2 REYES 18:1 - Biblia Guarani Tumpa Iñee

¹ Oseas, Ela taɨ mboapɨ año ma oiko mburuvicha guasurä Israel pe yave, Ezequías omboɨpɨ oï mburuvicha guasurä Judá pe, jae ko Acaz mburuvicha guasu Judá pegua taɨ.

2 REYES 18:1 ပူးပေါင်းရင်းမြစ်များ

2 REYES 15:30

Jayave Oseas, Ela taɨ oñemopüa Peka, Remalías taɨ kotɨ jare oyuka, jare jae oguapɨ jekovia pe mburuvicha guasurä, Jotam, Uzías taɨ veinte año ma oiko mburuvicha guasurä yave.

2 REYES 16:2

Acaz güɨnoi veinte año omboɨpɨ oï mburuvicha guasurä yave; diecisei año oiko mburuvicha guasurä Jerusalén pe; ërei mbaetɨ oyapo jupi vae yandeYa jesa róvai, iñemuñagüe David rami.

2 REYES 16:20

Mburuvicha guasu Acaz omano yave, oñotɨ reta iñemuñagüe reta oñeotɨa pe, David Jëta guasu pe; taɨ Ezequías oguapɨ jekovia pe mburuvicha guasurä

2 REYES 17:1

Acaz doce año ma oiko mburuvicha guasurä Judá pe yave, Oseas, Ela taɨ omboɨpɨ oï mburuvicha guasurä Samaria pe opaete Israel re; jare chau año oiko mburuvicha guasurä.

2 REYES 18:9

Ezequías irundɨa año ma oiko mburuvicha guasurä Judá pe yave, jare Oseas, Ela taɨ, chiúa año ma oiko mburuvicha guasurä Israel pe yave, Salmanasar, Asiria pegua reta juvicha guasu oporepeña Samaria re jare opa oñova.

1 CRÓNICAS 3:13

Jotam taɨ jae Acaz, Acaz taɨ jae Ezequías, Ezequías taɨ jae Manasés,

2 CRÓNICAS 28:27

Omano yave oñotɨ reta iñemuñagüe reta oñeotɨa pe, tëta guasu Jerusalén pe, ërei mbaetɨ oñono reta mburuvicha guasu reta Israel pegua jɨvɨa pe. Jare taɨ Ezequías oguapɨ jekovia pe mburuvicha guasurä.

2 CRÓNICAS 29:1

Ezequías güɨnoi veinticinco año omboɨpɨ oï mburuvicha guasurä yave, jare oiko mburuvicha guasurä veintinueve año Jerusalén pe. Ichɨ jee Abías, jae ko Zacarías tayɨ.

2 CRÓNICAS 29:29

Jare opa reta omee yave, mburuvicha guasu jare opaete jae omoïru vae reta oyetavatɨka jae ndive omee vaerä mbaemboete.

MIQUEAS 1:1

YandeYa jei Miqueas, Moreset pegua pe, oechauka chupe Samaria jare Jerusalén regua; Judá pe oiko yave mburuvicharä: Jotam iara pe, Acaz iara pe jare Ezequías iara pe.