2 REYES 18:26 - Biblia Guarani Tumpa Iñee

²⁶ Jayave Eliaquim, Hilcías taɨ, Sebna jare Joa, jei Rabsaces sundaro ruvicha Asiria pegua pe. —Romoñera oremomiari vaerä ñee arameo pe, echa ore roikuaa jókuae ñee, agüɨye oremomiari ñee Judá pegua reta iñee pe, echa oenduta ko tëta ikësea re ñogüɨnoi vae.

2 REYES 18:26 ပူးပေါင်းရင်းမြစ်များ

2 REYES 18:18

Javoi oenɨi reta mburuvicha guasu; ërei jekovia pe ñogüɨnoe oövaiti reta Eliaquim, Hilcías taɨ, mburuvicha guasu imbaembae iyangarekoa, jare Sebna ombaekuatía vae, jare mburuvicha Joa, Asaf taɨ.

2 REYES 18:25

¿Rerovia pa che ayu aporepeña amboai vaerä kuae tëta guasu yandeYa iporomborɨmbae reve? ¡Jae ko cheokuai aporepeña vaerä jese jare amboai vaerä!

2 REYES 18:27

Ërei Rabsaces Asiria pegua jei chupe reta: —Mbaetɨ ko peruvicha pe, ani peve retaño mburuvicha guasu chembou jae vaerä kuae ñee reta, jókuae tëta ikësea re ñogüɨnoi vae reta peguarä vi ko, echa jae reta, pe reta rami eteita vi ko jou retata jɨmba repoti jare jou retata ikuarugüe.

2 REYES 18:37

Jayave Eliaquim, Hilcías taɨ, mburuvicha guasu imbaembae iyangarekoa, jare Sebna ombaekuatía vae jare mburuvicha Joa, Asaf taɨ yogüeru Ezequías pɨri, omondoro reta jemimonde ipɨatɨtɨ güi, jare imiari reta chupe Rabsaces jei vae.

ESDRAS 4:7

Jaeramiño vi Artajerjes oiko mburuvicha guasurä Persia pe yave, oikuatía reta chupe Bislam, Mitrídates, Tabeel jare iñeïru reta; jare jókuae tupapire oyekuatía ñee arameo pe.

ISAÍAS 22:15

YandeYa Imbaepuere yae ete vae jei cheve: “Ekua, emae Sebna re, mburuvicha guasu imbaembae iyangarekoa re, jare ere chupe:

DANIEL 2:4

Jayave Caldeaɨgua iyarakuaa vae reta omomiari mburuvicha guasu ñee arameo pe: —¡Eikove katu avei oreruvicha guasu! Emombeu ndepaɨu oreve, jare roikuaaukata ndeve mbae ko oipota jei vae.