2 REYES 18:3 - Biblia Guarani Tumpa Iñee

³ Oyapo jupi vae yandeYa jesa róvai, oyapo opaete mbaembae iñemuñagüe David oyapo rami.

2 REYES 18:3 ပူးပေါင်းရင်းမြစ်များ

1 REYES 11:38

Reyapo yave opaete che royókuai vae jare reyapo yave jupi vae cheróvai, reyapo yave mborookuai reta, cherembiokuai David oyapo rami, che aïta nde ndive jare ameeta oime avei vaerä mburuvicha guasu neñemuña reta güi, David pe ayapo rami, jare ameeta ndepo pe Israel.

1 REYES 11:4

Jare Salomón indechi ma yave, jembireko reta güɨrova ipɨa chugüi tumpa ambuae reta kotɨ, ipɨa mbaetɨ ma jupi iYa Tumpa kotɨ, tu David ipɨa rami.

1 REYES 15:11

Asa oyapo sɨmbi vae yandeYa jesa róvai, iñemuñagüe David rami.

1 REYES 15:5

Echa David ikavi oyapogüe yandeYa jóvai, jare opaete oyókuai vae güi mbaetɨ osɨrɨ oikove oiko ramboeve jaeño ete jeko Urías Het iñemuña pegua kotɨ.

1 REYES 3:14

Jare reguata yave cheremimbota rupi, reñovatu reve cheporookuai reta, nderu David oguatase rami, che ambopukuta nderekove.”

2 REYES 12:3

Ërei ngatu jeseve mbaetɨ omboai mbaemboete renda ɨvɨtɨ rupigua, echa opaete vae jekuaeñoi omee mɨmba oyeyukagüe jare oapɨ reta ikäti kavi vae incienso jokoropi.

2 REYES 14:3

Amasías oyapo jupi vae yandeYa jesa róvai, yepe tëi mbaetɨ iñemuñagüe David rami; oyapo opaete mbaembae tu Joás oyapo rami.

2 REYES 20:3

“Romoñera cheYa, romoñera nemaendúa vaerä cheré, kërai che aguata nderóvai jupi rupi kavi jare opaete chepɨa ndive ayeokuai ndeve, ayapo ndeve mbaembae reta ndepɨa potaa rupi kavi.” Jare oyaeo ipɨatɨtɨ yae reve.

2 REYES 22:2

Oyapo ikavi vae yandeYa jesa róvai, oiko iñemuñagüe David oiko rami kavi, opiambae reve ketɨ ave.

2 CRÓNICAS 29:2

Oyapo jupi vae yandeYa jesa róvai, opaete iñemuñagüe David oyapo rami etei kavi.

JOB 33:27

Jae omae opaete kuimbae re, jare nde rere: “Cheyoa, ayavɨ, ërei Tumpa mbaetɨ oiporarauka cheve,

SALMOS 119:128

Jáeramo ko, amae jese jupi ko opaete ndeporookuai reta, opaete mbaembae reta güi, jare amotareɨ opaete apu reta.

ÉXODO 15:26

jei körai: “Peendu kavi yave che peYa Tumpa iñee, jare peyapo yave jupi vae cheresa róvai, peendu jare peyapo yave opaete cheporookuai, ngaraa ambou peve metei ave mbaerasɨ reta Egiptoɨgua reta pe ambou vae; echa che ko jae peYa pepoanoa.”

ISAÍAS 38:3

“Romoñera cheYa, nemaendúa vaerä jupi rupi jare añetete rupi ayeokuai ndeve vae re, jare ayapo ndepɨa jemimbotaño.” Jare oyaeo ipɨatɨtɨ yae reve.

Romanos 7:12

Ërei mborookuai ikɨambae ko, jare mborookuai jei vae ikɨambae ko, jupi ko jare ikavi vae ko.

Efesios 6:1

Kunumi reta jare kuñatai reta toyapo tu jare ichɨ jei vae, yandeYa re güɨrovia ramo, echa kuae jupi ko.

DEUTERONOMIO 10:12

Añave Israel iñemuña reta, ¿mbae pa oiporu pegüi yandeYa Tumpa? Jaeño peipoɨu yandeYa Tumpa güi, peguata opaete jemimbota rupi jare peaɨu, jare peyeokuai yandeYa Tumpa pe opaete pepɨa ndive, opaete perekove ndive,

DEUTERONOMIO 6:18

Jare peyapo sɨmbi vae jare ikavi vae yandeYa jesa róvai, peiko kavi vaerä, jare peike penoi vaerä jókuae ɨvɨ kavi yandeYa güɨrökuavee jee re peñemuñagüe reta pe vae;