2 REYES 18:18 - Biblia Guarani Tumpa Iñee

¹⁸ Javoi oenɨi reta mburuvicha guasu; ërei jekovia pe ñogüɨnoe oövaiti reta Eliaquim, Hilcías taɨ, mburuvicha guasu imbaembae iyangarekoa, jare Sebna ombaekuatía vae, jare mburuvicha Joa, Asaf taɨ.

2 REYES 18:18 ပူးပေါင်းရင်းမြစ်များ

2 SAMUEL 20:24

Adoram opɨta mbaemboepɨ reta iyangarekoarä, jare ombaekuatía vaerä opɨta, jae ko Josafat, Ahilud taɨ.

1 REYES 4:3

Elihoref jare Ahías, Sisa taɨ reta, jae ko ombaekuatía vae reta; Josafat, Ahilud taɨ jae ko mburuvicha guasu pe ombaekuatía vae;

2 REYES 18:26

Jayave Eliaquim, Hilcías taɨ, Sebna jare Joa, jei Rabsaces sundaro ruvicha Asiria pegua pe. —Romoñera oremomiari vaerä ñee arameo pe, echa ore roikuaa jókuae ñee, agüɨye oremomiari ñee Judá pegua reta iñee pe, echa oenduta ko tëta ikësea re ñogüɨnoi vae.

2 REYES 18:37

Jayave Eliaquim, Hilcías taɨ, mburuvicha guasu imbaembae iyangarekoa, jare Sebna ombaekuatía vae jare mburuvicha Joa, Asaf taɨ yogüeru Ezequías pɨri, omondoro reta jemimonde ipɨatɨtɨ güi, jare imiari reta chupe Rabsaces jei vae.

2 REYES 19:2

Javoi omondo Eliaquim jae imbaembae iyangarekoa, jare Sebna ombaekuatía vae, jare sacerdote ñɨma ma vae reta, oñeapeva yogüɨraja reta temimonde mbɨatɨtɨ pegua pe, Tumpa iñeemombeúa Isaías kotɨ, jae ko Amoz taɨ,

2 CRÓNICAS 34:8

Jare dieciocho año ma oiko mburuvicha guasurä yave, opa güire oitɨo ɨvɨ jare tupao, omondo Safán, Azalía taɨ, Maasías, tëta guasu juvicha jare mburuvicha Joa, Joacaz taɨ oñono kavi reta vaerä iYa Tumpa jo.

ISAÍAS 33:7

¡Mase, kërai jäseta tëta guasu ikatu pe, omondo imiari jekovia pe vae reta, yogüɨraja mbɨakatu oyapo vaerä vae reta täta oyaeota!

ISAÍAS 36:22

Jayave Eliaquim, Hilcías taɨ, jae ko mburuvicha guasu imbaembae iyangarekoa, jare Sebna, jae ko ombaekuatía vae jare Joa, Asaf taɨ, jae ko mburuvicha, omondoro reta jemimonde ipɨatɨtɨ güi, yogüɨraja Ezequías pɨri, jare omombeu reta Rabsaces iñee chupe.

ISAÍAS 36:3

Jare oë oövaiti Eliaquim, Hilcías taɨ, jae ko mburuvicha guasu imbaembae iyangarekoa; jare Sebna, jae ko ombaekuatía vae; jare mburuvicha Joa, Asaf taɨ.

ISAÍAS 37:2

Javoi omondo Eliaquim, mburuvicha guasu imbaembae iyangarekoa, jare Sebna, jae ko ombaekuatía vae jare sacerdote okuakuaa ma vae reta, ñeemombeúa Isaías, Amoz taɨ pɨri; oyemonde yogüɨraja reta temimonde mbɨatɨtɨ pegua pe.