ Edom pe; jare Edom iñemuña reta opa opɨta David jembiokuairä. YandeYa omee David pe, oporomoamɨri vaerä oipota rupi ojoa rupi.

2 SAMUEL 8:6

Javoi David oñono isundaro reta Damasco pe Siria pe, jare Siriaɨgua reta opa opɨta David jembiokuairä, ombaemboepɨ reta chupe. YandeYa omee David pe, oporomoamɨri vaerä oipota rupi ojoa rupi.

2 REYES 16:7

Jayave Acaz omondo jekovia pe kuimbae reta imiari vaerä Tiglat-pileser mburuvicha guasu Asiria pegua ndive, jei chupe körai: “Che ko metei nderembiokuai, metei nderaɨ rami ko, kuae jeko pegua eyu chereepɨ mburuvicha guasu Siria pegua güi, jare Israel pegua reta cheïraro ñogüɨnoi vae güi.”

2 REYES 17:3

Kuae mburuvicha guasu re oporepeña Salmanasar mburuvicha guasu Asiria pegua; jare Oseas opɨta oiko jae jeia re, ombaemboepɨ oiko chupe.

2 REYES 18:14

Jayave Ezequías mburuvicha guasu Judá pegua omondo jei mburuvicha guasu Asiria pegua pe, Laquis pe ma oï yave: “Che ayapo mbaeyoa; ekua ye cherëta guasu güi, tambaemboepɨ ndeve opaete rekovara cheve rupi.” Jayave mburuvicha guasu Asiria pegua okovara Ezequías mburuvicha guasu Judá pegua pe nueve mil noveciento kilo korepoti jare noveciento noventa kilo oro.

2 REYES 18:20

¿Reyemongeta pa ñee ikavi yae vae rupi oime arakuaa katu jare mbaepuere ñeraro peguarä? ¿Kia re yé pa reyerovia reyovaicho vaerä chekotɨ?

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

2 CRÓNICAS 31:21

Opaete mbaembae oyapo Tumpa jo pe vae, mborookuai jei rami, oeka iTumpa jemimbota, oyapo opaete ipɨa ndive jare oë kavi chupe.

2 CRÓNICAS 32:30

Ezequías vi ko omombiauka ɨvɨgüɨ rupi ɨ jesaɨ vae reta Gihón ɨvate kotɨgua güi jare ombogüeyɨ David Jëta guasu güi kuaraɨ oëa kotɨ rupi. Jökorai Ezequías pe oë kavi yae opaete oyapogüe.

SALMOS 1:3

Jókuae nunga kuimbae ko metei ɨvɨra ɨ̈aka jembeɨ pe oï vae rami, ia iara oväe yave ia, jokɨ katu avei, mbaetɨ jo osururu. ¡Opaete mbaembae oyapogüe oë kavi chupe!

SALMOS 46:11

¡YandeYa imbaepuere yae ete vae oime yande ndive! ¡Jacob iTumpa jae ko ñaneñepɨ̈roa!

SALMOS 60:12

Ndeporomborɨ rupi orepuere royapo mbae tuichagüe, ¡nde repɨ̈rota orerovaicho reta re!

ISAÍAS 33:6

jare omeeta oiko pɨagüive vaerä. Arakuaa katu jare mbaembae yaikuaa katu vae ko oporogüɨroasayepe vae; yandeYa güi yaipoɨu vae ko, mbaembae jepɨ yae vae rami.

ISAÍAS 36:5

¿Rerovia pa, jókuae ñee ikavi yae vae, oyovake mbaepuere ñeraro pegua ndive? ¿Kia re ye pa reyeko, reyembopɨapochɨ vaerä chekotɨ?

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

Romanos 8:31

¿Mbae pa yaeta jayave kuae re? Echa Tumpa ko yandemborɨ vae, jayave ¿kia pa ñanemoamɨrita?

JUECES 1:19

Jare yandeYa oï Judá iñemuña reta ndive, jae reta opa omoë omombo ɨvɨtɨ rupigua reta; ërei mbaetɨ ipuere opa omoë omombo ɨvɨpe rupigua reta, echa jae reta güɨnoi käretou jiero pegua reta ramo.

1 SAMUEL 18:14

Jare David oyapo opaete mbae yarakuaa katu reve kavi, echa yandeYa oï jae ndive.

1 SAMUEL 18:5

Jare David ojo oipota rupi Saúl omondoa kotɨ, jare yarakuaa katu reve kavi oiko. Jare Saúl oñono kuimbae ñeraro regua reta itenondeguarä, jare jae reta ipɨakatu yae omae jese, jökorai vi Saúl iyɨvɨrigua reta.