2 REYES 17:9 - Biblia Guarani Tumpa Iñee

⁹ Israel iñemuña reta oyapo vɨari mbaembae ikavimbae iYa Tumpa kotɨ, omopüa reta iyeupe mbaemboete renda opaete jëta guasu ñavo rupi; sundaro reta tëta oäro vae oyemboɨa ñavo rupi jare tëta guasu reta oñekëse kavía ñavo rupi,

2 REYES 17:9 ပူးပေါင်းရင်းမြစ်များ

2 REYES 18:8

Omoamɨri vi filisteo reta Gaza kotɨ güɨraja güɨroväe regua; maeka ɨvate vae reta güive tëta guasu reta oñekëse kavi vae kotɨ.

JOB 31:27

Ërei mbaetɨ amboete vɨari aiko, ani chepo aupi ikotɨ amboete vaerä.

SALMOS 78:58

Mbaemboete renda ɨvɨtɨ rupigua oyapo reta vae rupi omboarasɨuka reta, jare omboete reta tumpa-raanga reta vae rupi omoägüɨrouka.

ISAÍAS 29:15

¡Paravete! YandeYa güi oñemi vae reta, oñomi reta iyemongeta jare jembiapo pɨtumimbi pe, jare jei reta: ¡“Mbaetɨ kia yandereecha, mbaetɨ kia yandekuaa”!

EZEQUIEL 20:28

Che aru reta jókuae ɨvɨ arökuavee amee vaerä chupe retaa pe, jare oecha reta ramboeve ɨvɨtɨ ɨvate vae jare ɨvɨra iküaraɨa kavi vae yave, joko pe omee reta mɨmba oyeyukagüe, jare mbota reta, pɨpe chemboarasɨ reta, joko pe omee vi ikäti kavi vae incienso jare mbota vino oyepɨyere vaerä oñemee vae.

EZEQUIEL 8:12

Jare jei cheve: “¿Nde kuimbae, reecha pa Israel iñemuña itenondegua reta oyapo vɨari, metei ñavo itumpa-raanga jɨru pe vae? Echa jae reta jei: ‘Ngaraa yandereecha yandeYa, oeya ma ko kuae ɨvɨ.’ ”

OSEAS 12:11

Galaad pe oime tumpa reta, ërei tumpa-raanga retaño ko. Gilgal pe oyuka reta toro; mɨmba oyeyuka oyeapɨ jese vae jae reta imbae, kó rupi jeta ita yatɨ yatɨ temitɨ pɨte rupi rami ko.”

DEUTERONOMIO 13:6

Ërei nemoñera yave, nderɨkeɨ ani nderɨvɨ, ndesɨ imembɨraɨe, ani nderaɨ, nderayɨ ani nderembireko, ani ndevɨa-ïru, jei vɨari reve ndeve, reo vaerä remboete tumpa ambuae reta, nde reikuaambae jare neñemuñagüe reta oikuaambae vae,

DEUTERONOMIO 27:15

‘Tijeko jókuae kuimbae oyapo mbae iägüe ani tumpa-raanga jiero oyemondɨkuigüe pe vae, pɨ̈chɨi yae ko yandeYa pe, kuimbae ipoki vae jembiapo, jare oñomi oñono vae.’ Jare opaete vae tei: ‘Amén.’

DEUTERONOMIO 29:25

Jare jei retata: ‘IYa Tumpa oyapo morogüɨrökuavee päve iñemuñagüe reta pe vae oeya reta jeko pegua, ɨvɨ Egipto güi güɨnoe yave omee chupe reta vae,