2 REYES 18:14 - Biblia Guarani Tumpa Iñee

¹⁴ Jayave Ezequías mburuvicha guasu Judá pegua omondo jei mburuvicha guasu Asiria pegua pe, Laquis pe ma oï yave: “Che ayapo mbaeyoa; ekua ye cherëta guasu güi, tambaemboepɨ ndeve opaete rekovara cheve rupi.” Jayave mburuvicha guasu Asiria pegua okovara Ezequías mburuvicha guasu Judá pegua pe nueve mil noveciento kilo korepoti jare noveciento noventa kilo oro.

2 REYES 18:14 ပူးပေါင်းရင်းမြစ်များ

1 REYES 20:4

Jare mburuvicha guasu Israel pegua jei: “Jókuae rere rami cheruvicha guasu, che jare chembaembae, ndembae ko.”

2 REYES 10:5

Jare omaangareko vae, mburuvicha tëta guasu pegua, tenondegua reta, jare michia reta iyangarekoa reta omondo jei Jehú pe: “Nderembiokuai ko ore, royapota opaete nde oreokuai vae; ërei mbaetɨta roiparavo mburuvicha guasurä metei ave, eyapo oreve nde reipota vae.”

2 REYES 14:19

Jerusalén pegua reta oñemopüa Amasías kotɨ, jare jae otekuarai Laquis kotɨ; ërei oaɨkuemoña reta jókuae tëta guasu kotɨ, joko pe oyuka reta.

2 REYES 15:20

omboepɨ vaerä jókuae oñererökuavee mburuvicha guasu Siria pegua pe vae, Manahem omee mborookuai ombaemboepɨ vaerä oikokatu vae reta medio kilo oasa rupi korepoti. Jökorai mburuvicha guasu Asiria pegua ojo ye iɨvɨ kotɨ jare mbaetɨ ye opɨta jókuae ɨvɨ pe.

2 REYES 18:7

Jare yandeYa omborɨ opaete mbae oyapo vae rupi. Ezequías oñemopüa mburuvicha guasu Asiria pegua kotɨ, mbaetɨ ma oiko jae jeia re.

2 REYES 19:8

Jare Rabsaces oyerova ye ma ou yave oväe mburuvicha guasu Asiria pegua oñeraro oï tëta Libna pegua reta ndive; echa oendu ojo ye ma Laquis güi vae.

PROVERBIOS 29:25

Kuimbae güiño yaipoɨu vae, ñuai rami ko, ërei yandeYa reño oyeko vae, oyemboeteukata ko.

JEREMÍAS 34:7

Jökorai ramboeve, mburuvicha guasu Babilonia pegua isundaro reta opüa ñogüɨnoi Jerusalén re, jare tëta guasu reta Laquis jare Azeca re, echa jaeño ete tëta guasu reta oñekëse kavi vae, Judá pegua opɨta vɨteri vae.

San Lucas 14:32

Jare oecha mbaetɨta ipuere jovaicho re yave, mombɨrɨ vɨteri jovaicho güi oï ramboeve, omondota jekovia pe omoñera agüɨye vaerä oñeraro jae ndive.